馬賽皂問題

你鈉油混埋時，係乜野溫度？　

42-43.... 唔通．．．　太熱？　你有無開冷氣打皂？　如果無開冷氣，可能係當鈉和油混時，即時會升溫，加上當時室溫可能已有２８－３０度，升溫加升溫，太高溫加速皂化，但太短時間，始終油鈉未必全混合．我都試過類似情況，冬天有次打馬賽皂，驚油太凍混合，鈉和油在55度混合，到頭來１０分鐘左右trace, 色也比較深．不過那次天氣實在太冷，就算放入溫箱，還是有白粉，明明深色左的皂都變白了～　
如果仲有心想試，試下唔好熱油打皂，一般呢個情況下28-30度左右混鈉和油，睇下情況如何？

jellyfishy 發表於 2011-9-18 19:32
42-43.... 唔通．．．　太熱？　你有無開冷氣打皂？　如果無開冷氣，可能係當鈉和油混時，即時會升溫，加上 ...

我無開冷氣呀
我會繼續試

係呀, 上次打個底隔左一日之後都淺色返好多

咁油係咪都要按正常加熱拌勻
等鹼水同油都降到28-30度先混埋一齊開始打

使唔使換過D油再試呢

emmie 發表於 2011-9-18 19:43
我無開冷氣呀
我會繼續試

基本上如果ｄ油原本係液體性，你check下佢地應該係室溫，即係28-30度左右，所以不用熱油了～
反而係鈉要等佢降溫～　我平時夏天會用冰溶鈉～

我試下用你配方做一次，睇下會唔會同你一樣。

(水母我之前計錯數...佢配方鈉ok....)

我都試過按比例計工業用鈉( 95%)，著量加番那5%的鈉再多丁點，令所有油都能皂化，睇下係咪能做出更穏定的皂．兩個月前，我專登把同期打的兩種皂，即係一種無額外加鈉的皂（A)，一個有加鈉(B)，放佢地响一個有濕有熱又晒的地方晾皂．．．　最後，果然，加足鈉的皂 B 一點也沒壞，但沒加鈉的皂A就出油斑～　

稍稍加油已足夠溶棕櫚油，份量唔多的話，棕櫚油加番入橄欖油時，攪幾下，就不會再固體喇，加埋等鈉降溫的時間，到時乜油都變晒室溫～　

謝謝各位回覆
我的NAOH在永興買的
純度OK 嗎, 是否需要調節?

真係唔好意思, 咁多問題...
我唔想放棄, 但係整左3次都唔成功

emmie 發表於 2011-9-18 20:15
謝謝各位回覆
我的NAOH在永興買的
純度OK 嗎, 是否需要調節?

永興應該有寫係咪工業級．一般工業都無問題．好少鈉會有問題～　不用擔心～　如果你個配方真係跟足書教的配方，應該都唔會出事，我跟過來做，都無事，但娜娜媽個配方係用奶，唔知佢係咪計左ｄ水和奶的特別計法，所以用多ｄ鈉呢？　我懶唔想計數，嘻～～～　再唔係，可以用網上計算機計多次，以保安心～　

我用綱上計算機計過無問題的

另外, 想問下工具會唔會有影響呢
如果用的鍋不是不鏽鋼 (因為不確定係咪真的不鏽鋼)
會唔會TRACE 得好快呢
用膠又得唔得架

知道
因為我諗緊仲有D咩原因會唔成功

咁我下次唔熱油
待鹼水降到室温28-30度就開始打睇下得唔得
再向各位報告

謝謝水母及CK

報告 :
早兩日再打同一條方, 今次換左用其他橄欖油 (first choice 初榨橄欖油), 温度同之前差唔多 (約38-40度)
結果 ...... 打左個幾鐘, 輕微畫到字就入模
是否成功?
咁係咪即係價X棧的油問題呢??

但係顏色都係同之前一樣深, 打唔到奶白, 奶黃色

emmie 發表於 2011-9-24 00:05
報告 :
早兩日再打同一條方, 今次換左用其他橄欖油 (first choice 初榨橄欖油), 温度同之前差唔多 (約38-40 ...

實在太費解了, 我同你用同一樣既野打左一次, 一D問題都無, 我都好想知究竟乜野出問題~

emmie, 可唔可以講你係用價x棧邊隻olive pomace oil呀, 係咪3點幾Litre個隻?

RE: emmie  佢個牌子係"OLIVITAL", 1L  發表於 24 分鐘前

等我得嫻買來試下先!

我都有用過 O 字頭呢隻油打馬賽, 都係打到 c c 下~  

jellyfishy 發表於 2011-9-25 22:20
我都有用過 O 字頭呢隻油打馬賽, 都係打到 c c 下~

jellyfishy  你有無熱油?

有呀! 33-38度同40-48度都試過, 無問題, 同埋我用百佳的橄欖油同價真X的油都一樣咁耐~

添加茶樹及甜橙精油

將之前失敗之作, 做了兩底再生皂

橄欖油等級吾同...TRACE GE時間會差好遠GA.,..