本帖最後由 acmc 於 2011-10-1 12:52 編輯
cklife 發表於 2011-10-1 09:35
我分享植物都盡量係屋企附近,盡量一次約多個人,集中處理。
我到左未夠鐘都會call對方,通知順便問下佢位 ...
出售, 公開或非公開的分享我都有唔少, 可以說每次都是愉快的, 跟你差不多, 15-20分嘅遲到我是接受的, 佢遲到唔call我, 我都會 call佢, 會明白預錯時間或小事故發生都會有的, 出發前亦會confirm吓有無任何變改及約在自己附近的地方, no show 就唔會出現, 講個笑, 那個被人插咗8頁的post, 裏面在批評人嘅, 跟我交收時, 我也記得佢有遲到, 只不過我無為佢開post啫 .在我來說, 分享是我自願的, 對方有無說多謝我真的不太在意, 反正對方有跟我有問有答有對話就ok啦,
有一次約了個要返學的, 約我4點半, 我4點3打俾佢, 佢e e or or 唔知講咩話仲係屋企, 我問佢咁你出唔出來取呀? 佢話出, 我話你e +即刻出啦, 要幾點到? 佢話4點9, 我4點9打比佢問, 你係邊個站? 佢好驚咁話仲有兩個站, 佢到時, 我見佢攞住個水桶咁大嘅嘢來載我棵小苗仔(好攪笑), 佢問我, "咁樣點?", 我說出可以點處理時, 佢一邊頭點點, 一邊說哦哦哦, 個樣似好純品的中三四學生, 佢都無講唔好意思呀多謝嘅說話, 我無嬲, 仲覺得佢好小朋友feel, 每一個人嘅能力都唔同, 我見過有啲大年紀人仕都會好內向, 說話都唔多句, 俾人誤會都唔會去解釋, 想起有些舊同事平時多謝唔該都唔講句, 但為人正義助人佢有份, 平日風度有禮, 說話討好的偏是個小人, 遲到的也不是為你而遲到, 是本性吧, 我有些朋友個“格”都係咁,但到了有些重要嘅事情上,佢哋會比親人更幫得上, 嚟啲小事就嬲都無謂啦!
|