本帖最後由 小雷子 於 2020-10-14 17:12 編輯
小雷子主力種苦苣苔及蘭花,而呢啲植物都喜歡高濕環境,所以每日都必須幫花花做保濕工作,我主要是用普通噴壼噴水的,長期用噴壺不停按,一次噴幾百盆植物,手都酸埋,最近發現一件好物係…………電動噴壼,真係超好用,充滿電,一按就可以,依加淋花可以變得更輕鬆……霧化又得,水柱又得,得左! (^▽^)
另外係12蚊店買左個好靚嘅花盆,日本製的,質量非常好,粉綠色的!最鐘意佢有個透明套杯,就算淋多左水都唔會漏到一地都係!
平日用花盆連底碟的話,拎花盆去厠所淋花好唔方便,一手拎盆,一手拎碟,如果係大盆栽的話,盆巳經重,又要托住底碟,真係試過一唔小心,成個底跌左落嚟,成地水!
呢個二合一設計嘅花盆,真係非常實用,而且價錢都好平,只要$12蚊,就可以買到,真係平正!你話係咪?
如果你地買到好用或者筍嘢,不妨同我一齊開心share!*\(^o^)/* |