「啃老族」在港出現

(綜合報道)(星島日報報道)中年父母其中一個危機是面對「空巢期」，意思是子女長大離巢，父母要重新適應生活。但在這個年代，父母可能再沒有空巢期，代之而起是「啃老族」的出現。

　　啃老族是指年輕人完成學業後，不願工作，繼續依靠父母供養和照顧。父母到了日暮之年，雖有兒女同住，仍要為他們幹活，可喜亦可悲。

　　據統計處的數字分析，「啃老族」開始在香港出現。直至二○一二年，接近四成年輕人有大專學歷，比率在十年間上升一倍，但月入中位數仍然維持在八千元水平。此外，青年已婚比率只有2%，比十年前的3.6%再下降1.6%，創十年新低，但他們與父母同住的比率則不斷上升。樓價租金飆升，年輕人置業無望，又不想住劏房，唯有繼續跟父母同住。

　　內地老養少日漸普及

　　與父母同住，一來可盡孝道照顧父母，二來可乘機儲蓄待將來置業，本來並非壞事。問題是愈來愈多年輕人嫌辛苦嫌錢少，連工也懶得做，反正覺得父母養得起自己。這現象在內地日漸普及，據中國老齡科研中心的調查，現時30%的年輕人基本上靠父母供養。在一孩政策下，就算子女不願工作，父母也甘願照顧，背後的想法是反正他朝百年歸老，所有財產都是歸於這個孩子，只差遲或早而已。有些父母認為自己以前捱過苦，若有餘力也不忍見到孩子受苦，讓他們現在享受一下又何妨。

　　香港會否步內地後麈，出現老養少的文化？這不單是個別家庭的選擇，而是整個社會的問題。年輕人是社會最重要的人力資源，若他們不投入工作，社會的經濟發展便要依賴其他年齡層來推動。上一代要交棒，下一代卻不願接棒，最後便會出現經濟斷層危機，香港過去幾十年的美好日子將難以維持。

[啃老族]己不是新聞....我眼見有很多了....

可能現代父母心太軟, 不停的過份接濟, 使其過份倚賴, 久而久之, 失了工作的動力

當"啃老族"先好啊~!

日日唔駛做有飯開, 得閒日日可以24小時悉心照顧自己的花花和菜菜, 冇錢買花又可以伸手問老豆拿~

唔似得嗰D職場工作狂死老鬼, 退左休仲要返去同D年青人爭D低技術低收入嘅合約位來做, 例子如政府好多部門"返掩"前高級官員~!!!

一個人搵人幾世嘅錢, 用人幾世嘅地球資源, 仲要下下賺到盡贏到夠~!!!

所以時下一代當"啃老族"係絕對應份的~!!!

係朋友既弟弟，年紀唔細架....我朋友仔女都出黎工作喇...

佢弟弟最初有搵工做，但日日放工反工企，呀媽話佢份工依樣唔好果樣唔好...
咁後來佢就無反工，之後一直無番工....
佢本來有D讀書時既朋友，佢呀媽又係不停話依個唔好果個唔好...
攪到同學仔都唔敢搵佢.....
出黎反工時間識既佢呀媽又係話個個都唔好，加上佢出黎做野時間好短就一直無做野..
根本再無新朋友...

就咁，佢一直由宅男變左老宅男...

到近，因為兄弟姐妹都成家立室，搬左出去住，咁公屋人數唔夠，房署要收番間屋，再派間細既比佢地...

佢呀媽又話佢...仲乜唔識女仔，做乜唔結婚，攪到人地收番間屋...


另一個係朋友既哥哥...
屋企重男輕女，哥哥一直痴住屋企，無做野，後來結左緍，生埋仔，兩公婆都無做野。
老豆仲好錫佢哥哥，D妹就個個番工拎家用番屋企，仲要受哥哥氣....

老豆永遠幫佢哥哥...

再有一個，屋企單親，一個媽媽帶住兩個仔，細仔有自閉症...一直攞綜援...
直到兩個仔都大，讀完書喇....呀媽就停止攞綜援...
細仔好勤力番工，人工雖然少(果時未有最低工資)，但佢帶飯盒，放假又唔出街，都仲可以省到錢儲畜。
大仔呢.....讀完書，搵野做懶懶閒，番工呢..番下又唔番。夜晚打機日抖訓覺，仲要抻手同亞媽攞錢，唔比佢就發癲....又掉野，又踢門，不停鬧人...嚇到個亞媽帶埋細路走出街唔敢番屋企。
後來大仔識左個女朋友，跟住開始生性，開始番工，但都係無攞過錢番屋企，食屋企住屋企...稍稍人工好一D...就搬左出去住...(終於唔啃老喇)...
但仲會時不時帶女朋友番屋企探亞媽，住番三幾日...(當然又係食屋企住屋企，無比過錢啦)

乜唔係幾十年來都有呢類人嗎? 或多或少父母都有責任的.
梅艷芳阿哥都係啃老族, 佢媽在報章訪問時都提過, d 女唔得閒陪阿媽, 個仔日日陪阿媽, d 錢梗係留俾佢.

我有個表弟都係,二十歲,唔肯讀書,唔肯工作,日日坐喺屋企~

暗笑........ 人地父母咁心被喫。