香港人真係唔好病....

兩個星期前，老公半夜痛醒，立刻同佢去睇急症啦....
急症室醫生同佢講話佢應該係腎石，但X光照唔到野，醫生話有兩種石X光係照唔到，寫紙比佢叫佢排隊睇泌尿科...跟住開左幾日消炎同止痛藥佢食...

當然，我地唔會只係等睇專科就乜都唔做，我搵左食療幫手，老公亦去睇中醫。
今日終於收到泌尿科既回信喇....老公第一句話要我估下幾時有得睇，佢話我估一世都估唔到...但我估第三次就估到喇....哈...我想像力比佢好囉....

答案係...三年後呀....2014年.....我笑住同佢講...D腎石到時變左化石囉....

腎石有幾痛....患過既人先知....要排三年....係一個好痛既教訓囉....大家記得飲多D水...唔好食咁咸呀.....

ck..........其實除了飲多D水...唔好食咁咸之外.....你先生是否需要時時忍尿?同埋他是否鐘意食高鈣食物?

香港d醫院係甘嫁啦,我老公有年心臟突然痛,排政府都要等一年.我心諗死左都未排到.

wendy_choy_hk 發表於 2011-5-23 22:20
香港d醫院係甘嫁啦,我老公有年心臟突然痛,排政府都要等一年.我心諗死左都未排到. ...

有朋友三個月前突發性心臟病,在威爾斯手術,埋單二十幾萬!

保險包唔包埋?

同埋樓主知唔跳邊個馬悅凌?
http://blog.mayueling.com/

睇下有無用~

好得人驚。
不過，我話香港已經算好好，係美國醫療支出一向是最高的，歐洲人好少少，可能同飲食習慣有關，而係中國...更加恐怖。有空看看國內作家寫的<心朮>，以輕鬆手法寫有關國內醫療的弊病！

希望你先生快點好番啦!

嘩～～　ck，原來你最近老公有事～～
哎呀～～　以前聽你講講，你老公鍾意濃味，嫌你煮得太清，估唔到因為咁，患了腎石～！
咁你真係要好好鵝多ｄ佢飲水，食得清ｄ，調理番好個腎～

聽話就會身體好，唔聽話.... 咪話唔怕死，日痛夜痛又唔死個下最慘，嚇多ｄ病人，佢地可能會聽話好多～哈哈～～

原來忍都會攪到腎差，又學多樣野～～

031504 發表於 2011-5-23 23:11
保險包唔包埋?

同埋樓主知唔跳邊個馬悅凌?

無聽過馬悅凌呀，睇左佢條link，都係大眾保健醫療的東西，唔知有乜特別．有乜野係假架？

jellyfishy 發表於 2011-5-24 10:17
無聽過馬悅凌呀，睇左佢條link，都係大眾保健醫療的東西，唔知有乜特別．有乜野係假架？ ...

食生泥鰍,呢個一定唔得,泥鰍在泥水中生活,體內外都係菌,點可以生食,淨係呢點都可以推論佢d論點一定有問題~

回復 jellyfishy 的帖子

而家實在太多偽科學.....
因為我好多時都會接觸國內人士,有時食飯就會講到一些似是而非的"理論",一問之下就知道原來又是"專家"的書所寫.
基本上呢類專家都有幾個特點,

1. 列出一些西醫/中醫的理論, 但往往係錯誤的理解....
2. 引用一些某某博士,院長等言論,但往往都搵唔到某某博士,院長的資料
3. 有大量所謂"實証"及根據"xx研究指出",但欠缺數據支持, 同時亦搵唔到所謂的研究.
4. 嚴重違反現代科學的理論(最經典莫過於而家市面果o的咩電解水,酸/鹼水,能量水,仲有縮細水份子團,鈉米水果類o野.....仲有咩酸/鹼體質,講就好多人講,但係搵唔到相關研究或資料)

其較為出名的有,
1. 生吃泥鰍能去虛火 -- 有人信並且生食...結果有批入o左醫院
2. 土豆養生法 -- 比各真正的中/西醫狠批

早前好出名的林光常(台灣人)都比人拉o左啦........

我有幾個親友都係食中藥排出嚟.  係成功嘅, 不過話好痛, 及會排出血.
當然要睇粒石有多大.  太大排唔到.

CK,叫你老公出街都要帶樽水,最多留意邊度有快餐店方便方便囉~
你講佢知,有尿對佢有好處(但不要過量),因為尿應為弱酸性,可溶解石的表面
食中藥(一定有金錢草),利尿通淋,你問下佢個中醫,要唔要整定D淡少少既比佢當水飲

仲有一個利尿方,向d生草藥店或者街邊婆仔,一至二星期買一扎車前草煎水當茶飲

owlcyr 發表於 2011-5-24 11:19
回復 jellyfishy 的帖子

而家實在太多偽科學.....

