68平方尺÷ 2 的小菜園 (9月20日 : 求其UPDATE^o^~~)

好悶無野攪 , 再落下種先




viwet , 亞mo , 我本身都諗住遲啲種, 但實在太無聊啦...手痕 無浸水, 應該無咁快發芽
20 , 我都無位呀, 發左先算wakakakakaka

你地都落下種啦wakakakakaka


puplelove ,我啲油麥種極都好似唔識大咁
20 , 睇嚟你中毒深我好多喎

唉............唉...........唉..............
翠玉瓜發左芽


雞爸, 盆有呀, 無泥之嘛 完全無時間燒泥呀
VIWET, 我送出既甜瓜種子暫時係100%發芽啊~~聽到都開心呀  
PUPLELOVE , 你就好啦...發咁多都有位種  
juliana, 我都好開心佢發左芽, 但係當你發現未燒晒啲泥時........................
,mirry 唔係我俾你架....應該係viwet 俾你架


大家, 我決定再買新泥, 舊泥慢慢燒, 遲啲要清場時就有泥用啦 (其實我計計下而家都係唔夠泥用 )

今日要開工 0530-2230
好掛住屋企同舖頭既植物同苗苗呀



cherry ,係啦，要買十幾包泥好肉赤>•<
juliana , 係婚宴呀^^
Springonions , 應該無事既, 放心啦
hempseed , 聽日都fully booked

zoeyuhk 發表於 2011-9-29 18:48
其實我都唔係種左好耐咋, 好多野都係爬帖學既, 跟住自己又試下又問下啲有經驗既朋友咁啫....
我覺得種野 ...

好的，現在秋播開始，一遇到問題就即刻請教你，希望你唔好嫌我煩呀!! 謝謝

zoeyuhk 發表於 2011-10-1 10:57
今日要開工 0530-2230
好掛住屋企同舖頭既植物同苗苗呀

zoe，你俾嘅甜瓜種子，依家種係時候嗎？要到11月中到12月先有果，會不會太冷了？培苗3個星期可以嗎，因為露台要3星期才完工。

今日雖然做左十幾個鐘勁累, 但係返到屋企見到啲苗苗真係超級開心

首先係小麥草, 生得勁快啊~



苜蓿慢少少~



翠玉瓜噚日突左個頭出嚟, 今日伸埋條頸出嚟啦~



芫西比我想像中快發芽啊~



連食完芒果留返既核, 貪得意浸下水, 結果..........



有無人有興趣玩下芒果盆景呀???



juliana ,再發過啦，一齊努力^^
puplelove ,芫茜我有爆殼入泥，五日發芽啦，粒芒果核係我自己棵芒果食完留低架，要幾年先有果，當盆景玩下就好
luffy ,thx ^^
Kina , 收到, 我聽日放假諗住收左整野俾我啲仔囡食啊

芒果已於30/9晚回歸啦~
辛苦晒好朋友vivi同佢老公又搬又抬身水身汗咁送到我門口
一定要請佢地食餐大餐先得啦

今日用左兩個鐘幫芒果進行救亡大行動
睇到佢斜晒, 之前都係換盆時做得唔好, 唯有重新攪過, 順便追肥攪埋啲泥
點知一掘開啲泥, 大鑊啦
發現 : 1. 好多小蟲啊
          2. 一個蟻窩+超多蟻 好彩無走出個盆咋, 唔係又要再一次殺蟻大行動
          3. 所有新芽燶死
          4. 之前舊泥最外圍啲根生唔到乾枯死

於是第一時間掘深啲, 溝茶籽粉落泥, 搵野遮雨將蟻粉放係堆蟻中間等佢地搬返個窩到
批走晒啲死根 , 攪掂再追返小量堆肥, 希望佢啲根快啲爆返晒出嚟啦
跟住大量修葉................
之後只有聽天由命啦

著住雨褸做野真係勁唔方便呀~~~唔好再落雨啦
我啲新盆全部開唔到啦......嗚......
又無得燒泥......嗚............
日日係到等等等....................




kina, 我睇見佢嗰陣都覺得佢好可憐啊...希望可以養得返佢好啦
多謝各位, 希望成功啦, 我真係好鐘意佢架:'(

mirry , 係呀, 特登買個超大盆俾佢架, 右下角嗰個菠蘿用緊既12號盆即刻變左超迷你wakakakaka
我同我老公唔鐘意食木瓜啊, 同埋我要cut我兩個大菜箱先俾到個位佢架,即係又種少兩種野:'(

jessica , 有呀, 我留左條路仔架, 仲有個位可以踎係到燒泥..haha...

又3 號風波,我都慘.我多苗出唔到,青瓜c咗,南瓜dup晒,快唔掂啦.荳苗比老鼠趙晒.
不過翠玉瓜最生性,而家好強壯.總算有dd安慰.

