桑寄生茶------係唔係要煲咁耐?

acmc 發表於 2011-12-16 17:09
要請教你呀, 對於面部容易出暗粒嘅人,  桑寄生蓮子紅棘蛋糖水, 算唔算燥呢?
還有聽過小朋友唔好食補品,  ...

紅棗去核應該OK...真係怕紅棗會燥既...咪唔落囉....


聽過小朋友唔好食補品<------------聽時有無問清楚?

聽邊個講?醫生?八姑?七婆?隔黎亞蝦仔個朋友個亞媽既唔知邊個?

點解唔好食?咩原因?邊一類補品?咩算係佢地講既補品?

聽講飲鮮奶都好補架喎...冬天食羊肉都補架喎...清補涼都補喎...咁有咩細路仔可以食呢?

唔好以鵝傳鵝...傳傳下變左隻雞先得架...

以我估計...話細路仔會唔大，係因為激素既關係囉....有某類補品(食物)係含有激素既...細路仔食左容易引致性早熟..
個體形仲係練路仔，性器管己早熟...咪唔再長大長高囉...

唔洗食補品架...食多D雞就得架喇...大陸好多細路都係食雞食到不夠十歲，個器官就好似大人咁...新聞紙有登架..

(唔好信晒我...我都係度傳緊隻鵝...)

我昨晚放工去有中醫的藥房搵，個中醫可能見我一副傷風樣，同我講傷風感冒唔飲得桑寄生茶…

acmc 發表於 2011-12-16 10:09
要請教你呀, 對於面部容易出暗粒嘅人,  桑寄生蓮子紅棘蛋糖水, 算唔算燥呢?
還有聽過小朋友唔好食補品,  ...

''引用"要請教你呀, 對於面部容易出暗粒嘅人,  桑寄生蓮子紅棘蛋糖水, 算唔算燥呢?
還有聽過小朋友唔好食補品, 話會唔高的, 咁桑寄生都好似係屬於補的, 小朋友又應唔應該飲呢? "引用"


大家唔好亂講，桑寄生屬於「涼茶」並非補品！用括號括住，指植物泡煮的茶，不是寒涼之物。

以下講吓一般補品是什么。

人蔘
雪蛤膏
蛇
冬蟲夏草
鹿茸
田七
當歸
什么什么鞭
羊肉/果子狸...之類的野味

小朋友未發育，吃了所謂補的東西，傳統有兩個擔心的問題：
1. 早熟, 這個cklife已講了。
2. 有病醫唔好。當小朋友小時已間中/年年吃這些補/葯用的食材，將來有病，要用哩啲先醫得好，但因為從小已吃，失去醫治功效。尤其是人蔘(不包括花旗蔘)。

以上也是我嫲嫲/婆婆講。自己決定俾唔俾小朋友食。

不是補品的：
燕窩, 花膠, 海參, 魚翅, 鮑魚 .......

acmc 發表於 2011-12-16 10:00
今日去咗華x堂, 無賣喎! 後來俾我係一間中藥房買到一盒, 就係你哋用開果隻啦, 今晚要再試吓. ...

桑寄生，性平和，不寒不燥。孕婦飲都無壞！


反而紅棗很燥！

八王爺 發表於 2011-12-17 09:41
''引用"要請教你呀, 對於面部容易出暗粒嘅人,  桑寄生蓮子紅棘蛋糖水, 算唔算燥呢?
還有聽過小朋友唔好 ...

我估d人將價錢嚟介定係唔係補品, 會覺得價錢貴少少就話係補藥.  記得有個朋友以前同我講佢家人常常煲補湯, 咁我好奇一問係咩呢?  點知佢話花旗參   花旗參價錢有平有貴, 屬涼, 清熱.  相反高麗參/日本參(人參)屬溫補藥.  書講夏天花旗參; 冬天人參.

桑寄生我會放少少黑荳落去煲返粒幾鐘.味道都ok

金盞花 發表於 2011-12-17 11:57
我估d人將價錢嚟介定係唔係補品, 會覺得價錢貴少少就話係補藥.  記得有個朋友以前同我講佢家人常常煲補湯 ...

咩係補，我覺得每個人定義唔同囉...

