你知道綜援家庭全年的總收入嗎？

講到學生外遊的issue.
現在各中小學都多了好多遊學或學生跟學校出國/到國內交流的機會.
由於要自己俾錢, 有時優才窮學生, 就算學校提名佢, 佢無錢都係去唔到.
試過聽一個教師朋友講, 佢地學校自己老師想津貼俾一個優才窮學生去外國交流, 最多幫手幾千蚊, 其實幫唔到幾多.
我想起自己當年讀中三, 演藝選了我去台灣作音樂交流, 但要幾千元, 我當時無錢但又好想去, 跟住由通知個日起, 我就响學校canteen 幫手, 或吃家拿來的包, 早放學的話, 就行一小時回家慳車錢, 儲左3個幾月都儲唔夠錢, 最後婆婆媽媽睇唔過眼, 出手相助.
那次旅程, 雖然唔係好特別, 但人生難忘.
我諗, 幫窮學生外遊, 先要從外遊目的開始想, 如果是學術文化交流, 我會很支持, 如果純為leisure, 那就比較多餘了.

比得大帝 發表於 2011-4-27 15:06
還就嚟有3000元 x 2 嘅外遊津貼

哩個關愛基金搞出黎的項目，真係叫我汗毛倒豎！

1. 60-70年代，邊個學生有得外遊？
2. 70-80年代，外遊都要靠自己努力，做賺職自費！
3. 80-00年代，很多由父母資助的外遊。全家出外更是普遍。
4. 00-10年代，由政府支助外遊？

究竟「外遊」喺咪食飯，唔食會死哩？

mirry 發表於 2011-4-27 23:49
有能力, 幫下有需要既人真係好應該; 有頭髮, 邊個想做癩痢呀

但, 當聽到有"境外遊學資助", 真係震驚lor... ...

咁又未必, 如果"癩痢"唔駛做, 重好過出去打工, 還有社會重要我哋尊重佢哋, 唔好歧視佢哋, 赤柱都要起公屋, 好多人想做"癩痢"

我記得有個電台評論員話: 乜嘢呀?  有錢人就可以享受海景, 窮人就唔可以住有海景嘅屋呀?

我真係想打電話去鬧佢: 我辛辛苦苦打工幾十年, 想住赤柱都無望, 做個'窮人'就可以享受全香港人夢寐以求嘅赤柱.

回復 孖吉 的帖子

綜援係俾弱勢人仕既生活保障.
可惜香港現時有太多家庭濫用社會福利, 呢個係事實.
就算冇"關愛基金", 以上講既福利社署都確實係有每月按需要綜援發放.

我所了解既, 唔係睇新聞 或者 網上報導, 全部係因為工作上接觸到正在呃綜援既市民.
部份濫用問題例子:
1. 單親新移民人人士(假離婚), 仔女一個接一個咁生, 以增加綜援金.
2. 低收入 或 失業人士, 搵份出現金既工, 主動向僱主提出唔做MPF, 一齊呃政府.
3. 非居住公屋綜援人士, 與業主制定租約時, 報大租金金額.
4. 綜援長者, 將儲蓄,物業交俾仔女, 子女簽名報冇供養父母.
5. 新移民, 將資金留係國內, 瞞騙實際資產.

領取緊綜援既人士, 我絕對唔認同佢地一定係懶,唔肯自食其力, 實際上有部分人士有唔同原因, 經濟或生活困難需要呢份綜援金.
如果唔係俾咁多欠缺自律既人濫用綜援福利, 樓上唔會咁多人不滿.
搞到真正需要綜援金既市民,怕被歧視唔敢申請, 驚俾人誤會.

孖吉, 討論呢個話題, 各位其實係想表達下對濫用社會福利人士既不滿.
計綜援有幾多, 雖然冇乜意義, 因為小市民冇能力改變綜援政策. 但大家出發點都係關心香港政府, 冇惡意醜化真正弱勢既綜援家庭.

回復 八王爺 的帖子

跟據政府嘅講法, [窮學生]冇得外遊, 真係會死咖

會被人標籤
同其他同學溝通唔到
會產生自卑
............繼而
冇心機讀書
易受物質引誘
易誤入歧途
易受黑社操控

不過中產學生冇得外遊, 就唔知會點嘞

有能力, 幫下有需要既人真係好應該; 有頭髮, 邊個想做癩痢呀

但, 當聽到有"境外遊學資助", 真係震驚lor.......

