係咪白粉病呀？

請問係咪中左白粉病呀？可以點醫呀？呢棵南瓜係上面有個南瓜，未熟架，會唔會傳染到上去架？

係呀!快d救佢啦~噴綠油油, 苦楝油應該都頂得下~
好似話噴1:99白醋都得,但我未試過~
老師仲有介紹過一隻咩"天衣得"都ok架! (老人家冇記性唔sure)

瓜類好似好易有呢個病，如果唔理，會有咩影響呢？

我D番茄同茄子苗都有白粉病. 我用一茶羹梳打粉+一公升水噴葉面同葉底, 兩分鐘之後再用清水噴. 係work嘅, 不過隔一陣會返嚟, 又要再噴過. 而家咁潮濕係咁㗎啦.

mirry 發表於 2011-5-24 23:29
瓜類好似好易有呢個病，如果唔理，會有咩影響呢？

唔理佢D葉會慢慢腐爛, 之後就冇哂葉㗎啦!

42ndfloor 發表於 2011-5-25 00:05
唔理佢D葉會慢慢腐爛, 之後就冇哂葉㗎啦!

因為我有棵青瓜, 只剩最後一條瓜未收, 仲等緊佢大, 但落雨之後好似成棵都有白粉病咁........好想就咁由佢....

係呀！落完雨之後多左好多葉係咁呀！
等我聽日諗諗計先，我未買到藥，聽日冇得噴呀！

mirry 發表於 2011-5-25 01:11
因為我有棵青瓜, 只剩最後一條瓜未收, 仲等緊佢大, 但落雨之後好似成棵都有白粉病咁........好想就咁由佢 ...

嗰條青瓜要幾耐先大? 我唔知青瓜會點, 不過如果我D番茄已經full size我都可能唔會理佢, 除非附近有其他植物會俾佢傳染.

我不嬲都係剪o左o的病葉就算的,因為少量白粉病可以唔駛理,同埋記住,病發後可以話係無o野可噴(化學農藥除外).
如果真係想做o野,
1. 剪o左o的病葉
2. 唔好落肥
3. 唔好照頭淋水
4. 最緊要係通風(如果葉太多,生得太密,要剪疏佢,等佢通下風)

剪去嚴重病葉，尤其是底部近泥面的葉；有多株或別樣植物，需消毒剪刀才再使用
過份嚴重建議整株拔去，然後消毒泥土再種植

瓜類除非生長勢太弱，最好不要施放氮肥，
免葉片過份生長影響通風，誘使病菌侵害植株；
另須定時修剪枯葉及過密葉片，刀具使用前需消毒，免病菌傳染，
雨天停止修剪或整理枝條，免病菌從傷口進入

白醋加水 1:100
40度米酒加水 1:100
熟石灰加水 1:500 (少量水混和後才加至正常稀釋度)
依天得 (黃三興有售) ，利用強勢菌作制衡
以上選擇一種，稀釋後作噴灑全株，尤其特別是葉底。熟石灰水可與白醋水交替使用，免泥土酸鹼失衡

我棵南瓜都係咁, 已經有瓜bb, 但係佢由下面嘅葉蔓延到上面嘅葉
所以最後成棵俾我掉咗
而家傳染到青瓜都有
天氣潮濕同落雨都好有關係
而定噴緊梳打粉+水
如果冇改善, 收埋呢轉瓜諗住疊埋心水種過第二樣

Sorry講漏左, 係一茶羹梳打粉+一公升水+少量洗潔精. 唔加洗潔精D梳打粉會黐唔到D葉㗎. (唔怪得我前日噴完仲有白色一噠噠啦!)

多謝晒兩位去白粉病配方....等我都試下先

昨日去田度...大剪特剪

剪前



剪後


底部全部老葉被剪光，只剩新長出來的嫰葉


剪剩條藤..但都有白毛毛...希望再來幾日出太陽晒下佢。唔好野埋d嫰葉啦。



又白粉又地圖虫...唉~~~

silicon 發表於 2011-5-25 19:44
剪去嚴重病葉，尤其是底部近泥面的葉；有多株或別樣植物，需消毒剪刀才再使用
過份嚴重建議整株拔去，然後 ...

我噴左醋水啦，不過都剪左好多病葉！因為有兩個南瓜就熟，我諗住收左就成棵唔要啦！
好在未有傳染到我棵勝瓜同節瓜！

請問點消毒啲泥架？

cartse 發表於 2011-5-29 03:13
我噴左醋水啦，不過都剪左好多病葉！因為有兩個南瓜就熟，我諗住收左就成棵唔要啦！
好在未有傳染到我棵 ...

除去所有作物及野草，撒上熟石灰與泥土充份混和 (熟石灰遇水乾後會結塊)，
之後閒置最少1 星期，其間不用澆水；若當中遇雨天，需增加多1星期時間

owlcyr 發表於 2011-5-25 14:28
我不嬲都係剪o左o的病葉就算的,因為少量白粉病可以唔駛理,同埋記住,病發後可以話係無o野可噴(化學農藥除外) ...

梳打粉唔算係"化學農藥"掛? 有機種植法都用梳打粉wor...

呢度話梳打粉係可以對付到白粉病, 不過potassium bicarbonate(碳酸氫鉀)會有效D:
http://www.attra.org/attra-pub/bakingsoda.html

回復 42ndfloor 的帖子

我d翠肉瓜苗...長左8棵..不斷都c去..就是似呢類白毛毛...  我前天才開始用苦練油..希望有用.

唔該哂！

回復 42ndfloor 的帖子

哈哈,我唔係指梳打粉係化學農藥........
我係指除非噴化學農藥先至可能攪得掂.
碳酸氫鉀而家好多人都有用,我又真係無試過,有無用就唔敢講
因為我以前都試過噴,噴完無耐又出過.....後尾就剪鬼晒o的老葉等佢通下丟,反而效果仲好.
加上我而家種親發病o既都係老株(已經收得七七八八),我懶得攪(唔想噴o野),咪由鬼佢lor

我搵到呢句"Baking soda without spray oil was ineffective"

回復 owlcyr 的帖子

洗潔精個作用同spray oil相似, 都係wetting agent.

係呀, 我呢度都係咁, 成日都返返嚟. 我都明你講咩...其實植物仲有好多健康嘅葉嘅時候, 剪走幾塊都冇咩所為...唔健康嘅植物噴完嘢救得返都唔會有好嘅收成, 真係搵嚟煩㗎咋! 但係當見到仲掙少少就開花/結果/有收成嘅時候, 真係會好唔捨得就咁由得佢! (種菜真係要保持一顆平常心...)