芫茜發芽好勁啊~~~有2X棵發左芽, 我老公勁開心囉



今日的夕張蜜瓜同翠玉瓜



今日收割小麥草整餅俾班仔囡食





我老公偷食呀 ...............但係我都忍唔住食左一塊..........好好味呀



mirry , 焗完我都想食呀, 超香啊~~
一包去皮麥包, 一包低卡芝士粉, 加自種有機小麥草剪碎
焗爐預熱100度, 將麥包禁扁,將芝左粉同小麥草撈暈, 放係麥包上面 , 焗8分鐘, 攪掂

Springonions, 呢啲係整俾我班仔囡食架,唔係整俾我老公食架
hempseed , 影唔到架 兩秒.....清倉...........我唔夠佢地快
cherry , 你都偷食????   
20 , 我仲有少少, KINA俾我架, 我寄啲俾你, 你PM地址俾我
20, 人食梗係無問題啦, 我試左味好好味呀

多謝viwet 嫲嫲送贈既油麥菜 , 有得食啦

多謝zoe的餅餅~ 我兩個寶貝真有口福了~~

迷你青瓜生長歷程的絕密相片首度曝光wakakakakakaka

瓜囡1號 , 今日收左啦 , 人地係又幼又長, 佢就又圓又短














瓜囡2號





瓜囡3號




cherry ..你講完我都覺得似呀wakaka
雞爸, 我同嗰啲都變晒形hahaha
mirry , 係大左頭呀haha
kina, 同你啱傾, 連瓜都一樣樣wakakakaka

個樣好爆趣，10個趣^^

今年終於完左我第一個願望, 食自己種既青瓜



切片同班仔囡一齊分享, 我同老公都係一人一片咋 但係嗰種青香甜, 真係.............超難忘呀~~~~



仲有好飽滿既種子, 可以留返出年再種啦






viwet , 其實唔大架, 網球咁上下咋, 但係極級好味
雞爸, 其實條瓜我因為忙而遲左收, 不過啲種子我出年會再買, 呢啲應該係留嚟玩hehe...

多謝雞爸既小棠菜種子
啱啱落左種啦~~
viwet & kina 會於下星期一交俾佢地

慘無人道呀))))))))))))))))))))))))))))))))))))
我盆薯仔俾紅gg封殺左呀)))))))))))))))))))))))))))))))))))))))))


我早兩日都覺得佢唔對路架啦, 但係太忙無時間攪佢
今日諗住一次過check下佢咩事, 因為種左兩個月無理由咁早就枯可以收薯仔
今日一睇, 佢俾蜘蛛網包住晒呀
啲葉九成枯晒....................................
即時隔離其他野, 諗都唔洗諗即刻同佢清場, 再消毒晒周圍既植物,盆, 泥............

cherry , 小菜園呀
係呀，puplelove ,一陰陰濕濕就嚟了，你真好記性

今日放假諗住專注攪好個菜園，點知好似去左地盤返工咁，做足八個鐘
一返到去見到盆薯仔咁，已經成個人灰晒
望左佢兩分鐘，唯有即刻郁手~~~殺！！！
諗住掘起啲泥睇下有無生還者.....得返兩粒孤兒仔呀



起晒啲泥，係佢周圍既野全部噴茶籽皂水，連盆連牆全部噴
蕃薯洗葉三次，check 埋個大網室，安心~

已經攪左個幾個鐘
原定今日開新盆同移苗架嘛，拖遲晒呀!
開左十一包新泥溝埋沙又攪幾個鐘

結果：
viwet 嫲嫲送的油麥菜移左入長盆
夕張蜜瓜三棵落左34寸大菜箱
翠玉瓜兩棵落左34寸大菜箱
白茄移左落深菜箱
薯仔箱清洗後加泥種新野
開左一個長盆俾發左芽既玻璃生菜準備移盆
開左兩個菜箱落左種子種蜜糖豆
無花果，青檸，兩盆青瓜同豆角追肥

攪完晒已經覺得對手唔係自己既，超酸痛+無反應
仲要個天黑晒, 相都影唔到 聽日先補相啦~
淋埋水，閃人，其他未完成既聽日先算>•<


雞爸, 連埋我自己嗰兩棵得五棵咋
雞爸, 攝時間野由佢啦 夠鐘就收晒佢 , 要嚟應酬我老公之嘛, 等11月換晒做沙生架啦hehe....
puplelove , 佢地得手指尾隻指甲咁大咋, 影完相就88啦

補相~~

首先係雞爸送既沖繩菠蘿仔
出左新葉啦



青豆角今次夠一餐啦~



viwet嫲嫲送既油麥菜入左盆啦~



翠玉瓜移左盆都算穏定~





白茄



迷青~
瓜囡3號漲得好快



瓜囡4號



瓜囡5號同6號今日開花





青檸移左入大箱見有新芽出, 即係ok啦^^



芒果好似有起色



仲有呢堆手尾




20,物似主人形呀, 好似我咁肥 wakakakakaka
hempseed, 佢應該會再肥啲haha...
雞爸, 幫補下啫 之前死左好多野呀
cherry, 唔會架^^邊有咁多氧氣俾佢地呀, 又唔係有廚餘係入面

今次玩大左
芫茜有36棵發左芽,好似仲有啲出緊



玻璃生菜噚日發左芽, 今日先得閒update




雞爸, 係呀, 屋企呀 又陰天無陽光, 而家唔知點算
cherry , ok
hempseed , 我諗住三十幾棵煲埋兩大碗湯俾我老公飲晒佢 我聞到芫茜味會嘔架
kina , 我再幫你發一盆, 呢啲太長好難掘