新手入門

今日買咗草莓種籽、甜椒種籽、菜芯種籽、紅莧菜種籽。
其實我係唔識種架，但係有人介紹入來話有問題响到問。不過我睇咗好多貼都無我想知既料﹗(可能係專用名稱我唔識)
咁我見到好多貼話要用水浸種籽一晩先。但又唔知以上品種係唔係全都要咁做喎？
草莓個包裝話放响細蛇木屑.....請問咩來架？
好多野包裝上無講，好想知第一步至發芽我應該點做呢？

其實我係唔識種架，但係有人介紹入來話有問題响到問。
不過我睇咗好多貼都無我想知既料﹗(可能係專用名稱我唔識)

如有任何的問題，歡迎發問，相信我們能夠解答到你的問題

咁我見到好多貼話要用水浸種籽一晩先。但又唔知以上品種係唔係全都要咁做喎？

其實建議你不用了，首先草莓種子很細小，浸水後容易游走了，發芽期為 7 - 14日
而其他種子都很快會發芽，不過如果浸半日都可以……

草莓個包裝話放响細蛇木屑.....請問咩來架？

蛇木屑是植料的一種，蘭花用得比較多
包裝只係建議，就算係用哂有機泥都可以種到草莓出黎



好多野包裝上無講，好想知第一步至發芽我應該點做呢？

問題不清楚

唔該晒你， 我浸咗D種籽。不過今晩會移去有機泥。請問泥要蓋過種籽嗎？發芽前每天要澆多少水？(我响天台種的。)
可能今次種唔出，但我諗有你地幇我解決問題。屋企人會知咩係粒粒皆辛苦。懂得惜福。

[ 本帖最後由 狸貓 於 2008-3-18 11:12 編輯 ]

用手指尾插一個窿，大約到手指尾既第一節位，放種子，埋返佢
種子唔好浸太耐，半日到就好喇！我唔係太清楚你既種子可浸水情況
有 D 可能會浸死，不過唔係種種都係
發芽前保持泥土濕潤就可以了。
發芽期有 D 要成兩星期，唔好以為冇野出死左
同咪最好每粒種子同種子之間分開 D 位俾佢地生長
如果唔係大個個時，D 根找哂一齊，比較難分開

唔該晒。己經將種籽放响泥到。睇吓佢點發展先，有問題再請敎

祝你種得快快樂樂
如在種植上有問題也可以 Post 相片給大家一起討論

草莓，應該入秋才下種會比較好．現在種怕它捱不過夏天．

對呀對呀，同咪呢個三四月都應該係草莓分株既好時機

吓，咁我而家種咪好笨