等待「安居」的日子

原來不少人同我有同一樣的心聲....
同意blog主的睇法,唔知其他人點睇~

http://magician__yang.mysinablog ... p;articleId=3032983

『驟耳一聽，呢句真係好怪。佢話唔夠錢使，「莫說租屋，就連玩樂也要避免」。留意「莫說...，就連...」這個思路，言下之意，就是說節省金錢的順序是「屋租」為先，「玩樂」為次，即是說「玩樂」的使費比搬出來住要交的「屋租」更重要。明乎此，此人的理財哲學已告訴了我們，佢點解要躝返屋企同家人住了！』

節省金錢的順序是由於其金額，而非重要性，其理至顯。如果玩樂所花的錢相等或更多但仍先省住屋，才可說他以玩樂為先。租屋明顯比玩樂貴，而「每月只剩一、二千元」，當然是先省住的。可是作者偏要暗示阿謙揮霍。明乎此，此人的邏輯已告訴了我們，作者已戴上有色眼鏡，得出的只能是偏頗的結論。其謬如此，餘不具言。

不論任何年齡，大部份人都想有空間追求夢想、追尋安穩的生活和屬於自己的產業，但一切一切都有opportunity cost。曾否付出?付出得夠不夠?很看個人。

住屋是必須品,私樓貴未必買得起,但又未有聽說有人因此沒有屋住,只不過可能要住偏遠些,裝修簡樸些,樓齡舊一些...

工作關係,認識了一些家庭,他們的單位面積小環境差,有人戲稱"人間地獄",相比下公屋也是豪宅了,但他們大多樂天健談,鮮有負面說話。比上不足,比下有餘,知足最常樂,為何愛便一定要執念擁有?更何況擁不擁有還是有得揀的,視乎你是否接受那opportunity cost。

嘩～　２位解釋得很有道理．

要自己俾錢住開（即係不和家人住），就要找屋，要找間屋，一是租一是買／供．
住開的原因，可能是：
１．家庭狀況變了；
２．為工作；
３．為展開新家庭；
４．方便玩；

哎呀，我係諗到咁多～
頭三個係必須，最後一個不是．
以前讀 U 和剛畢業頭幾年，好多同學自己搬出來住，方便玩．續漸越來越多同學想成家了，租樓和買樓的各佔一半．但大部份有子女的舊同學，都想安安定定買樓長住，這應該是香港的實況．

1. 我唔係筆者,唔知佢諗乜,我唔覺阿謙講呢句係指係省錢次序,入面無講阿謙大唔大駛(其實我覺得大駛都無所謂,前提係搵得到$$$咪得lor),或者阿謙表達有問題,就呢句「莫說租屋，就連玩樂也要避免」,我o既感覺係"連玩都唔夠,邊有錢租屋?"如果佢話無錢駛而令生活有問題,我諗點數都數唔到無錢去"玩"呢一part掛......
2. monk"s所講o既先係重點,你有自由選擇自己要過的生活,但路是自己揀.請不要怨天怨地.阿藝術女果o的真係比佢吹到啤一聲~

個人都係認為如果能力取可,買當然好過租~
但在投資者的立場,當然需要一部份人租樓o黎幫我供樓啦~~

１。「如果佢話無錢駛而令生活有問題,我諗點數都數唔到無錢去"玩"呢一part掛」
如果說「無錢駛而令生活有問題」有何不可？「生活有問題」難度一定要去到釜甑生塵的地步？住籠屋的小孩，不必像非洲奄奄一息的餓童，但沒錢買玩具、吃冰條，也夠悲哀了。

２。「你有自由選擇自己要過的生活,但路是自己揀.請不要怨天怨地」、「比上不足,比下有餘,知足最常樂」
一份收入應有怎麼的生活？怎麼的期望才叫合理？假設物價騰飛至米珠薪桂，窮人在冷巷耙豬潲是否就活該？是否無論環境怎變，問題一定在人身上？

內地貧窮鄉村一些小童，窮得沒錢醫病，有白內障，可能亦知足，但請撫心自問，自己能否做到？至於有人一晚沒水洗澡尖叫「My God」、雲吞麫裏發現小蒼蠅嚷着要報警，在他們眼中，何嘗不是極可笑？為何要求低些就對，要求高些就錯？是否如果有人「無欲無求」，連要求低的人都錯了？這裏只有價值觀，沒有是非觀。我無法否定別人的價值觀，亦不會把自己的價值觀加諸別人。

