比d意見 - 分享版

依家分享係鬥快lor
每次有野分享就好快滿
有時見到有d野想要, 但又滿晒都幾無奈

有時又唔知d人係咪真係自己種
之前咪見過有一個拿完share, 之後走左去賣

我建議起一個積分機制, 可能新人預設有10分的
接受一次分享減一分, 0分就無得再拿share

之後如果對hkplants有貢獻, 就加分
例如自己又分享番d比人咁


我建議姐, 要大家慢慢討論先得

gunbuster363 發表於 2011-6-24 17:20
依家分享係鬥快lor
每次有野分享就好快滿
有時見到有d野想要, 但又滿晒都幾無奈

你哩個意見好值得思考

(可能)有些會員專門(or好有心機)捕住分享版, 見到有嘢就嗱嗱聲登記......
計分制好難監管, 好難計住d分數

大家幫手諗諗

分享主權來自分享者. 如果每得一次分享得扣一次積分都可以. 但要給分享者決定分比邊個 (決策權始終在於分享者手); 另外, 如果是以物換物, 不用扣分. 咁樣都可以保障到"交換者"的權益 (積分).
但要再諗深一層, 有d人開幾個account. 每個account都有積分. 結果變相又分多幾份....

分享計到咁足係米失左原本意義, 我見有分享者會講明唔係先到先得, 如果成日都排唔到隊係米可以出徵求貼呢?

係囉, 「扣積分制」會產生不停開account嘅現象. 就算用地址作悉別都好難監管到, 正所謂「狡兔有三窟」, 一個人有幾個地址絕對唔出奇. 既然同互聯網世界一樣咁難監管, 不如只用獎勵性嘅加分機制, 反而會鼓勵到人分享. 如果嗰個人為咗加分而少少嘢又一個帖, 一棵又一個帖, 佢咁唔怕俾人笑, 講得難听啲, 咪施捨啲分俾佢分囉.

但係又要搞清楚, 有啲人想分享小苗俾人, 可能有時限, 佢今次收到3棵, 跟住兩個星期後又有啲長出, 又想分享俾人. 咁就唔好話人呃分喇.

sukyee0227 發表於 2011-6-24 14:45
我想問有時分享者分享物品出來時 , 要求到幾多点才可開始排隊 , 但我們部電腦時間同園藝館時間有出入(我們 ...

其實唔使理幾多點嘅, 總之撳完確定制, 見到前面有人係你miss咗嘅, 咪加番人哋個名籮.

我見台灣嘅園論壇係分咗版，有個版係分享後要貼種植記錄
其實可唔可以開個版係關於分享植物嘅種植成果？
咁分享嘅花友可以見到D花種成點，亦都可以知道申請者好比心機種
另外我都覺得分享物品要有數量限制，超過最好分開兩個帖
因為有時分享嘅種類太多，個list太長，會造成混亂，而花友睇番都會好麻煩

分享物品要有數量限制，咁不如數量都限制。有個 standard form就最好啦！

分享貼的回覆不應有編輯工能，好多時排隊後改貼會好亂。沒左時間性。

如果係咁, 不如用一個正面的積分系統, 只係正分, 不會有負分, 坐底0
然後分享者分享果陣可以自行決定:
1)先到先得
2)高分的優先

Sorry! 我每日quota有限,未評分的有拖無欠.

個人意見
分享每貼應, 限物品數量同受分享人數, 至於發貼保留時間, 以一個月為限, 但發貼人可自行把時間縮短 (比如2星期), 接受分享者排隊後應即PM留電話作實,
like 與 unlike 係作參考用途, 加分減分係分享板用? 其實在這找到志同道合的花友已經係收穫,

我分享唔多~不過我分享一定唔會係先到先得~我覺得快唔等於d乜野~
我得閒d咪自己揀d真係有分享過自己種ge野呀心得呀乜野咁~
(我真係得2-3次分享野...但呢個係我一直心諗ge野囉~)

Tony 發表於 2011-6-25 00:05
我分享唔多~不過我分享一定唔會係先到先得~我覺得快唔等於d乜野~
我得閒d咪自己揀d真係有分享過自己種ge野 ...

