本帖最後由 Melb 於 2016-2-18 17:15 編輯
遇到一個好好人的賣家
係咁ge, 早期(4月)我想種甜菊
去過花墟又冇得賣wor, 我咪想上網睇下有冇種子賣lor
我去yahoo拍賣, 見到有個人賣好多種子, 仲有甜菊, 全部都係ferry morse牌, 我就同佢買, 總數 $15 + $1.4 = 16.4
然後佢好快就email聯絡我, 留低銀行戶口no比我入錢比佢
入完我影低張atm收據, upload上網, 連埋呢幅相寄比佢, 佢好快就話寄出左
2,3日後我就收到種子了
但我播種播種再播種, 直到成包都落晒為止, 都冇一粒發芽
我心諗算啦, 十幾蚊都係唔好煩, 當我唔好彩 (同埋我都聽過甜菊好難發芽)
然後早幾日, 因為我見個樣幾得意, 所有我想種墨西哥辣椒(jalapeno)或者地獄辣椒(habanero)
但係呢度又冇人share地獄辣椒 (直到呢件事差不到搞掂, 就有人share鬼椒, 不過我怕太辣了)
我又上網找, 好彩yahoo拍賣又有人賣wor, 我再睇清楚, 又係上次賣種子比我果個人
結果我就留左個問題:
「你d種子邊度入的, 上次幫襯你買左包甜菊, 冇粒發芽........我都係想有個保證姐.......怕影響生意你就email答我啦」
佢覆我:
「種子直接由ferry morse 直接入口的，無經任何代理的。早排我都發現有問題，已經聯絡ferry morse，他們亦已承諾更換新種子給我。因stevia是他們今年的新品種，我想他們的QC出了點問題。本店亦將跟隨ferrry morse政策，如果原裝種子有任何問題，我們可替閣下更換種子或退回款項。謝謝」
竟然有得退錢? 我心諗乜香港仲有咁好的商人ge? 如果我事實係有發芽, 我都可以無發芽, 佢都唔知係咪真~大可以用呢個理由唔做任何野,包括退錢
我見佢咁順攤,就好有禮貌咁問佢, 如果可以退錢或者寄過包比我, 咁可唔可以索性唔要甜菊, 想要地獄辣椒
佢就答:
"因為打算跟返ferry morse嗰個gurantee to grow政策，一年內有任何問題都可以換。呢個牌子我自己塊田都種左幾款，發芽都好高既，佢唔似其他牌子，r呢個牌子係標明得一年有效期。所以全部種子都係當季既。我自己種野我都知道如果有種子唔發芽係咩心情，所以對於呢件事真係唔好意思，亦多謝你既feedback。始終我賣呢個牌子得半年，都未清楚佢質素是否穩定，但我自己聽返啲買家講話佢地買左既種子發芽率都好滿意。
一年內既種子會退款或者更換新種子，如果你想退款都可以的，如果你想要habanero我會退返$4比你。我應該有你record 既。但麻煩比個acc no我。
我會係呢兩日過數及寄出種子。
謝謝=]
"
有得換過隻野種, 仲有得退番差額(因為habanero係11蚊, 甜菊15蚊), 佢幾好人wor
結果我比左acc no同地址佢, 佢第二日就話寄出左
再隔三日, 姐係尋日, 我就收到種子了
成件事好似發緊夢咁 |
提升卡
置頂卡
沉默卡
喧囂卡
變色卡
顯身卡
