大家好， 新人分享

大家好，岩岩發現呢個forum，好開心。原來咁多人種香草。

小弟最近都開始種下香草，用黎煮食用。以下有少少問題想請教請教

rosemary － 一路都唔發芽，請問rosemary 係咪好難發芽架？係咪買一盆番黎插技會容易d 呢？

thyme － 有發芽，可能之前d 泥太濕， 又可能係太好陽光，好多都係長到4 對葉 （1 寸幾2 寸高） 時開始死。

basil － 請見相，暫時都好似幾健康咁， 希望佢地快高長大

parsley － 請見相，原來係最容易發芽，生得最快


小弟想請教下各位，

1） 其實香草係咪唔可以哂太多太陽架？ 因為我屋企露台係好好陽光的  （向東南偏東）。通風上就應該冇乜問題。

2） 我見師兄師姐提到泥火過肥都會有影響，點為之過肥呢？

謝謝各位


http://www.flickr.com/photos/22366660@N07/5630829656/

http://www.flickr.com/photos/22366660@N07/5630245445/

歐芹好吸引

rosemary印象中睇過好似話好難發芽  (唔知有無記錯,,無咩腦容量

回復 Gordonyu01 的帖子

Rosemary種子真係非常之難發芽㗎! 我試過幾次, 咁多次加埋用左幾廿粒種子, 都係試過一次得, 仲要幾日之後瓜左.

我而家唔會㗎啦, 都係喺超市買返嚟浸水等佢出根容易好多. 咁啱今日買左(隔離仲有薄荷同埋oregano):

回復 42ndfloor 的帖子

你真係咩都水種

對我黎講, thyme同rosemary都難種, 可以突然死亡

我都初學種香草, 一齊指教下

我用緊靚土種, 但似乎唔太適合, 因為香草需要疏水, 我尋日去花墟買左兩包珍珠石同沙, 諗住遲d溝左泥再種, 而家得返一盆Italian parsley, 由種子種起, 四個月成績都唔錯

回復 kiwili1983 的帖子

我真係所有嘢都係水種㗎! 唔係好識用泥種㗎ja. 不過有人泥種都係咁樣將支條放入水出根.

回復 42ndfloor 的帖子

想請教下，你話係超市買番黎水種出根， 係咪就係用超市 （citysxper） 買番黎果d 啊？

另外想請教下，全日照同半日照係指幾多個鐘呢？ 因為小弟屋企露台都幾好陽光的。我成日都擔心唔知會唔會哂死d 香草。

唔該哂！

回復 bunbun05 的帖子

你d parsley 好茂盛喎！

係啊， 我之前d thyme 都出哂芽， 有d 都長到4 － 5 對葉架喇！但係唔知點解突然間死左。我而家都溝泥改善排水。希望新落既種子會ok 喇。。。。。

回復 Gordonyu01 的帖子

係呀, 幾蚊一個透明膠盒嗰D呀! 唔知道買返嚟之前點樣處理過, 有時work有時唔work㗎.

多數香草都鍾意曬太陽, 俾佢地慢慢適應先就ok㗎啦. 反而要諗嘅係會唔會過熱. 太熱就最好遮陰或者喺室內種. 我屋企都有個露臺, 不過諗著D香草放喺室內種會穩陣D.

如果用支條出根最好放喺室內光D嘅地方先, 唔好俾太多太陽佢地曬著, 等出哂根之後先漸漸加強光度. (原理係未出根之前唔好俾D葉失去太多水份.)

rosemary+mint 我buy一盤,其他種

以我自己種呢.....曬唔曬太陽係睇下你種邊種香草囉....
有D中意太陽，只要夠水佢唔怕晒...好似香茅、九層塔、紫蘇、薄荷.....人地種係田由得佢日朝曬到黑....
肥呢....剛剛睇到一本書講既...除左睇品種仲要睇你用咩泥種...
如果用科學泥種，因為養份本身有限，所以都要追下肥....而用係田地，因為泥土含養份較多，所以淨落基肥好多香草都生得好好。

當然有D品種肥多會醃死...但我自己種不停採收葉子既香草....係生長旺盛期我會定期追肥...
薄荷、蘿勒、紫蘇依D...一般兩個星期我會採收一次葉片，採收完我就會追肥....無話醃死佢...仲生得幾好添....

其他品種我唔識種..等其他人答...

cklife 發表於 2011-4-20 15:08
以我自己種呢.....曬唔曬太陽係睇下你種邊種香草囉....
有D中意太陽，只要夠水佢唔怕晒...好似香茅、九層塔 ...

你就好啦d野種得咁靚靚...

jeffiau 發表於 2011-4-20 17:44
你就好啦d野種得咁靚靚...

你係無辦法嘛.....種野都好睇環境架....環境唔就真係無乜符....

我呢....無陽光直射..種唔到菜呀....唯有租田囉....一星期先去一次好過無囉....

租田？ 嘩， 咁平時係咪有人代照顧咁架？

咁咪好囉....對多D植物心境都平和D

cklife 發表於 2011-4-20 19:19
你係無辦法嘛.....種野都好睇環境架....環境唔就真係無乜符....

我呢....無陽光直射..種唔到菜呀....唯 ...

我成個環境變曬啦,
我現在無再在原先果度種,
E+種親全部都是戶外
真係打得落雨果隻,
種菜種蘆薈乜都種到,但都係唔靚,都係成日死

Gordonyu01 發表於 2011-4-20 23:32
租田？ 嘩， 咁平時係咪有人代照顧咁架？

我租果度係全包架....有D人懶...淨係去收割...除草施肥淋水下種培苗全部叫人做添呀...

我同朋友夾份...租四塊.....我朋友一或兩個星期先去一次...連收割我都要幫佢做埋....

我依家淨係自己種香草同川七...其他都係田主幫我種住先...我慢慢學....

http://farmlands.blogspot.com/

jeffiau 發表於 2011-4-21 09:48
我成個環境變曬啦,
我現在無再在原先果度種,
E+種親全部都是戶外

你搬左屋...定係朋友度種呀?

cklife 發表於 2011-4-21 14:31
你搬左屋...定係朋友度種呀?

呵呵, 只是轉左新環境
日日住對十個鐘,仲多過屋企

Gordonyu01 發表於 2011-4-18 17:00
大家好，岩岩發現呢個forum，好開心。原來咁多人種香草。

小弟最近都開始種下香草，用黎煮食用。以下有少 ...

你有

a) basil
b) parsley
c) rosemary
d) thyme

我建議你group a+b, c+d

本來香草都好粗生下, 但香港氣候只可以說不太適合c+d

香草差不多全部都喜歡晒, 起碼你abcd都可以1日晒足8個鐘

但香港又濕又熱, 確實種rosemary同thyme是幾困難

a+b可以忍受倒都幾濕同好熱既環境, 而c+d就不能

c+d喜歡既溫度平均係18/22左右, 生得最靚仔

又係果個矛盾既問題, 又要晒, 又要涼

所以c+d我選擇犧牲日照, 去換取較低溫度

但要因原產地而異, 我買的種子雖然說是法國(怕熱), 但移民香港都5年左右, 所以我就算夏天都比佢地6小時日照

當然熱就無禁靚喇, 春天時c+d係最靚仔

而肥方面, 只要不直接加落D根度, 又或者成包落晒一個細盆, 都唔會整得死D野

如果有露臺, 建議你堆肥, 專堆菜, 感就好難肥死

祝你好運