手工皂問題在65樓~急!

doncheng 發表於 2011-6-23 09:36
cherry姐，我想要這兩個配方可給我嗎？

100%美肌配方皂

哎呀，我係超新手，仲未開始郁手整架，唔好哎到我咁老呀～
呢兩個唔係配方來架，係本書名來炸～

doncheng 發表於 2011-6-23 10:13
我的皮膚乾乾的，唔鍾意查cream的感覺油淋淋...我最想沖完涼有爽爽的，水潤潤又滑嘟嘟就good啦！
...

嘩～～　呢個根本係人人都想要的配方～

選擇配方時，可用20-23%椰油，配合一些潤滑度高的油e.g. 酪梨油，橄欖油，乳木果... ，起泡易的油：萞麻油，棕櫚核油．清爽又潤的油：甜杏仁油，米糖油．...

jellyfishy 發表於 2011-6-23 11:06
嘩～～　呢個根本係人人都想要的配方～  

選擇配方時，可用20-23%椰油，配合一些潤滑度高的油e.g.  ...

我找到一個配方，ok嗎？

芥花油       100g
甜杏仁油     80g
椰子油       200g
棕櫚油       120g
乳油木果脂   50g
棒果油       50g
紫草根       4-5枝
氫氧化納     90g
水           220g
洋金菊或茶樹精油  適量 (即幾多?)

小小建議，初學者的話，嚴重不建議用那麼多種油打皂，
一來 not cost effective， 準備買每種油也需要時間和金錢，要做相似效用，根本不用那麼多種油．三四種油是正常，六種油，真有點...  (我太直，希望無得罪人）～
二來要攪咁多種油，好易出錯．

紫草根.... 用來做浸泡油，不是用來直接入皂．
洋金菊好似無精油的．

我設計一個配方不難，但心裡希望花友diy打皂前，對手工皀多一點認識，先找書看看，簡單了解皂是乜東東，選擇簡單配方練習，這是我的想法．
初學者，可以看看娜娜媽的書，上來看看大家的討論，會比較易成功．
我起初打皂，只選三四種油，用熟了那幾種油，清楚它們的特性後，才繼續試其他油的．

jellyfishy 發表於 2011-6-23 11:40
我設計一個配方不難，但心裡希望花友diy打皂前，對手工皀多一點認識，先找書看看，簡單了解皂是乜東東，選 ...

明白你的苦心...水母大人請原諒我吧！

doncheng 發表於 2011-6-23 12:01
明白你的苦心...水母大人請原諒我吧！

咪叫大人咁可怕啦～～～　出左個帖，睇下啱唔啱用．

http://hkplants.com/thread-79093-1-1.html

手工皂可以用來洗頭沖涼, 大人用都拿眼的, 平時我仔用和x堂蜜糖梘都有少少拿, 但手工皂好似仲拿, 如果咁整洗頭水比佢都應該拿喎, 咁呢個問題有無得解決呢？

唔該水母！
仲有一個關於油的問題，我老公買左一罐olive pomace oil番來，佢話中文係寫純橄欖油的，但我查pomace呢個字解油渣喎，咁其實有無人知係咩來呢？可唔可以用來做梘呢？

cherrylwy 發表於 2011-8-10 17:04
唔該水母！
仲有一個關於油的問題，我老公買左一罐olive pomace oil番來，佢話中文係寫純橄欖油的，但我查p ...

pomace 係精煉的意思，即係渣完又渣，渣乾渣淨的橄欖油，頂得主高溫，主要用來煎炒，炸野都得～
最靚的級數叫 Extra virgin, 即係 cold pressed 1st round (冷壓出來的第一造的油），外國人用來調沙律，緑緑地色有陣果味個油，有ｄ人鍾意用佢來打皂，覺得營養最好．
我洗過，分唔出邊隻油打出來的皂會好ｄ囉，淨係知會影響打皂trace時間，所以我會選平平的pomace打皂，錢都係留住用好喇～　呵呵～～～
既然pomace都食得入口，打皂更無問題啦，只係驚佢成份太不純淨，所以用開邊隻牌子的 pomace，ok的話，我就keep住用．

jellyfishy 發表於 2011-8-10 17:14
pomace 係精煉的意思，即係渣完又渣，渣乾渣淨的橄欖油，頂得主高溫，主要用來煎炒，炸野都得～
最靚的級 ...

噢，係呀係呀，佢就係話寫住可以用高溫，咁佢買左咁多，唔理咯，照拿來打下先，thank you～

claudiatang 發表於 2011-8-25 17:20
我覺得點都冇味。

即係始終都要用精油, 桂花好香呀, 好想拿來入皂~

我覺得點都冇味。

我又想問下各位皂友, 用乾燥花草入皂的話, 用來浸泡油D味濃D, 定用來沖茶, 用D茶來入皂D味濃D呢?

好似點都係"皂"味大d
桂花又有精油?

chutou 發表於 2011-8-25 22:24
好似點都係"皂"味大d
桂花又有精油?

就係唔見有

我諗要落好多乾桂花才有少少味。

用來做桂花糕食落肚算吧啦﹗

我朋友送左枝食用的初榨冷壓椰子油比我, 好大陣甜甜的椰子味呀, 整護膚品頂唔順, 可否用來打皂呀?

有1本我覺得幾好，第一本 : 3步驟做頂級天然保養品,我自己也買了一本,因除了手工皂外,尚有其它
保養品如卸妝油,防晒隔離霜,保濕庾膠,唇膏等在三聯有售,不過我買時葵芳得四本,灣仔只有一本.最好先打電話問一吓