有香大花紅玫瑰,插枝3年都插死,求安慰!

屋企已前有種,死了幾年了。
之後每年去問人地要枝幹來插種,插了3年都插死///555我好想好想佢啊!!
玫瑰係我婆我爸在生時好好好中意的花,插了3年了,都插唔生...傷心呀!
泥中有加沙,又試過用生根粉,3年了
今年插2次,清明前2日及6月頭,問同村的一家要的,我的面皮真厚...前幾日枝條黑了,5555555
買右買唔到,佢右唔係咩特別品種,只係有香的大花紅玫瑰而已....
次次經過花店都找不到
買錯兩次了,1次買左無香的大花紅玫瑰,1次買了有香的細花紅玫瑰///兩次都係買到返屋企先知買錯,我心急見到就買,羅到累死先知買錯,我好苦啊!
今年秋冬我要常常出花墟,車錢貴就貴死啦!由上水出就為找玫瑰....鬼叫我中意佢,鬼叫我插唔生,鬼叫上水無咩!!!
求安慰!

慢慢來，多了解玫瑰，我想慢慢都會種到。你的家人會知道你盡了力的了。不要氣餒！

(我想，秋天會比較適合玫瑰，夏天實在太熱)

春秋大約20-25度果陣插會易D
我用沙插，插落個膠杯再用膠袋笠住
不過都唔係枝枝得

不要放棄啊！去utube先看一下，記得有台灣老師教過，先了解一下，到秋天時再試吧！

求安慰!
加油呀~

我幫你啦!!有根生先比你!!!pm我留电話!

SHANGHAI_KINDS 發表於 2011-7-4 13:11
我幫你啦!!有根生先比你!!!pm我留电話!

已pm啦!好開心,無論結果如何也要多謝你....嘿嘿嘿

有無試過用環狀剝皮高壓法?

花墟通常只見香味黃玫瑰, 無味的紅玫瑰, 及幾種色的中小型玫瑰.
有香味, 大花的紅玫瑰唔多覺有得賣.
普通玫瑰得易插得生,
只要頭一個月保持空氣濕潤便可以出根發芽, 所以在春季易些, 或用膠袋膠樽保濕則全年都可以.
這是個人的插枝經驗或者可以參考一下:
這是五月尾朋友給我的玫瑰.
開完花的枝條


這枝可以分為兩枝, 頂枝不用


枝條有兩片葉, 剪去底部一片, 上盆


用膠樽保濕


另一盆用膠袋保濕


兩盆都生根, 而以膠袋保濕的出芽較長


另一盆套膠樽出芽稍遲

ht333147 發表於 2011-7-8 22:47
花墟通常只見香味黃玫瑰, 無味的紅玫瑰, 及幾種色的中小型玫瑰.
有香味, 大花的紅玫瑰唔多覺有得賣.
普通玫 ...

師兄好勁！多謝分享插枝方法，等我去花墟買自已心頭好的玫瑰試試！

我都插死過幾次紫滕，至今都未成功！

ht333147 發表於 2011-7-8 22:47
花墟通常只見香味黃玫瑰, 無味的紅玫瑰, 及幾種色的中小型玫瑰.
有香味, 大花的紅玫瑰唔多覺有得賣.
普通玫 ...

請問師兄(人咁叫我都咁叫)...迷你品既玫瑰可唔可以咁插架?...仲有係咪有一個椏位佢就會生葉架?

小野貓 發表於 2011-7-9 10:19
請問師兄(人咁叫我都咁叫)...迷你品既玫瑰可唔可以咁插架?...仲有係咪有一個椏位佢就會生葉架? ...

盡量有兩片葉, 剪去一片葉, 但仍是有兩個椏位的.
剪去一片葉是減少水份要求, 兩個椏位是植株較壯健, 使其出芽較快.

ht333147 發表於 2011-7-9 10:40
盡量有兩片葉, 剪去一片葉, 但仍是有兩個椏位的.
剪去一片葉是減少水份要求, 兩個椏位是植株較壯健, 使其 ...

師兄~咁我想問多d...
1.插完包左透明袋後要唔要晒太陽?透明膠袋要唔要有窿?
2.咁仲要唔要淋水架?少水定多水?
=="我係超級新手黎架...而且係多多問題既問題野貓~喵~

小野貓 發表於 2011-7-9 10:52
師兄~咁我想問多d...
1.插完包左透明袋後要唔要晒太陽?透明膠袋要唔要有窿?
2.咁仲要唔要淋水架?少水定多 ...

1. 不要晒太陽, 有小孔透氣, 或袋口不用扎實
2. 見到膠袋有水氣便不用淋水, 照片的兩盆, 自從上盆時淋過一次, 到出芽拍照都未再淋過.

好厲害...我d枝條可以插到出芽,但之後會成枝黑左死左,羅出來看係無長根...
秋天再問同村的婆婆要多枝來插,今次會加膠袋試下....