嘗試救一顆被噴漆的大玉露

兩天前經過 $5多肉店，一眼就被這顆大玉露吸引了！
單是玉露本身直徑就有9cm，窗又大又圓又飽滿，沒有徒長，只售 $25！

只可惜卿本玉露，奈何噴漆

但我實在很喜歡，又想到兩天後氣溫下降至9度，這玉露噴漆又受寒，在那店中可能活不久，就買回家了。

用兩天時間，慢慢用牙簽、綿花棒、尖咀夾子以及清水，將外層噴漆剝落下來，開始見到窗面。

期間因本人手勢不好，給玉露增添好多傷口
，但仍有30%噴漆剝不了

最後成果如圖，希望這玉露能活下來

請問有人知道這種玉露叫什麼名子？

一般都係用草玉露/宮燈玉露去整啦！
其實幾蚊都已經買到棵好靚又無化粧嘅！
唔好再買哩d啦！
你等佢中間再生一堆出黎，
外面果d舊葉慢慢清走佢，
好快就一棵新嘅一樣呢！

超有愛心

好靚喎，又飽滿。

有你這位充滿愛心和耐性的主人悉心照顧下，少少傷口不會有大礙。等遲D長新的葉就會自然靚番。加油!

freddywongdy 發表於 2020-12-31 07:37
一般都係用草玉露/宮燈玉露去整啦！
其實幾蚊都已經買到棵好靚又無化粧嘅！
唔好再買哩d啦！

幾蚊一顆玉露只有淘才有，我又不會淘，所以只能在香港買

覺得不像草玉露或宮燈玉露，
有點像大窗玉露或大紫玉露

babyjon 發表於 2020-12-31 21:10
超有愛心

其實是先被大玉露的顏值吸引，
愛心是次要

mkpetpet 發表於 2021-1-2 16:53
好靚喎，又飽滿。

我手上的玉露也有養得飽滿的，但都是比較小型的玉露，所以對如此大窗又飽滿驚為天人

不噴漆我也會買呀！
為何要噴漆

yunge0 發表於 2021-1-2 21:01
有你這位充滿愛心和耐性的主人悉心照顧下，少少傷口不會有大礙。等遲D長新的葉就會自然靚番。加油!
...

要等到新葉長出來，可能要1～2年後了

其實唔應該買, 有人買自然就有製造更多呢d 貨品

有窗多肉中毒 發表於 2021-1-3 16:41
幾蚊一顆玉露只有淘才有，我又不會淘，所以只能在香港買

覺得不像草玉露或宮燈玉露，

留意有間叫缸瓦佬賣杯杯碟碟嘅，
佢好多時都有好多款玉露都係賣$10仲有半價呢！

通常每逢大時大節都會有這些貨品推出，我選擇少逛花墟，即使離遠望到都忍心唔買。

freddywongdy 發表於 2021-1-3 22:40
留意有間叫缸瓦佬賣杯杯碟碟嘅，
佢好多時都有好多款玉露都係賣$10仲有半價呢！  ...

樓主就係話係 $5多肉店買的, 相信就係呢間缸記, 我都見過呢間店有噴漆或藥錦植物賣的

powergun 發表於 2021-1-5 09:54
樓主就係話係 $5多肉店買的, 相信就係呢間缸記, 我都見過呢間店有噴漆或藥錦植物賣的 ...

但係無噴漆嘅都好多選擇呢！

freddywongdy 發表於 2021-1-5 12:23
但係無噴漆嘅都好多選擇呢！

所以咪叫花友唔好買噴漆同埋藥錦植物囉

powergun 發表於 2021-1-5 13:57
所以咪叫花友唔好買噴漆同埋藥錦植物囉

好多人都覺得噴/染到古靈精怪d仙人掌係真架根爺！
希望唔好有咁多人再中招啦！

freddywongdy 發表於 2021-1-5 14:07
好多人都覺得噴/染到古靈精怪d仙人掌係真架根爺！
希望唔好有咁多人再中招啦！ ...

是的, 其實我都買過藥錦肉的, 初初確係唔識分的, 但我地有責任教花友點分, 同埋勸佢地唔好買

powergun 發表於 2021-1-5 14:38
是的, 其實我都買過藥錦肉的, 初初確係唔識分的, 但我地有責任教花友點分, 同埋勸佢地唔好買  ...

係呀. 好多人唔識分㗎！我試過在花墟叫人唔好買呢d噴油玉露, 我細細聲同佢地講係油漆嚟㗎, 好易死, 叫佢地買旁邊冇油漆的. 藥錦我也中過招, 但到而家都未分得清, 除非見到有明顯分界的顏色, 否則不能確定是藥錦.

waiting 發表於 2021-1-5 14:55
係呀. 好多人唔識分㗎！我試過在花墟叫人唔好買呢d噴油玉露, 我細細聲同佢地講係油漆嚟㗎, 好易死, 叫佢 ...

我係缸記店前都有勸過的
藥錦有時好難分, 甚至係分錯的, 但有d 都好易分的

powergun 發表於 2021-1-5 14:38
是的, 其實我都買過藥錦肉的, 初初確係唔識分的, 但我地有責任教花友點分, 同埋勸佢地唔好買  ...

我响花墟都叫過d女仕唔好買果d噴漆玉露架！