馬賽皂問題

各位高手你好,

趁今天放假, 開始整我的第一件手工皂,
但發現過程有問題, 向各位請教

配方 (跟娜娜媽本書的)

橄欖油  260g (價x棧的 olive pomace oil)
椰子油  45g
棕櫚油  45g

氫氧化鈉  50g
水        105g

蜂蜜  10g
水    10g

過程 :
將鹼水(約45度) 及油(約42度)混合用手動打蛋器攪拌, 但發覺得很快就開始稠, 而且顏色開始深, 約5鐘就"TRACE"
(可以畫到字), 跟住就快手加埋蜂蜜+水(已溝開)再打多兩三分鐘就入模.

書上講應該要打30-40分鐘, 但我打了約5分鐘就TRACE, 是否有甚麼問題, 是否代表已失敗, 請各位賜教...  

未試過這麼快TRACE喎﹗馬賽皂通常打到手仔軟。你用什麼蜂蜜呀？可能假TRACE現象，等多兩日看怎樣﹗你這個模可能不容易脫。到時要剪爛個盒才能倒出來。
我見到好似有氣泡和白色點。不知是否燈光問題。等等吧。今晚水母達人或菲媽達人可以答到你。

謝謝回覆
我用普通的紐西蘭蜂蜜
我未落蜂蜜時都已經好快TRACE 喇
所以我覺得好有問題
佢係有D氣泡, 而家還有少少暖暖地

emmie 發表於 2011-9-13 18:28
謝謝回覆
我用普通的紐西蘭蜂蜜
我未落蜂蜜時都已經好快TRACE 喇

哎呀﹗有用紙板蓋上或放進箱內保溫嗎？這樣放不行呀.......

claudiatang 發表於 2011-9-13 18:39
哎呀﹗有用紙板蓋上或放進箱內保溫嗎？這樣放不行呀.......

有呀, 放左入X班冰皮的保温袋, 可以嗎?

emmie 發表於 2011-9-13 18:45
有呀, 放左入X班冰皮的保温袋, 可以嗎?

應該可以。但現在天氣熱。三時小時後要拿出來。找塊硬身點的紙板或膠板蓋著就可以了。大熱的話會爆裂的。

d椰油向邊樹買,咁快trace......
一係diy姐姐d初榨椰油......

**係馬賽皂,唔係馬塞皂

prodorothyhkg 發表於 2011-9-14 00:47
d椰油向邊樹買,咁快trace......
一係diy姐姐d初榨椰油......

我都用DIY的精製椰油喎, 打左好多次都無問題呀~

是不是價x棧 olive pomace oil的問題?

顏色咁啡既?
我都用開依三種植物油打皂...但唔加其他野，唔會咁色喎.....你d蜂蜜好啡咩?

我d蜂蜜皂...淡米黃色架...都係用依三種植物油...

建議樓主景皂時看看有無未攪好的油點, 為安全唔浪費的大前題下, 建議做再生皂~ 仲好用呀~

係呀, 我用DIY姐姐的精制椰子油
會唔會加埋價x棧 olive pomace oil就有問題呢?

剛剛脫模同切皂, 請各位幫幫忙睇下有無異樣, 還是做再生皂好啲

嘩，咁快就脫模和切。超快。
我們除了做家事皂才會四十八小時內脫和切。
光看表面沒什麼不妥。切時會黏刀嗎？我懷疑你量錯油量做了家事皂..............
你用側試紙試下它的PH值看看有多高。

都有D黏刀架

我都好肯定無量錯油
我到而家都仲諗緊有咩步驟出錯
最有可能是量少左水 (可能唔記得將個磅SET 0)
咁如果真的少左水, 即係鹼性高左, 咁會唔會好快TRACE 呢? (我自己諗)

真係好快切皂喎，但切完睇又好似無野喎，等番一排先測下ｐｈ值吧～

多謝各位的意見
為安全起見, 我會留起一舊睇下佢有咩變化
其他的做再生皂, 要再爬下文做我的第一次再生皂

我會再繼續打馬賽皂的.....

遲D再POST上來請大家俾下意見

emmie 發表於 2011-9-14 22:07
係呀, 我用DIY姐姐的精制椰子油
會唔會加埋價x棧 olive pomace oil就有問題呢?

我有個疑問...點解第一張相下半部有d明花紋既

我估係攪拌不均勻囉....所以...都係建議做再生皂好d...

我嘗試找出失敗原因, 用同一條方再打左兩次, 情況都是一樣

1) 鹼水隔渣 (怕氫氧化鈉有雜質)
2) 在第二處買其他椰子油 (睇到有POST 話DIY姐姐的椰子油有時品質不太好或俾錯初榨椰子油會有影響)

但最後都一樣, 不到5分鐘就TRACE, (稠到畫到字), 而家顏色很深
請問問各位高手, 以你們經驗, 有甚麼問題呢 ?

我諗住下次改用其他橄欖油再試.

emmie 發表於 2011-9-18 18:22
我嘗試找出失敗原因, 用同一條方再打左兩次, 情況都是一樣

1) 鹼水隔渣 (怕氫氧化鈉有雜質)

你d蜂蜜咩色