小苗請教

請教 pls

點解 小苗中間新長 d 葉仲是葉柄很短, 迫晒在中間, 下面新長出來都頂住了.



由小苗開始已經種左四個月
放公司, 工作時間有冷氣.
上個月換左素燒盆, 長大左, 但密質質情況未能改善

請幫助 ^^

新葉擠在中央, 有好多原因, 可以是中螨, 太光, 太乾或太多肥. 你要逐個原因衡量有無可能.

多謝回覆.

太光 - 應該唔會, 放在窗邊, 只得2小時隔窗陽光, 其餘時間都只是散光.
太乾 - 可能會, 我每次都等佢乾透至淋水, 淋到濕透盆底滴水為止. >>>> 有待觀察
太肥 - 我都兩星期至落少少, 試下再隔耐d 先 >>> 有待觀察
中蟎 - 呢個唔識.... 我又見唔到有虫, d 枝葉又好似唔見有野咬過, 蟎係咪好細, 睇唔到架? >>> 肉眼睇唔睇到架?


thx ^^

你呢棵係波浪葉, D葉係會煩D
如果太迫, 可以cut 左中間一, 兩塊葉比番D位佢生新葉

睇佢都唔似生蟎, 好健康

八掛, 你呢隻AV係咩名

太光啦！要減光
通常波浪葉及少女葉等都需要較弱的光，
太光就會生得好密甚至會抱盆

canci 發表於 2011-9-14 17:01
多謝回覆.

太光 - 應該唔會, 放在窗邊, 只得2小時隔窗陽光, 其餘時間都只是散光.

我估應該係太光或太乾.  

乾唔一定係泥土乾.  波浪葉要求空氣濕度較高, 你喺室內有冷氣環境下種, 空氣可能會太乾(如近冷氣出風口更甚).

減光...加濕.....

多謝晒各位花友幫忙, 今日馬上處理. 移到冇陽光照到地方, 希望小苗唔洗再做擠迫戶.

p@g: 我都唔知佢係咩名呀, 不過佢盆邊有數字牌 488. 早排在花寶買的.

多謝 p@g 指教, 我都好希望見到開花, 好有拆禮物 feel, 唔知佢係點樣呢