請抵制超級市場

相信大家最近都聽過, 大超市不繼向供應商施壓, 不准小商店賣低於超市之價錢, 可口可樂 和 出前一丁, 都是例子

咁即係超市可以將一罐可樂價錢提高到任何價錢, 其他商店都要跟, 或者賣貴過超市價錢, 市民只可選飲或唔飲

咁發展落去
1. 以低價吸引街坊的小商店, 要強迫為助紂為虐於超市, 最終因失去競爭能力而關門, 不願抬價的也會因斷貨而關門.
2. 市民的生活受制於超市, 佢話可樂一罐10元, 你可以買或唔買, 佢話白米50元一斤, 你冇得唔買

李生可能對地產霸權玩厭咗, 又想玩民生霸權, 佢又可能輸咗最底工資, 要在市民身上搵返突.

今時今日, 我們的生活已脫離不了超市, 無助的蟻民只能任其由宰割, 李生今日想你生活質素下降兩點, 就加米價一成, 明天想你再下降一點, 又加肉價兩成....

我呼籲各位, 調節一下購物模式, 減低超市購物兩成或更多, 轉為幫襯其他商店, 一來可以幫助平價商店, 利己利人, 二來可以反映給超市的暴君知道, 市民對他們的惡行是冇反彈的.

我兩個月都唔去超市一次, 就係唔鍾意佢地D霸權主意和襱斷行為!

個日睇到新聞話小店俾超市逼迫, 我都和自己講, 要多d幫襯小商店和非連鎖店, 支持下小本經營, 否則第日香港周圍都係貴得無譜, 全無特色, 又無乜質素的連鎖店.  

有時聽到有個人講, 唔明李生點解為咗搵錢, 無所不用其技來欺壓小市民, 再搵多點錢, 大不了是遺囑上的數子大一點.   我好有同感.

聖經上說: 有錢人進入天國, 比駱駝穿過針孔還要難.

這正是講李生這種有錢人.

剛剛的星期一去了一次「欢迎」超巿。
實例一：

價錢牌$31.9 十包一丁面，我買了十包。
到付款時，收銀員話，買十送一，咁即$31.9十一包。
另外，糧油食品買滿20元，95折。
最後，$30.9 買到11包一丁面。

之前新聞報導話，批發商唔准小店以$3.0一包出售一丁面。
咁我在超巿買到低過$3.0，批發商知唔知？

八王爺 發表於 2011-11-9 17:22
剛剛的星期一去了一次「欢迎」超巿。
實例一：

批發商知又點, 佢敢唔賣給超市嗎?

我經常教囡囡亦付諸行動的是==>可不買的不買,非買不可的則行多三幾步去幫親辨館/士多/什貨鋪.

比得大帝 發表於 2011-11-9 17:26
批發商知又點, 佢敢唔賣給超市嗎?

百x 同惠x都係做show之麻~

我不是潑冷水, 但呢度 active 既種花同胞不是太多, 可能响呢度呢個呼籲成效不大, 但我好贊成: voice out , 要盡自己既社會責任

李先生响香港無孔不入, 住既, 食既, 用既, 物流, 甚至於打個電話, 通通佢都有得抽水, 唉 ~ ~~~~

你都成日遊走世界各地, 唔知你有冇留意, 有些商品, 全世界都一定有, 除非你去落後既國家, 會有機會例外
簡單以下幾個品牌
hsbc (人民入錢去比錢滾錢)
iphone (全球瘋狂)
ikea 既產品 (有咩國家無賣 ? 舊左既款運去其他國家賣而已, 全世界輪流賣)
LV (愛美小姐總有一個)

我發覺左好耐, 呢個世界係比商家玩哂, 小創意小生意可以餬口但一定唔會有影響力囉, 正如小鋪頭仔一樣, 要生存就要查頸就命, 因為勢力不同, 拗唔到手瓜, 批發商都係商家, 都只會向錢看, 可能佢仲會扮可憐話自己迫於無奈 tim

由商家主導既社會係會有咁既後果架啦 ~ 而我覺得香港政府坐視不理, 隻眼開隻眼閉咩都唔做先係問題


回點評
~大帝: 果然有堅強既鬥志~為左你呢句，除了比個like，我一定會幫趁小d PK同屈人寺~

水母超大 : 我為左你唔買 LV, 我仲會幫趁小 D "萬利"同 "維安"

哦~ 知道, 我因為知道商家措控市場, 所以決定幫趁小 d 大型商店, 雖然力量微薄, 但以行動去支持公平商業社會~ 另外, 我人生從無擁有過一個 LV 手袋架, 我成日落田, 會成日攞住個港式 LV, HA HA

就係咁我冇得買3蚊1罐汽水呀
好過分!!!
價格幾時邊到係地產霸權同超市主導嫁

假日放假絕大數幫襯市政街市買送已有十多年了，而只有超市超特價時才買街市沒有賣的東西。
希望大家多些幫襯市買送，做個精明消費者。

我90%既野都唔在那2間超市,如果要買只係清價大平賣那隻先買.

FYI
十包一丁面 佳BO仲賣緊$29
西生菜  街市賣緊4個幾一個, 佳Po $8有2個, 惠X$6.8/1個
Vir~~y tissue 衛生紙  最平在工聯會買
清潔用品 在藥房買 平好多 (我買big連約超市價緊7折左右)

我很少貨品幫超市買。大部分都係幫雜貨舖、藥房買

住新界村屋的可能多啲去小店，街坊鋪買嘢。
但住新巿鎮，巿中心區，真喺好難咯。

地產霸權好過分~~有咩理由不准小商店賣低於超市之價錢

讚成抵制超市貨品...
無論成效多大...幾多人參與...
盡力做吧...聚沙成塔...

有時我覺得去超市不如去便利店...
佢d價真係拍得住7仔..同oK...

你去得便利店都預佐個價貴..因為方便...
點知...W 同 P超市同便利店睇齊..

好似保礦力..
超市 -> 原價11.X ->特價 9.3
便利店 -> 原價12.X ->特價  9.7 - 9.9
基本上我次次去都係見到"特價"...所以o係我concept上都係9.x..

有朝一日...連便利店都可能做吾住..因為超市會做埋便利店, 一樣貴之餘, 仲會全部分行做足24小時....

我只係超市買氣水同雪糕....

平日有八至九成是光顧街市小商店、士多、辦館、大排檔等,大家應多些幫襯中、小企,令他們也有生存空間。

「滴水可成河,聚沙可成塔」
多一個人支持, 就多一分力量!

我家住大坑，有幸區內有好多小店，我會逐一去睇下每間店有咩賣。買菜一定去附近間新生農社開既Farm Fest，每日新鮮香港出土，唔使怕唔知邊度黎。早個星期經紙紮舖婆婆教路去辦館買火柴（$5 = 1包6盒），先發覺原來間辦館仲有蛋賣﹗好多野其實每個社區都總有小店照顧到，唔需要下下去超市。不妨分享下各區小店有咩好賣，方便大家去搵下嘛。

momodoll 發表於 2011-11-11 20:40
有時我覺得去超市不如去便利店...
佢d價真係拍得住7仔..同oK...

呢個情況應該唔會發生, 因為好多超市在商場開店, 商場十成10pm關門, 所以超市不能通宵開門.
另外, 超市一般面積很大, 員工較便利店的多好多, 要24hr, 就要和operation cost 掛勾, 半夜時間街坊要找都找便利店啦, 仲點會行多幾步去一間唔係比便利店便好多的超市?
所以世界各地, 便利店還是周街都係~ 但超市通常只開响平租的地方, 甚至要開車才到的地方~