路是自己揀的－－說得好。沒屋其實不必申請公屋，露宿公園也不會死；沒錢其實不必申請眾緩，可以做乞丐摷垃圾也挨過去；失業其實不應上街怨政府，應怪自己年少不好好讀書，應怪自己沒好好利用圖書館進修，因為－－路是自己揀的，正如藝術女申請公屋一樣。

owlcyr花友想表達的心聲應是圍繞電視節目的人而言,他們沒有住籠屋的餓童,亦無耙豬潲的窮人,他們都是有屋住的年青人。

年青人有目標是很好,但如果他們真是以目標為本,未嘗會欠缺機會,只看如何把握。無奈現實不是努力便一定成功,運氣、處事手法及社會環境均左右著成敗,要令自己在失意中開心一些,我會選擇「比上不足,比下有餘,知足最常樂」。

在吹水茶座吹吹水,表達心聲,何其愉快!  sammy花友道得好:「我無法否定別人的價值觀，亦不會把自己的價值觀加諸別人。」我想大家都是這樣想的。

如monk所講,主要係講緊"節目"入面的受訪者,我係不同意佢地的諗法,當然我係用我o既價值觀去評論啦,唔係講o黎做乜,我比個like佢算啦.
又如殺人犯同強姦犯都有佢地o既"價值觀",不過我又無你咁中肯,我絕對會否定該人的價值觀，亦會把自己的價值觀加諸該人身上。
所以我唔明你舉一"系列"的例子,籠屋,內地白內障,非洲奄奄一息的餓童或雲吞麫裏發現小蒼蠅嚷着要報警的人等等有咩關係.....我其實get唔到你想講乜....同節目內的關係...??
不過就你的觀點,我都有少少個人睇法,

1. 我諗討論咩叫"生活有問題"係無意義, 我只係指出我對佢講果句說話的感覺,
就正常人的"價值觀"o黎講,正如如果我好唔掂,要問朋友/親人借錢,我話"喂,好窮啊,連玩都無錢啊",你估其他正常人點諗??

2.是否無論環境怎變，問題一定在人身上？
呢個好肯定o既啦,就算係"社會o既錯"都係由人一手做成的,你一係去改變社會,一係去改變自己,地球真係咁樣運作o架wo~

3. 是否如果有人「無欲無求」，連要求低的人都錯了？
我諗呢個只係你o既睇法ja,我睇唔到呢條thread有講過呢讓o野....
做人當然要有要求,無要求就無進步,但對自己都要有要求lor,唔該
我想每個月搵幾十萬o架,不過我又無一技之長,又唔想學又唔想做,又怕辛苦,政府咁都唔幫我~~~

"路是自己揀的－－說得好。沒屋其實不必申請公屋，露宿公園也不會死；沒錢其實不必申請眾緩，可以做乞丐摷垃圾也挨過去；失業其實不應上街怨政府，應怪自己年少不好好讀書，應怪自己沒好好利用圖書館進修，因為－－路是自己揀的，正如藝術女申請公屋一樣。"
呢個咪重點lor,
真係要無屋住要訓街的,可以揀搵社署幫手,又可以揀露宿公園做乞丐摷垃圾,又或者出o黎怨
沒錢失業,可以揀申請綜緩或者自已搵錢,又或者出o黎怨

每個人都不同的生活方式,亦都有權去追尋夢想,唔去搵錢,唔去買樓絕對無問題
因為唔去搵錢, 所以結果無錢買/租樓, 要住就自然要申請公屋,從來我都無講過佢地申請公屋係錯,
問題係我覺得佢地怨社會無機會俾佢地, 同埋佢地唔肯去爭取機會. 佢地自己去揀去輪公屋呢條路, 輪得耐係因為有更多比佢地"更需要"公屋的人~
不嬲買樓都係唔平o架啦,除o左香港有大獲o野外,幾時樓價係平o架?就算樓價跌到1000呎,我估阿藝術女都一樣買唔到樓o架啦