唔怪得啦,原來我讀書果時無外遊,唔係我實發o左~
叫關愛基金補返數,資助我移民啦~

回復 jellyfishy 的帖子

"我諗, 幫窮學生外遊, 先要從外遊目的開始想, 如果是學術文化交流, 我會很支持, 如果純為leisure, 那就比較多餘了."

想回應這句

我覺得就是學術文化交流, 也應好似水母咁靠自己去爭取, 經過一番努力, 才會珍惜, 唔係窮就係社會欠咗佢.  老實講, 就算水母當日去唔到交流, 只要不放棄, 在香港努力, 未必沒有今天的成積.

好多議員都提意, 可以設立獎學金, 幫助有成積的學生, 好過一次過掉幾個億出去, 唔知有邊個得益, 最大得益就係旅遊界卦.

還有, 你俾班[窮學生]去玩, 見到人哋有大把零用錢嘅, 買哩樣, 食果樣,  [窮學生]就睇到眼紅紅, 咁對佢地心理影響不是更壞.

大學都有sponsorship 幫肋學生往外國文化交流, 其實中小學都可以效發.

回應peter, 以前中一至中三我讀書成日包尾, 去完交流, 人生觀起了很大變化, 接觸不同地區的學生, 互相認識文化背景, 體會到好多書以外的東西~

去唔到外國交流, 唔會死, 但對一個 窮學生來說, 平時在香港已經俾同輩少機會周圍去和試新野, 若有機會去到外國, 佢地的反響會很大.

以前試過幫綜援家庭和貧困家庭的小孩補習, 佢地學業一般, 但真係好聽話, 有一個單親媽媽的小孩, 我教極佢英文讀音, 佢點讀都讀得好怪, 佢阿媽好擔心, 小孩子跟住抱實媽咪, 話: 我乖架, 我都有野叻架, 你拿回來的二手電器, 我都識修理, 我大個左可以做電器維修員養你. ...
(當時個心有d酸, 但應該又好甜... 做佢阿媽應該又哭又笑)

可想而知, 孩子接觸的環境, 會影響深遠.

孩子善意單純的希望, 如果幫到手, 我都會幫.

個人覺得"增廣見聞"當然係好重要,而且無分本土同國外之分.........
出去果幾日,我唔覺得會學到o的乜....(因為o的錢係從天而降.....等如公司annual dinner抽到旅遊現金劵....)
但係而家攪到好似無去遊學等如=失去"競爭力"(話時話都唔知點解而家特別需要有"競爭力"呢)
當年我去讀書都係自己o的錢來的(同阿金你都差唔多)....
我諗如果o的錢用o黎改善教育好過而家咁...
(我覺得而家個政府個主要目的係: "o拿,我有做o野幫你地o架,你地第日有咩事唔好話政府無幫啊" 咁lor)

睇咗咁多意見，咁政府開銷咁大，支持政府的仁哥仁姐們，大家好乖乖地交稅，唔好嘈話唔減稅了！

owlcyr 發表於 2011-4-28 12:18
個人覺得"增廣見聞"當然係好重要,而且無分本土同國外之分.........
出去果幾日,我唔覺得會學到o的乜....(因 ...

係咪事必要學遊, 當然不是絶對, 但當一個貧困家庭, 下下沒錢給子女去學課外興趣或課外活動, 肯定會影響小孩子的心理.
以前八十 - 九十年代初, 課外興趣或課外活動不用那麼多金錢, 唔知點解, 現在乜鬼都話要錢, 很多小學中學校要求學樂器為必修項目, 學校的樂器爛到不得了, 學生想練都練唔到, 想自己買支樂器, 最平都要五六千, 唔通真係要拿住支recorder上堂考試? 我當年玩野就試過用recorder 考校內音樂試, 無老師教無私人教, 老師都俾A我架, 點解? 我有其他樂器底, 樂團指揮教過樂理, 咁我先會有 A啫. 以前上學校的樂團, 每個月只要50元團費, 現在每月要500元, 窮學生想學都唔敢學.

你估我唔想行音樂事業嗎? 後來的學弟學妹, 個個小學開始學樂器, 我小學無錢無得學, 中學十幾歲先來追, 唔係追唔到, 到追到和別人差不多質素時, 年紀大, 音樂學院唔會收我, 自知不是天才, 所以今日無行音樂呢條路.

一位當年帶我免費去演藝受訓的恩師, 佢當年都係質賞我無老師帶住都學到樂器, 但佢話, 我學壞手, 呢位恩師, 係天才, 二十歲已經成為全美大學青年音樂家冠軍, 現在係yamaha 亞太區某樂器代言人, 上年見佢, 佢都好坦白, 音樂學院, 一定會看年齡收生, 廿幾歲個d, 想入都幾難.

