百里香 夏日播種

資料我有睇過，我都知百里香應該係春秋播種，但我又真係好想試下種嚟食吖嘛，之前台灣朋友比我嘅... 試咗兩次都唔發苗... 可能朋友已經放咗超過一年...

於是自己買嚟試試... 嘩... 播種20粒... 過咗3日... 已經出咗9支苗... 佢地仲大力到推開可以推開我混一起嘅小石﹗

(因為啲種子太細... 我一次放落去... 堆咗係一堆一齊出苗... 唔知會唔會影響佢地生長呢﹗)

百里香苗

百里香苗

祝你好運了, 我在種的已全部熱死.

ht333147 發表於 2011-7-12 17:27
祝你好運了, 我在種的已全部熱死.

其實... 我係有試用一啲方法降溫嘅﹗如果真係唔成功，咪過兩個月再試囉﹗反正仲有種子﹗

我覺得如果環境適合，種得密少少都OK...因為佢D根唔會好深好横...

而且...就算你唔係種得密，佢大左係泥度爬...都係周圍生根.....咪又係咁密....

種得密...佢長大左咪剪勤力D囉...

cklife 發表於 2011-7-12 18:23
我覺得如果環境適合，種得密少少都OK...因為佢D根唔會好深好横...

而且...就算你唔係種得密，佢大左係泥度 ...

係咁架咩？我真係咩都唔知... 不過... 最大問題係如何降溫﹗試試囉﹗都係經驗嘅﹗哈哈﹗

最後長出12~13棵苗... 生長似乎很慢很慢...

百里香真係好麻煩
我早排種過佢又係響泥面度打橫爬, 都唔向上生
最後熱死了

gunbuster363 發表於 2011-7-21 09:54
百里香真係好麻煩
我早排種過佢又係響泥面度打橫爬, 都唔向上生
最後熱死了 ...

我今朝睇都仲可以﹗只係生得好慢﹗希望我會成功喇﹗

我就冇你咁有心啦
我都係覺得佢生得慢之餘仲要唔高
然後我由得佢死了

之後我轉左種檸檬馬鞭草, 夏天很好的
我剪完佢又生, 剪完佢又生

gunbuster363 發表於 2011-7-22 11:46
我就冇你咁有心啦
我都係覺得佢生得慢之餘仲要唔高
然後我由得佢死了

我今朝睇... 見佢有啲去到 太半寸到1寸高喇﹗作為一個種植嘅新手，我都估唔到我叫做算係有耐性... 可能年紀開始大喇﹗哈哈﹗

我覺得佢其實好好種，如果唔得的話，秋天試下再來播種，會大得快啲
種子多冇所謂，佢大左都一樣會橋埋一堆的

我以前試過冬春播種，到熱天為止都可以生得好大堆，
只係當時唔識，雨季時放在外面簷下淋左一排大雨枯哂 ....

秋天播可能好啲，
因為直到夏季期間會有很長的生長期比佢成長，會生得好些！

K記 發表於 2011-7-22 21:11
我覺得佢其實好好種，如果唔得的話，秋天試下再來播種，會大得快啲
種子多冇所謂，佢大左都一樣會橋埋一堆 ...

So far 我覺得都幾好﹗只係慢慢大，我其實都無比好多水﹗佢慢慢長大唔緊要，最仲要係佢可以長大就好喇﹗

反而同一時間種嘅芫茜就死咗幾株，應該係熱死.... 而迷迭香就唔發芽... 其實係應該秋天先播種嘅﹗

已經有啲已經開6葉喇﹗希望佢地繼續健康成長﹗仲要唔好有蟲害出現﹗

到依家都好似生得唔錯﹗雖然係高得好慢，但係開似啲葉好密﹗其中一株係密集堆中嘅昨晚發現已經乾死咗﹗

因為之前落種時一次放落去﹗結果啲種子一堆咁發芽，但係個盆其他地方空空咁唔係幾好睇，所以上個星期六決定放多啲種子去填吓啲空間。
於是就一粒一粒咁將啲種子放落去泥嘅表面﹗其放咗30粒﹗只係放係面，連土都沒有翻過﹗其實前兩日已經有芽出喇﹗擒晚再數，有10粒芽出咗嚟﹗明明話秋天播種好啲，又估佢唔到咁易發芽﹗而且我係有咁多光比咁多光﹗(早上有唔落嘅反光，下午有數勁嘅太陽光直照)
不過可能就係熱天生長慢啲﹗葉係多好多，就係唔多會高﹗最高的大約寸半到二寸咁上下。

另外，我沒有比太多水，每日早晚在表土上噴水，我會連葉一齊噴﹗但係唔會比啲泥太濕﹗

你都幾細心

我唔係強迫症lor, 不過都要早晚淋花
如果我唔早晚幫薰衣草的底碟注水, 我d薰衣草死左9世~

點解你唔用回覆呀
我回覆唔到你的點評

薰衣草食唔食得就睇品種
通常d外國人就用英國薰衣草撈雪糕食
我種的是法國薰衣草, 比較耐熱, 但係少d人用來食, 人地用來整香薰油的

gunbuster363 發表於 2011-8-4 12:05
點解你唔用回覆呀
我回覆唔到你的點評

有個朋友話比啲種子我，睇下我試唔試下先﹗

KKKK 發表於 2011-8-4 12:31
有個朋友話比啲種子我，睇下我試唔試下先﹗

真浪費............幾個月之後先適合