打工一族~~當心喔

fb留言鬧老闆上司 隨時被炒

【經濟日報專訊】現時facebook的社交分享功能及服務愈出愈多，吸引不少市民日玩夜玩，但上班族肆無忌憚地上fb的同時，可能隨時惹禍。有僱員因在fb「唱衰」老闆遭「炒魷」，亦有人將病假期間遊玩照片上載fb，疑遭同事告密開罪上司。

輔導機構提醒，在fb上要慬言慎行，因為所發表的圖、文隨時廣傳，成為「罪證」。與此同時，愈來愈多僱主招聘時，悄悄在社交媒體蒐集應徵者資料，以剔走愛「蒲」、愛投訴一族（見另文——網上起底 「叮走」問題應徵者）。

「賺大錢都減薪、無良老闆！」職工盟統籌幹事譚駿賢憶述，一名旅遊業員工在fb上狠批公司減薪，結果遭僱主藉詞炒魷，但賠足代通知金。

諷僱主刻薄 上司脾氣差

fb引發的勞資糾紛已逐漸浮現，有網民在討論區透露，友人去年因為在fb留言指：「做滿3年底薪6,600……嘩~咁好既工係邊到搵~？！」以諷刺僱主刻薄，豈料翌日即遭上司「照肺」，她立刻在fb封鎖所有同事，免再被出賣，但仍挽救不了，不久上司明言接受不了其行為，按法例賠償後便將她解僱，她無奈道：「好唔抵，做嘢又唔係無俾心機。」

中原專業人事顧問董事總經理周綺萍指出，去年一名任職顧問公司的年輕員工，在fb投訴上司脾氣差、難服侍，輾轉被上司知道並遭警誡，周直言明知她脾氣差也要寫出來：「真蠢！」

被上司揭詐病 情緒受困

在fb上發嚕囌固然可惹禍，分享開心時刻亦然。一名任職大企業的僱員，月前請病假期間，悄悄到主題樂園玩，還將照片上載到fb。她雖沒add（在fb列為朋友）其上司，但在放了病假之後，卻遭對方問長問短：「有沒有醫生紙？病假期間去了哪裏？」顯然其病假秘密已遭同事傳揚。

「她每次見到上司就心跳加速、對方經過就垂下頭，擔心被問話。」基督教家庭服務中心盈力僱員服務顧問高級經理吳慧琪稱，該僱員因情緒受困求助，已鼓勵她向上司坦白一切：「員工做錯事肯認，可挽回印象分。」

同事互批評 糾紛催化劑

fb也是同事間糾紛的催化劑，另一間輔導機構稱，有員工在fb不點名投訴同事「卸膊」，不少「路人甲」卻單憑片面之詞留言附和、火上加油，令被「批鬥」者感到萬般委屈，雙方關係亦愈鬧愈僵。

合眾人事顧問公司總經理蘇偉忠直言，在fb上與同事及上司分享內容前要三思：「做朋友時可以很要好，但反面就變仇人。」

吳慧琪亦提醒，勿在fb發表涉及工作的意見：「本來只想讓一、兩個人知，沒料到會傳給這麼多人，但這些文字、影像已成為證據，不能返轉頭！」

僱主發現被員工在網上批評，則不可「詐唔知」，周綺萍建議：「要跟僱員好好傾談，解決問題，若自己有錯就要反省。還要提醒員工，有問題應直接向公司反映，不是每每公開發洩！」

得啖笑
只可以話25仔太多
或者d人傻到add上司......

所以我唔add任何同事

我唔喺FB STATUS講公司/高層D嘢,
高層睇到我又唔想,睇唔到又無意思

我已經遠離 facebook 費事講句話都要篩過度過

江江 發表於 2011-9-29 16:31
我地好多時要幫手  投票 讚 呀

咁寶瓶姐個囡囡又係值得得讚嘅

寶瓶姐, 入嚟加我分啦

比得大帝 發表於 2011-9-28 15:22
FB唔係單係呻嘅, 好多開心嘢, 無聊嘢都可以在FB講,
好似寶瓶姐日日放個囡囡相上FB, 同朋友分享囡囡快高 ...

我地好多時要幫手  投票 讚 呀

世上咩人都有~只怪佢地入世未深姐

gunbuster363  人地search到你要add你, 你有得唔add咩, 結果人地走過問你做咩唔接受佢

點解冇得唔ADD呀?  打工喎, 你估賣身呀?  
1. 如果人哋ADD你, 你拒絕, 佢都唔會咁面檬問你點解唔接受佢.
2. 如果問到, 我會話: FB係同朋友溝通用的, 唔係公司用的.

通常我都唔add同事的,其實有咩唔開心咪搵朋友出來呻下飲下野,多o的人與人的接觸咪仲好,鬧都鬧得過癮o的~
只不過而家好多人將呢o的o野擺上網公開咁做........

owlcyr 發表於 2011-9-28 14:25
通常我都唔add同事的,其實有咩唔開心咪搵朋友出來呻下飲下野,多o的人與人的接觸咪仲好,鬧都鬧得過癮o的~
只 ...

FB唔係單係呻嘅, 好多開心嘢, 無聊嘢都可以在FB講,
好似寶瓶姐日日放個囡囡相上FB, 同朋友分享囡囡快高長大嘅開心

而且唔係咁易可以成班FRIEND約齊出嚟, FB就可以嘞, 又唔駛同時間上網, 做人點都要有個FB嘅

比得大帝 發表於 2011-9-28 15:22
FB唔係單係呻嘅, 好多開心嘢, 無聊嘢都可以在FB講,
好似寶瓶姐日日放個囡囡相上FB, 同朋友分享囡囡快高 ...

咁又係,有時可以知道下人地有咩開心/攪笑o野,或者原來個女出o左世之類的消息.
哈,可能我太負面了~~~

我己經去到頂級, 升無可升, 要升就要坐minmin個位

比得大帝 發表於 2011-9-30 11:53
我己經去到頂級, 升無可升, 要升就要坐minmin個位

係...咁我就儲定錢  做賀禮了