機會? 係咪有錢就一定多機會? 係, 在香港這個社會, 我肯定的回答.

我覺得呢個係社會問題.

資助貧困學生學術文化交流, 也是教育一部份, 政府的開資會計入教育這一個 item.

要例子, 哈~ 呢個夠經典喇.
識得一個妹妹仔, 佢十四歲想學琴, 但家無錢, 問同學借書, 問學校借琴練, 學校話佢唔係樂團, 唔可以借樂器俾佢. 呢個妹妹仔, 想要錢, 你估後來點?





搵外快囉~  做有錢仔的快餐囉.

誰有問題? 佢有問題, 咁搵錢, 十四歲, 點搵到錢呀? 咁又係誰的問題?

所以我都係話, 社會問題.

真係仲想聽多d 例子, 我都仲有呀.
有單新聞, 上年的事, 有個老師在上學途中俾亡命小巴車死, 他的孩子, 原本是某名校的小學生, 教樂器的朋友都說這個小朋友係音樂天才, 學某樂器2年, 已可去考八級, 朋友都幫佢報名出國演出, 也贏過不少美評, 誰知爸爸一走... 小孩不能再學樂器了, 也面臨轉校危機, 因為某名校乜都要錢, 樂器又必修, 小朋友最近找我朋友, 想二手放了他心愛的樂器.

我想起星仔走天涯. 心裡默默祝福他, 明天會更好.

我又有個學琴例子
有個妹妹仔自細想彈鋼琴, 屋企冇錢, 除咗學校老師免費教佢, 佢冇錢去覆琴, 老師送張1:1紙板鋼琴佢番屋企覆琴
佢好快考到演奏級

你的例子個妹好仔搵快錢, 係佢自己錯.  行差踏錯, 唔好俾解釋自己.

比得大帝 發表於 2011-4-28 14:14
我又有個學琴例子
有個妹妹仔自細想彈鋼琴, 屋企冇錢, 除咗學校老師免費教佢, 佢冇錢去覆琴, 老師送張1:1紙 ...

係架, 點都唔應該賣身. 賣左身, 番唔到轉頭, 心裡好大影響架. 十四小妹妹, 個子高高, 佢可能好單純咁諗, 佢想要d 錢學習, 有錯咩?
我反而諗, 如果佢父母知道佢做呢d 事, 會點諗? 會傷心自己養唔到個細路? 會嬲個細路?
好多問題添~

回復 jellyfishy 的帖子

可能我比較守舊又或者而家個個都一定有要課外活動(仲要用好多錢$$$)時,如果無返1,2個課外活動可能真係差o的o既.
只係覺得遊學團始終都多x餘o既額外o野,呢o的係有錢父母多錢得滯的玩意,唔明點解要大力推廣.
(同外遊一樣,大家如果有跟團去旅行同自由行就知個分別有幾大,自由行果種先叫做體驗,跟團果o的只係走馬看花,參觀景點罷了...)
無錯,梗係有錢就多機會啦,香港更加係,我有好多朋友屋企(高層/高官仔女)好有米,接觸的階層都唔同,機會多到不得了tim~

我細個果時屋企都無錢比我去學呢讓學果讓的,o米玩o的唔駛點用$$ o既課外活動lor~

當然部份興趣係小時培育會比較好,但o係香港,做音樂/藝術/運動都係無咩出路o架啦~

同埋我唔得出面果o的遊學團係學術文化交流lor,一係就做好o的,由政府攪團比o的學生去,而家只係比錢你去參加出面街果o的搵笨實o野....

水母大大啊！ 你都話為了去台灣，自己主動搵兼職。
依家啲學生會唔會咁做呢？
讀書差，又窮，又想去，咁點解唔從自己做成咁嘅情況先想想？
若果要去外遊見識廣先開竅，咁不如政府全部學生都俾錢外遊？
不然，又做成不公平，點解能力唔得嘅有得資助，自己得嘅反而申請唔到？？

我真係心胸好狹窄，容唔落哩啲似是而非的「幫助」！

回復 jellyfishy 的帖子

我知有好多例子入面o既主角係慘,個別例子相信每人都可以講一大堆(無論係幾咁傑出,幾咁悲慘都有).
你話我冷血都係咁話, 無錢學琴去賣身同想買名牌而賣身我覺得本質上都係一樣的....
加上除o左係比人迫良為娼係無得揀外,其餘都係自己揀的....