越級挑戰（種蔘記）

  同事噚日攞两支雲南新鮮人蔘俾我，佢話係雲南鄉親寄咗啲人蔘俾佢浸參酒、 燉參湯，順手帶咗两支蔘回公司叫我試種，我當時第一反應就…吓…唔咪呱……得唔得㗎，呢個時候真係拗晒頭打晒問號……??
  香港地天氣又潮濕又熱好難搞啫，咪叫同事都係攞返去浸埋人蔘酒，浸好到時請我飲咪仲好!
  但同事堅持叫我試種，仲介紹鄉下點樣種蔘過程，講幾次，種啦…種啦…乜都試下嘛，你睇睇仲好新鮮㗎，呢隻蔘係鄉下啲親戚已種咗有4年時間，今年起田掘出攞去市鎮賣，所以寄咗一大袋嚟!
同事盛意拳拳，咁有我心攞到嚟， 自己又推唔甩，又唔想左擋右避，勉為其難唯有攞咗返屋企先算， 聽日揾啲沙泥撈埋佢試下種!
攝20/1/10


蔘茶蔘湯都飲過唔少，種蔘真係第一次，所以今次是極高難度越級挑戰種蔘，記錄一下!
圖左~沙泥各50%

圖右~沙70%炭碎20% 椰糠10%

Lam Kai Kee人蔘必屬佳品

B17 發表於 2020-1-11 17:52
Lam Kai Kee人蔘必屬佳品

回覆：B17大大
認同大大講法，蔘茸海味都係啲貴價嘢， 尤其是人參，真係可以係天價，如果品相外形似人形，價會更高，如果野山人參係地下埋咗幾十年至幾百年，真係想像唔到咩價錢!
我手上呢隻是雲南農民貨，有利錢農民就肯定大量種植生產，相對量多價就會回落，所以我呢隻蔘我問過同事貴唔貴，同事話，呢隻係新鮮濕蔘比較重秤唔會太貴，反而乾蔘會貴好多，但最終都係冇講價錢我聽知!

做乜咁快種落泥！等我仲買晒雞呀瘦肉......
而家唯有希望種得生啦！

freddywongdy 發表於 2020-1-12 08:58
做乜咁快種落泥！等我仲買晒雞呀瘦肉......
而家唯有希望種得生啦！

哈哈，嘩…你手瓜已起展，啲二頭肌三頭肌腹肌已一舊舊，再飲咁多保品就粗過大肶，到時就唔靚㗎，而家你已經很標準，再谷下阿諾舒華辛力加都要行埋一便!
我襯佢依傢仲新鮮，所以挪挪聲種，種翻十年八載可以生大啲留翻俾自己攞嚟浸蔘酒，到老時…飲可以吊下命仔，長命少少睇下啲孫仔，做五代同堂老太爺爺!

lamkaicheung 發表於 2020-1-12 09:41
哈哈，嘩…你手瓜已起展，啲二頭肌三頭肌腹肌已一舊舊，再飲咁多保品就粗過大肶，到時就唔靚㗎，而家你已 ...

我肥炸！
咁你可以種多d 傳家之寶系列，
到時可以同d曾孫一齊分享下種多肉嘅樂趣！

freddywongdy 發表於 2020-1-12 10:03
我肥炸！
咁你可以種多d 傳家之寶系列，
到時可以同d曾孫一齊分享下種多肉嘅樂趣！  ...

哈哈，希望係你咁諗，最怕到時嫌棄啲花盆阻掟，掉晒我啲心血，到時我都腰彎駝背無力反擊，唔嫌棄我左手左腳都算!

lamkaicheung 發表於 2020-1-12 10:42
哈哈，希望係你咁諗，最怕到時嫌棄啲花盆阻掟，掉晒我啲心血，到時我都腰彎駝背無力反擊，唔嫌棄我左手左 ...

唔會掛！從小開始培養佢地種多肉啦！

脫土咁耐可以玉莖重生?

Forumdata 發表於 2020-1-12 10:50
脫土咁耐可以玉莖重生?

應該可以種，因為仲係好柔軟新鮮，摸落去都仲有啲濕凍感覺，就好似龜甲龍咁差唔多!
不過同事都講過，人蔘是巧小器植物，小小土質唔啱佢就會瓜老襯，就算係一滴油佢都唔鍾意，加上香港氣候潮濕，唔多啱佢生長，我都係抱住玩玩下心態去試種，如果能成功都想分享下種植心得!