本帖最後由 LLGG 於 2011-8-10 15:17 編輯
路過又搭汕先~
我同屋企人去玩通常都會跟團多, 始終出入有車接載, 去邊都有人睇住, 係放心d既.
跟團除咗講運氣之外, 其實揀d高質素少少, 貴少少既旅行社, 連領隊/團友既質素都會好少少架. (基於自己過去跟團既經驗嚟講)
好似花友咁遇到d遲得咁離譜既遲到大王就好彩未遇過 (不過遲到10分鐘就當準時既人就唔少, 呢d真係睇一個個人), 通常係遇到d好差既領隊囉...(返嚟梗有寫投訴信喇, 間旅行社咪覆返嚟話會跟進同改善囉)
跟團除咗遇到d好差既領隊之外, 有d團友都令人好難忘...
有次跟團去韓國, 例牌去埋d主題樂園, 咁去到其中一個, 領隊同導遊帶大家玩d機動遊戲, 介紹吓之後, 咁講咗個時間/地點集合, 大家咪解散囉 (如果有d人無興趣既話, 早d上車等都得). 玩完之後大家上車啦, 點知並中一家人既爸爸唔見咗...連d屋企人都唔知爸爸去咗邊 (因為大家各有各玩), 之後領隊同導遊落車幫手搵, 結果搵咗成半個鐘先搵得返佢, 好彩個人無事咋. |