玫瑰小小記錄

心大心細,明知香港潮濕不宜種玫瑰,都系忍不住要種...先做過小小記錄吧。

先來記一下英玫w.Shakespeare2000沙士比亞

為什為先講ws 2000呢? 因為佢開花最快囉...簡直可以用急不及待來形容它開花之快之多.

生葉生得好快,生命力強,幾乎完全不用花時間適應環境.



葉子才長出來一些, 花lum就急不及待要爭著長出來....當然, 看過好多有經驗的花友講, 夏天玫瑰花開得醜, 還是留待冬天才讓它大開特開吧.



又出花lum, 再剪....要狠心d



但這個世界, 總有漏網之魚.....有幾日落大雨沒打理沒留意, 又有花要長出來, 還要見到紅色花瓣啦......唔捨得剪添



好啦, 留下一個花lum..其實我都想見下沙士比亞長什麼樣子, 最想嗅下它的香味.

我以前都種過玫瑰,好多虫,以後都唔敢種

我都種了幾盆玫瑰，但唔係好識打理。有兩盆係外國樹頭，過年由後開花，第一朵醜醜地，然後開得好大，好靚。其後又買左兩盆鑽石玫瑰、三盆細種玫瑰。幾盆都不斷開花，就係越開越細，越唔靚，都唔知點解。
有花友話開完花要大剪，係點大法呢？夏天係唔係要剪晒d花呢？
玫瑰真係好多蟲，之前在葉底發現大量白色、啡色小滋仔，搞到d葉又黃又細。用盡方法殺蟲，又剪左大部分葉，算係好少少，但近日又見，都唔知係什麼蟲，更唔知如何根治。期望花友指點。

wince 發表於 2011-6-30 00:32
我以前都種過玫瑰,好多虫,以後都唔敢種

同意, 極多蟲......多到想死
唔單止有恐怖的毛毛蟲....掂到會好痕...
仲有多好不知名的各種蟲類.....

種玫瑰之前, 真糸要做好心理準備....

毛毛蟲太多, 無影到相, 但下面呢條, 佢的保護色真系犀利!!!!

goodfish 發表於 2011-6-30 17:06
我都種了幾盆玫瑰，但唔係好識打理。有兩盆係外國樹頭，過年由後開花，第一朵醜醜地，然後開得好大，好靚。 ...

玫瑰真系要好比心機打理, 我都系初手.....玫瑰開花花到最美時, 我會剪左系室內插...因為聽講開花用左本身好多的營養...而且夏天天氣都真的不適會...夏天我打算讓它安全度夏,長下葉, 儲下營養.希望冬天會開朵靚花比我.
至於夏天葉子醜同有蟲, 我想要預左系咁, 唯有見到就捉, 葉子黃就摘掉....夏天有時摘走晒d黃葉同病葉, 玫瑰枝就光秃秃,我就干脆剪走d枝, 當然,只是d無關痛痕的枝, 主幹我是不敢動手的....有時,我會走去台灣的一d種植網站偷下師, 那裏專門講種玫瑰同技巧的多較多.

希望有其他高手可以分享經驗......

另一方面,我覺得玫瑰(尤其你是外國的樹頭)最好種落地, 通風的地方.....咁唔使花太多心機,都生得好靚....
點解我咁講呢, 因為我屋企附近的婆婆就系咁, 佢都唔用藥, d花已經好靚....

先聲明:以下的玫瑰花不是我的, 是附近婆婆種的, 一起欣賞下:


不要問我是什麼品種, 連婆婆也不清楚....總之好靚, 靚到我都心思思開始種啦.

玫瑰真係好靚、好香。當你從一塊樹頭種到開出兩隻手掌大的花時，真有好大成就感。但種玫瑰又真係要好花心機，又要修剪，又要除蟲，陽光、泥土、水份、肥料…樣樣都要注意。不得不佩服樓主，做足事前準備，相信你會種出好靚的花花！大家一齊加油！！

開啦. 真系香到暈.....強香到好以嗅緊一支玫瑰香水咁.

初綻放的樣子


開晒啦, 好細朵, 只有6.7CM左右, 但好香好香!!!!

好靚！