生吃泥鰍?!  嘩～～～　諗起都想嘔～～～　

土豆？　即係薯仔呀？
生吃薯仔唔好架？哎呀，我成日飲薯仔汁，感覺對修補咀損喉痛好work~

切記不要吃楊桃呀﹗

claudiatang 發表於 2011-5-24 14:08
切記不要吃楊桃呀﹗

楊桃? 又唔好架？　有乜唔好呀？

最近某早上喉嚨痕作咳，有朋友俾我飲左ｄ高氫氧水，唔知點解，ｄ水好飲ｄ甜ｄ，一下俾我飲左500cc，仲俾個朋友小丙我大飲，跟住午後我無左喉嚨痕～所以手多多買左支玩下～

回復 jellyfishy 的帖子

薯仔唔係生食,不過佢講到薯仔能醫百病.........
薯仔生食的風險如下:
"馬 鈴 薯 － 馬 鈴 薯 含 有 甙 生 物 鹼 （ glycoalkaloids ） 的 天 然 毒 素 ， 所 含 分 量 一 般 很 低 ， 不 會 對 人 類 造 成 不 良 影 響 。 不 過 ， 出 現 綠 色 、 正 在 發 芽 、 已 損 壞 或 腐 爛 的 馬 鈴 薯 可 能 含 有 大 量 甙 生 物 鹼 ， 而 大 部 分 毒 素 存 在 於 馬 鈴 薯 的 綠 色 部 分 、 薯 皮 或 薯 皮 以 下 部 分 （ 圖 片 ） 。 甙 生 物 鹼 如 含 量 高 會 有 苦 味 ； 而 屮 毒 的 症 狀 可 包 括 引 致 口 腔 有 灼 熱 感 覺 或 嚴 重 胃 痛 、 噁 心 及 嘔 吐 。 煎 炒 煮 炸 也 不 能 破 壞 甙 生 物 鹼 "


其實想要身體健康都係跟我地果個年代"健教科"所講o既均衡飲食,多做運動就可以了....
而家個世界就反其道而行,要去咩深山,上天下海搵一樣"好勁"的超級食物出o黎,可以死回生咁,其實大部份"好特別"的營養,根本日常飲食都會吸收到(好似抗癌/抗氧化就係一個好好o既例子....)
試問如果你成日食煙飲酒,食埋O的垃圾食物,你日日食咩靈芝蟲草,吸收宇宙能量都無用啦......

另,食楊桃會有咩事??

水o既偽科學而家真係越來越多.....
我唔知氫氧水(二氧化氫?哈哈)o既"成份"同"作用"係咩,可溶落水的氧氣其實好少,而且飲落肚唔會被吸收,要高氧,可深呼吸一下,遠比呢類PRODUCT好,而且最重要係免費的~

回復 jellyfishy 的帖子

http://hk.apple.nextmedia.com/te ... amp;art_id=15280400

為方便大家，我post了個news出來．
來自蘋果日報：

楊桃含毒素　腎病患者忌食
2011年05月24日
(7人)瀏覽人次：23,967FacebookTwitter轉寄朋友
【本報訊】食物安全中心提醒市民，部份水果如楊桃含有草酸鹽，腎病患者進食極小量楊桃也可能中毒，外國更有死亡案例。
食安中心說，部份水果及蔬果含有草酸鹽，例如楊桃、大黃、紅菜頭、生菜及莧菜，但人體的吸收率很低。文獻指出，草酸鹽在一般的食物中常見，且是人體正常新陳代謝的產物。如果大量進食含高草酸鹽的食物，除了引發中毒，草酸鹽不能被身體充份地分解，可能在身體積累，引致腎石形成。

無法排毒可致命
腎病患者應避免進食楊桃，因為患者無法將楊桃中的天然毒素：神經毒素及草酸鹽排出，即使進食極小量都可能中毒，初期症狀不太嚴重，例如打嗝、作嘔，但其後影響精神狀態，神志不清。腎病患者若吃小半個楊桃或喝一杯楊桃汁，一般八小時內出現昏迷、四肢無力等中毒症狀，還可引致急性腎衰竭，需要即時洗腎清除毒素。本港每年都有數名腎病病人食楊桃後中毒入院，外國更有死亡案例。若懷疑進食了受草酸鹽污染的食物，應立刻用清水漱口，以清除口中的草酸鹽。