豬籠草一盆 (完)

空間有限，所以送出。現時室內種，平時淋水喉水，有照燈。出緊新籠。

只限面交，放工後深水埗至馬鞍山沿線鐵路站。

注意
* 覺得有須要請自行換植料，如有蟲害本人不會負責。
* 送出與否，本人有最後之決定權。

有興趣，謝謝分享。

ok.  whatsapp傾.

上一手唔要，再推。

講多兩句，豬籠草係食蟲植物中比較易養，可淋水喉水，但光照要足夠。豬籠草其實係藤本植物，可以生到好大棵，室內種空間不足可定期修剪，斬頭重來，但可能出唔到成熟特徵。

此外，一如其他食蟲植物，佢地唔會好有效咁幫你除蟲滅蚊。事實上，佢地亦有機會被害蟲侵襲。要防蟲有好多方法，但種食蟲植物唔係其中之一。

己大大，你種到D籠咁大有乜秘訣？

A.leung 發表於 2022-10-6 10:55
己大大，你種到D籠咁大有乜秘訣？

我都想知,我都有一盆, 不停出籠,但就好細棵~

A.leung 發表於 2022-10-6 10:55
己大大，你種到D籠咁大有乜秘訣？

其實我係將佢種細左喎，佢應該係可以生到好大棵。

suisuet 發表於 2022-10-6 11:00
我都想知,我都有一盆, 不停出籠,但就好細棵~

通常都係環境唔太理想籠就會細。整個籠出黎應該要用好多資源，生長環境唔好就唔會出到大籠。

試過唔記得淋水死左一半葉先發現，出得番新葉但d籠好細。另一盆送左俾同事，個位比較暗，新葉嘅籠都係好細，但係過左幾個月似乎適應左，新籠又大番。

己己另 發表於 2022-10-6 15:30
其實我係將佢細左喎，佢應該係可以生到好大棵。

都算大啦～最起碼要有嘅形同色都出齊
屋企養開都出到正常籠，但轉到公司好食好住竟然只出葉，沒有籠～吹脹

A.leung 發表於 2022-10-6 19:06
都算大啦～最起碼要有嘅形同色都出齊
屋企養開都出到正常籠，但轉到公司好食好住竟然只出葉，沒有籠～ ...

唔好對佢地太好

A.leung 發表於 2022-10-6 19:06
都算大啦～最起碼要有嘅形同色都出齊
屋企養開都出到正常籠，但轉到公司好食好住竟然只出葉，沒有籠～ ...

我個棵就慘囉，現時不再照燈擺放的位置轉左窗邊位，佢高大啲出嚟很多新葉不過冇籠。

己己另 發表於 2022-10-6 22:16
唔好對佢地太好

己大大你睇下....一粒籠都無

要空氣好潮濕.先至有籠

Monica20171025 發表於 2022-10-7 15:28
我個棵就慘囉，現時不再照燈擺放的位置轉左窗邊位，佢高大啲出嚟很多新葉不過冇籠。 ...

你咪同我棵差唔多

A.leung 發表於 2022-10-7 19:44
你咪同我棵差唔多

，同意！

樓主，如未送出，我有興趣，排唔排到都多謝您分享

A.leung 發表於 2022-10-7 15:30
己大大你睇下....一粒籠都無

好似上面咁講，通常唔出籠都係棵植物去左個無咁理想嘅環境，所以會停左出籠。無咁理想嘅環境可能係同光照、濕度同溫度有關。如果棵植物後來適應到，就會出番籠(可能D籠會細左)。

光照、濕度同溫度，我覺得光照係一般種植環境下對豬籠草最重要。豬籠草當然喜歡高濕度，但一般種植環境(尤其係室內)濕度都唔會太高，最非係由高濕度轉低濕度，否則濕度影響唔係最重要。另外，除非新環境係室內對住冷氣口，否則20零度對一般低地品種都ok嘅。但如果唔夠光，光合作用速度只能支持基本生長，唔出籠亦好合理。

如果種左大半年以上都唔出籠，只能試下轉過另一個較合適地方再種。

呢盆係公司嘅Gaya今年送左俾同事，之前種到好高幾乎貼住天花板盞LED燈。同事接手後將佢種係窗邊，但每日只得上午有三幾個鐘陽光，結果係出到新葉，但所有籠都係指甲咁大，要幾個月後新籠先生到較大size。

Morpheus 發表於 2022-10-9 12:43
樓主，如未送出，我有興趣，排唔排到都多謝您分享

ok.  請約時間。因為pm系統不能顯示所有留意，可以的話請留電話。

已交收，盆豬籠草好靚，多謝