我的領養故事

想同大家介紹下我的小狗COCO。大半年前我o係 HONG KONG DOG RESCUE 領養佢返黎。
當時其實都唔太肯定自己有冇能力照顧佢一生一世。但係心想，既然咁多人可以，點解我會唔得呢？
於是我上左HKDR個website睇下，一見到COCO就覺得：係佢喇。
於是聯絡HKDR去睇下，當時知道佢o係HKDR中心係有點生人勿近，咬過好多人，因為好驚所以好惡。
聽罷都驚驚到，第一次見佢既時候未接近佢，佢已經不斷o係度低吼緊，男朋友好耐心咁用小食引左佢半個鐘，佢先肯出黎玩，而且玩得好雀躍…
一星期後再去第二次，今次好少少，用左三個字左右引佢出黎，仲可以帶佢去行左一次街。
第三次去既時候，我終於帶左佢返屋企。聽好多人講，初時領養狗仔返黎，佢會好唔適應，所以最好由佢自己獨處幾日。
不過Coco完全冇咁既問題，甚至完全冇攪亂過我屋企任何野，o係HKDR時既惡相仲完全冇埋。
到左而家，佢已經好安樂咁駐守我屋企，每次聽到「去街街」就好會雀躍咁周圍跑，每次行完返黎都要玩一大餐先好安樂咁去ZZZ。
佢仲好聰明，對於「NO」、「GO」、「SIT」、「手手」等指示好快就明晒，
而且只係用左幾日就知道每次出完街一定要坐o係廚房等我同佢洗手腳，仲要講聲「OK」先可以入去廳玩。
有時出街都會撞到HKDR既人，個個一見到即刻認得佢，話佢以前好惡，對於佢而家個sweet樣好驚訝。
我覺得自己好好彩，可以有一個咁乖既小女孩成日陪住我。
希望可以有更多人願意領養狗仔，因為佢地對於一個人既生活真係可以有好大既改變。

同大家分享下佢既生活照。

佢以前在HKDR時的相片：


而家懶洋洋的在家：


佢最鍾意"LUI"草地同沙灘：

佢好可愛呀~~

支持領養

好幸福, all my best to you and coco, how old is she now?

有福氣的小狗..............

灘係沙灘好爽喔

支持領養

你錫佢,佢知佢好辛運有你呢個主人

coco好靚女喎~

faylo 發表於 2011-11-21 11:05
好幸福, all my best to you and coco, how old is she now?

多謝 佢而家兩歲幾，不過詳情不明。聽講佢係畀上一個住公屋既主人送左去漁農署，當時冇打針又未desex。

prodorothyhkg 發表於 2011-11-21 13:03
coco好靚女喎~

多謝 妳o個兩隻係咪golden retriever？我好鍾意佢地又好動又乖。

vivi 發表於 2011-11-21 11:44
灘係沙灘好爽喔

支持領養

係呀! 可惜香港大部分沙灘都唔畀狗入。
相中o個個係o係愉景灣，其實都唔畀狗入架，不過我o地沿路行畀佢o係沙灘邊跑下。

renhermite 發表於 2011-11-21 13:49
多謝  妳o個兩隻係咪golden retriever？我好鍾意佢地又好動又乖。

係呀,頭像3隻都係領養,中間果老野隻走左半年啦,左手邊體形最大的超級好動(因為後生)~
個女就真係超乖,不過已經有老態了(快14歲)~

攝於今日下午，我整花草佢曬日抖。

Look very faithful and keep you company all the time woooo.

我以前三位貓大爺都係向街拾反屋企養。
可以相遇係大家嘅福氣。

太好啦!  好彩有你肯俾耐性去接受coco, 太幸福啦  我都相信養咗貓狗之後不但可以改變佢一生, 就連自己都會因為有咗佢哋加入而令生活多咗情趣.

好開心見到 coco 放下介心,去接受你依個新主人,你要好好珍惜你哋依個"緣份"呀~~

金盞花 發表於 2011-11-22 00:15
太好啦!  好彩有你肯俾耐性去接受coco, 太幸福啦  我都相信養咗貓狗之後不但可以改變佢一生,  ...

係呀﹗我以前完全唔覺得自己可以為一條生命負責任，加上以往自己一個人住，而家覺得屋企有生氣左好多。同埋為左帶佢玩而去左好多以前唔會去既地方。

支持領養

支持領養~~~~
我三隻貓咪都係喺街上執,其中一隻以前喺街上好惡,每次有義工喂佢地,佢會快快食曬自己嗰份再食埋其他貓貓既食物,初初嚟到我屋企都好惡,摸下都打人,而都好乖乖,鐘意人摸,仲會嗲人添~~~~

Support!!