全職學生收到兼職時期舊同事的結婚帖, 你會畀幾多錢人請?

我個女係全職學生, 但收到早前做兼職時期的舊同事的結婚帖(有餅咭的), 各位花友會建議佢畀幾多錢做人請?  我會話返畀佢知做參考. 謝謝!!

你女女全職學生無收入架噃500我覺得多得滯，400死死聲吾好聽，200-300啦吾知得吾得呢？

其實都要睇返你女女同請飲果個嘅交情，好現實咁講：吾熟吾駛去飲啦 但如果你女女好想去嘅，$200-$300對於1個學生嚟講，都好重負担囉

佢去唔去飲先?
佢係學生, 去就$300幾, 唔去飲就$100~$200喇!

學生女無收入, 送帖嘅都應該知, 都係想你個女去大家聚一下, 唔會預你做厚禮, 明知學生女負擔不來.

你個女可以買個小飾物帶去飲, 約100-200元可以了, 最好有心思點.

最好去飲, 人地送帖俾佢, 都係想佢去聚一下, 開開心心, 如果只送禮唔到, 主人家會失望.  明知佢係學生妹, 唔學諗住[打劫].

如果真係唔得閒去, 送張卡可以了.  如果唔到都俾錢, 人地唔好意思收你學生妹嘅零食錢.

現時人情中位數$500 (交情普通)
如果參與飲宴的話，學生人情$300啦，始終人情緊個債嘛

帶上手套~拎起喜帖~小心用介刀介開~然後拎出餅咭~再用膠水痴番
然後落樓將喜帖丟去寄失處~再去拿餅回家品嚐

比得少又比人話~比得多又對自己唔著  (茶
重點你囡囡同人地好熟好好朋友嗎??

好啦其實我隨便講下唔好咁認真XD

如果真係比$300學生人情,咁咪你個女成個星期既零用錢?
如果係我,我會睇下同佢熟唔熟,熟既去飲比$300,唔熟唔去比$100......我都係學生哥~

我地教僧傳統係FULL TIME 學生收帖都唔洗佢地俾人情咖啦
佢地都未搵錢><
佢個FRIEND分明想佢唔去, 但係照收人情啦

學Corina話齋, 睇阿囡想唔想去, 同埋同新娘熟唔熟囉

阿囡係學生, 買份禮物去咪OK啦

早前我都收到同學既結婚帖(冇餅咭),佢同另一學系同學結婚,打開張帖,只有佢地兩個名,我估佢雙方父母都唔知,老實講,好多同學都知佢地係玩家,大家都唔睇好,而且我同佢唔熟,所以我唔會去亦唔會送禮~

其實講真,,,如果唔係熟ge話,又明知你係學生妹都仲要炸你
咁分明係想連學生妹d錢都呃姐,,,,
斷估你個女同佢同事唔會就係做左陣part time就fd到想佢黎飲啊=_=,,,

如果係好熟好好朋友ge話
我覺得請你飲係好正常

但如果only返part time果陣識,,,又唔係好熟~咁就無謂啦,,,


如果去飲的話,,,前者我會比4,5百~後者比200而經夠哂比面   (當去食放題

corina 發表於 2011-11-1 00:25
早前我都收到同學既結婚帖(冇餅咭),佢同另一學系同學結婚,打開張帖,只有佢地兩個名,我估佢雙方父母都唔知, ...

未讀完書就結婚

記得我啊媽啊婆果邊有個唔知咩親戚結婚
之後請哂佢地去飲   (其實係唔熟的親戚

最後都去左,,始終親戚都要比下小小面
但去到d野食係自助餐形式,,重點係d野食少,,難食,,普通
唔好諗有咩刺身,,,,得d三文治果d 唔應該係喜宴見到ge食物
氣水唔係一罐罐~係一渣渣,仲要勁多冰,,,

我啊媽返到黎都話果家人都好意思咁明目張膽賺人情,,,,

一於唔好去！

如果真係 friend 或者有心請學生，親手送帖的時候一定會叮囑叫佢唔使賀禮  (或者像徵式 $100) ... 咁都冇講即係冇諗過佢係學生，佢就算俾 $300 人情，對方亦未必會 like ~

求其作個理由，話阿嫲生日擺酒唔嚟得，早啲通知佢，等人地有得同酒樓退圍數就算喇~

既然係part time e+又無做既 應該都唔會再聯絡 去唔去都擺喇..
日後仲有大把朋友炸你

我結婚的時候都有請一些還是學生的來飲，其實預左佢地俾唔到人情的。
不過你個女可以考慮送禮物而唔係俾人情。

對唔住咯！如果我個女，仲喺學生，我唔會俾佢一個人去飲。
更加唔會做人情。