贊成.  唔會用先到先得, 覺得宜家d人搶住鬥快去申請, 之後就遲遲未寄出, 又有d索性唔寄.  呢班人d行為, 可以形容為騎牛搵馬式去申請, 手攞住一個, 心又想那個, 搞到有d人遇到心頭好就已額滿.
其實在一個時段計算住申請次數都啱嘅, 等佢可以珍惜手上剩餘機會, 唔會係唔係都申請一餐, 而其他人又有機會.  不過唔知道執行上做唔做得到.

暫時意見:

1. 分類 : 加多一個"徵求"
2. 做一個standard template for 分享
3. 分享者 : 加分, 但如果無理取消分享會撤銷評分
4. Subject统一顏色 : 會比分享者帶來麻煩, 如果分享者有做緊係好,如果沒有我覺得冇問題. 而subject分為額滿 / 完成. 沒有注明=還有,
(完成=我想keep住有,因為我見到可以提早調到完成版)
5. 分享者應自行決定分享方法. (例如: 先到先得/ 在那段時間開始 / 曾分享的優先...)
我覺得分享者有佢既選擇決定分享方法
6. 分享者: 如果一次過分享種類太多, 請分開來post分享，以免太長list造成混亂.
7. 受分享者: 如有無理取鬧,分享者投訴, 都會扣分. 我未知我有冇權扣分,請其他版主/比得大帝教我.
8. 受分享者: 貼回種植記錄和通知分享者已貼回種植記錄
9. 受分享者 / 分享者 /版主 : 因同一時間回帖時引起的所有遺漏. 請受分享者 / 分享者 /版主幫手update  list.

Agree / disagree ?
any comment ?

比得大帝 發表於 2011-6-22 21:20
我覺得方便處理, 一個月沒回覆的主題, 都搬到完成版.

一個月太短了, 我試過約人交收, 真係要2個月先約到大家都就到既時間~

比得大帝 發表於 2011-6-23 09:38
致於我提意一個月以上沒回覆的主題都搬去完成版, 是很方便及合理的做法, 成個月都唔無人出帖, 該主題唔係無 ...

哦, 睇埋你呢度就合理好多~

分享表

Subject : (分類) 名稱 幾多份

分享物品名稱: xxx
份數: xxx (共幾多份)
交收方法:  (郵寄交收 or 面交)
(1) 郵寄 - 使用/不用回郵 or 免郵
        註明郵費
        包裝材料費 :
        盒子size / 分享物品size:
        銀行名稱 : BOC / Hang Hang / HSBC…       
        需自行承擔郵寄失誤及郵件破損的風險，本人絕不負責。
                需註明網名
        郵件不符合大小不能入信箱，恕本人沒空去郵局領取。

  (2) 面交 - 註明時間、地點
        請自備購物袋

注意事項:  (選擇性寫)
1. 確認接受分享者請ｐｍ分享者留下相關資料及分享物品的名稱。
2. “X”天內不完成交易, 當作取消分享
3. 收到分享後，接受分享者必須在帖中回覆確認。
4. 分享物品送出與否，本人有最後之決定權。
5. 沒有後補，也不可由其他人代為申領
6. 花友如有 xxx作交換,可享有優先。
7. 接受 / 不接受海外分享
8. 如不能接受上述事項者請勿下標
9. 受分享者 : 應先閱讀分享版版規,才申請分享. 任何違規, 分享者有權取消受分享者資格
10. 分享者 : 應跟隨次序來填上, 如發現之前有錯漏. 請分享者需幫手更改。

栽種心得:  (選擇性寫)
申請前請自行判斷是否合適種植,才可申請

在這排隊: (不設後補 - 選擇性寫)
1.
2.
3.
4.
5.

後補位 (選擇性寫)
1.
2.
3.

甘好唔好 ? 有沒有東西要再加?

交換 / 徵求 需要統一表格嗎?

wendy_choy_hk 發表於 2011-6-26 11:23
暫時意見:

1. 分類 : 加多一個"徵求"

可以扣威望, 不可以扣分

可以叫simon改 (我以前叫過, 佢冇啋我)

caca8j: <可以自己加限制,例如[暫不接受二級花友以下者申請]之類>

我又唔會限制那個級別唔可以申請, 想當初自己都係由初級花友開始試吓申請分享, 新人行為品格唔等如差, 只係未熟識申請方式, 只要跟從分享人所定下細則去做就可以啦!  我只會將以前遇過d麻煩人拒絕申請, 即係話就算遇到唔合作嘅人都係一次貨仔冇下次