有冇農/花友見到邊度有蠔殼粉買

周圍都搵唔到有,邊位買到或者見過有得買..唔該話被我知.謝謝.

黄三兄有得買, 好以$20-$30一包(2KG)

請問有什麼用途?

athernas 發表於 2011-5-1 01:34
周圍都搵唔到有,邊位買到或者見過有得買..唔該話被我知.謝謝.

如果唔係用得多嘅話, 你去藥材舖買啦, 2-3蚊有交昜, 你話買牡蠣粉呀, 唔係叫做蠔殼粉.

chercher 發表於 2011-5-1 04:22
黄三兄有得買, 好以$20-$30一包(2KG)

我打過好多次電話去問，都話冇貨。

zero1 發表於 2011-5-1 07:46
請問有什麼用途?

種嘢用，中和酸泥。

HI-NAMASTE 發表於 2011-5-1 09:39
如果唔係用得多嘅話, 你去藥材舖買啦, 2-3蚊有交昜, 你話買牡蠣粉呀, 唔係叫做蠔殼粉. ...

大量，唔係種花，係種田用。

咁同石灰粉中和泥土PH值作用有否不同?我之前在花墟買花肥時貪得意買了1包(間舖已執笠)，買時問老板，佢都話唔知點用。

athernas 發表於 2011-5-1 13:18
種嘢用，中和酸泥。

用來中和酸泥可以用 熟石灰 或 石灰石，蠔殼 的主要成分和 石灰石 一樣 都是 碳酸钙。
(熟石灰 暴露在空氣中，吸收 二氧化碳，最後亦成為 碳酸鈣)

回復 孖吉 的帖子

多謝解答

如果作用一樣，不如去五金鋪買石灰啦，要幾多有幾多

zero1 發表於 2011-5-2 22:48
如果作用一樣，不如去五金鋪買石灰啦，要幾多有幾多

就係唔想用石灰.

athernas 發表於 2011-5-2 22:50
就係唔想用石灰.

不如你講吓有啲乜嘢分別，因為成份來講係一樣的。

孖吉 發表於 2011-5-2 22:52
不如你講吓有啲乜嘢分別，因為成份來講係一樣的。

覺得石灰係化學嘢.

athernas 發表於 2011-5-2 23:06
覺得石灰係化學嘢.

咁我諗你可能要了解多一些有機種植的資料，並非所有化學成份都係唔好，有某些化學成份很簡單亦普遍在大自然存在，是可以合理使用的。正如 一氧化二氫 被大量用來淋有機菜，但它是酸雨的主要成分；對泥土流失有促進作用；對溫室效應有推動作用；它是腐蝕的成因；過多的攝取可能導致各種不適：皮膚與其固體形式長時間的接觸會導致嚴重的組織損傷；發生事故時吸入也有可能致命；處在氣體狀態時，它能引起嚴重灼傷；在不可救治的癌症病人腫瘤中已經發現該物質；對此物質上癮的人離開它168小時便會死亡； 儘管有如此的危險，一氧化二氫常常被用於：各式各樣的殘忍的動物研究；美國海軍有秘密的一氧化二氫的傳播網；全世界的河流及湖泊都被一氧化二氫污染；常常配合殺蟲劑使用；洗過以後，農產品仍然被這種物質污染；在一些「垃圾食品」和其它食品中的添加劑；已知的導致... 我們簡稱呢個化學合成物做「水」  (我好似聽到噓聲) 其實我講咁多野，只係想提醒你不要對 化學名稱 過敏。

講返正經，嘉道理農場 出版的 「栽種有機菜」亦有教人使用 熟石灰 以調節泥土的酸鹼度 (p.77)，亦沒有警告字句，使用是理所當然的，足以證明 熟石灰 的使用絕對係合乎有機種植的原則。

在化學成份上，如果你可以接受用蠔殼，石灰 絕對不會比 蠔殼 差。

如果你擔心的是 石灰 可能有機會含有污染物的問題，我可以向你保證，貝殼類水產必定有重金屬污染，重經常超標的情況，似乎你要驚的是 蠔殼 而不是 石灰。

希望對你會有幫助。

石灰咪又係貝殼燒出黎既。

好笑..................

回復 孖吉 的帖子

你都講得有道理,因為五金鋪買喎...當然聯想到化學啦.謝謝.

草民 發表於 2011-5-3 00:19
石灰咪又係貝殼燒出黎既。

吓...真係呀.咁嘅.

見過石灰窯燒石灰，將螺殼、貝殼、蠔殼....撈炭燒二三個日夜，就係生石灰，生石灰加水會發熱，反應完畢就係熟石灰。