請抵制超級市場

小的工作歷史上都直接或間接阿+X哥旗下公司同奶奶公司有交手過。

先講奶奶公司，佢會壓價，數期係有，不過夠期一個仙都唔會俾少俾你。
+X哥旗下公司，佢會壓價，數期係有，不過夠期就用盡所有方法一個仙都唔會俾你。(小的舊東家傳聞俾佢告，結果仲要係食埋)

基本上俾度平我就去邊度買o野，通常都係吉吉島超市最平，奶奶公司有時都會平，+X哥既基本上係唔會入去(入去都唔自在)，但係我去屋企附近既藥房買o野最多。

+X哥既樓d質素好差，千祈唔好買，起緊樓時見到有問題佢係唔會出聲叫判頭執，係起完先用呢d問題o黎扣判頭錢。結果隨時係千瘡百孔既。(仲要肥唔係肥落+X哥度，係旗下班高層度)

支持小店
對抗集團

我們以行動支持去少咗超市, 但鮮奶這些易變質的還是擺脫不了超市, 但我們不會再在超市撻, 買完所需的就走.

肉類, 蔬菜會幫襯街市, 衛生清潔用品會幫襯藥房.

搵到呢個group:
http://www.facebook.com/groups/2 ... if_t=group_activity

十分支持

不過買包大米/雞蛋都會到超市!  另外. 當有coupon都要入去使咗佢

我發覺我真係去少左超市。。。。

年紀越大越少入去。。。連老公都去少左。。。（佢戒左汽水，凍飲咩）
我對數目字矇矇下。。。（食米唔知米貴）。。。
不過，老公就出左指引，厠紙要去藥房買。。。

diy之後。。無再買清潔用品，所以一般 人基本既漂白水、洗潔精等等。。。我無買過。。
依家仲改左買本地有機菜，更加無去超市。。。
雞蛋都去點點x買。。。米。。食十穀米。。。又無幫襯超市。。。
好似真係無乜需要入去囉。。。

多d人唔去超市買野戈好丫。。。咁我就無咁另類囉。。。呵。。呵。。

========

另外我發覺同一隻牌子既雞蛋，係惠X買係細隻D架...而且..佢D貨管理得唔好，之前試過買番黎，個蛋痴住左個膠盒，拎唔到出黎，因為有D蛋液做左強力膠，個感覺幾污糟...

係點點X買，個收銀會打開個盒，每隻蛋睇清楚無事先收錢...好好多喔....

真係唔想抵制都唔得，搵唔到理由點解要去幫儭佢地。菜唔靚，肉唔鮮，家居用品貴過人。但都支持抵制超級市場。去街市買野重有一個好處，就係可以直接同老板交易，遇到誠實的可以成為佢旣熟客。

買送既話...我一有機會就會幫襯街市!
買其他生活百貨... 香港好似已經冇幾多間士多啦wor....