有D人用價錢...貴既就係補..
有D人聽到話對身體有咩好處...就當係補..
有D人覺得要長時間先煲好既..就係補
有D人覺得要燉既先算係補..

觀念問題....

我自己既諗法係...花旗參和高麗參，吉林參之類既野...係視乎個人身體黎食。
雖然，天氣都有影響，但最大分別人個人既體質...
對症下藥，只要對症可以無視季節(當然係特別例子)

我以前身體好虛....去睇一個老中醫，佢話佢唔會幫我補....因為我食乜補都無用...我係脾胃問題...
我日日去睇，佢幫我調理左兩個月，都只係調理我既吸收能力，同我經常患既傷風感冒..
終於兩個月之後，佢同我講可以開始補喇...

但佢唔係開補藥比我食，而係叫我自己燉湯，仲唔洗要幫襯佢...

果時佢教我係夏天，鹿茸高麗參燉雞汁。。。。。好多老人家聽到都嚇一跳。。。

因為太燥補，老人家冬天先會燉黎食。。。後生細女仲係夏天食添。。。

但我食左真係好好訓（當時我有神經衰弱，晚上好易醒，醒左好難訓得番著），身體仲好左好多。。。之後就少左傷風感冒。。。

我諗 係當時既身體狀況適合喇。。。個醫生仲同我講，高麗參係病人進補用。。。一般 人唔洗食到咁勁。。。

用吉林參都得架喇。。。

我老公勁燥底。。。一年四季都係花旗參，冬天我燉開我自已食既參，就會比一兩啖佢飲。。。平衡番d咁囉。。

我姑仔呢。。。就教佢花旗參加高麗參兩溝咁燉。。。夏天多d花旗參，冬天多d高麗參。。（佢旅行買左太多高麗參，所以教佢用高麗參囉）

係食療書睇 到既做法。。。本書叫佢做補氣孖寶。。。介紹比幾個朋友都話好。。。姑仔飲左一輪，面色紅潤左好多。。。

八王爺 發表於 2011-12-17 09:41
''引用"要請教你呀, 對於面部容易出暗粒嘅人,  桑寄生蓮子紅棘蛋糖水, 算唔算燥呢?
還有聽過小朋友唔好 ...

我都知桑寄生(性平, 補肝腎，強筋骨)，+了紅棗蓮子煲嘅桑寄生紅棗蓮子茶，會否都會燥或中和到呢. 我琴晚飲咗，只係落咗２粒紅棗，今朝喉嚨吞口水都痛.

你所提到嘅補品，雪蛤膏，冬蟲夏草，中醫師都有叫整俾小朋友食架．仲要話親平買好啲 ,好快又起價. 燕窩有激素前排電視都有做過，我有些朋友笑說自己係食燕窩大的，所以成班兄弟姊妹最高果個都唔過５呎３．我就最近幾年才無吃, 其實都吃咗廿年都有, 係因為皮膚問題而吃的.

我有個親戚，兩公婆都只有五尺高，佢哋果邊的親戚子女都係較矮的，佢哋有個經驗分享，因為怕個仔唔夠高，試了有段時間經常俾田七個仔食，話好有用喎，我就唔會試喇.

msfion 發表於 2011-12-17 12:27
桑寄生我會放少少黑荳落去煲返粒幾鐘.味道都ok

我自從有麵包機之後, 有時整包都會加埋啲黑豆粉, 好少煲囉.

回覆︰金盞花  原來都要按個人體質, 真係睇書都係資料有限, 好要靠你個中醫經驗呢!  發表於 2 小時前

久病嘛...我底子差嘛....自己又中意睇食療書...睇中醫時反正都比左診費...
索得幾多料得幾多料啦.....賺埋學費嘛...

我老公以前睇一個出名既老中醫，佢感冒..夏天中醫開藥...一樣有加當歸...
我老公飲左...又一樣好喎...

邊個話男人唔食得當歸呢.....

當然人地一劑藥有配伍......老公自己煲黎食既話...會流鼻血...

金盞花 發表於 2011-12-16 15:15
我係到中藥鋪買一盒$12-   閒時當茶咁煲嚟飲, 邊駛煲咁耐, 好似ck咁講煲到有香味20-30分鐘就足 ...

我o係大陸買
人仔40/500g
(俾人搵o左笨啦 )
香港我買一盒都係$10