種子來源地會影響香草的生長?

呢一個其實我都發緊d種子
全部都係皇冠牌
可能我d泥太濕, 總係發得好慢......

我睇下個種子的包裝, 諗到d野

睇過一D台灣人寫的香草種植書
個作者話某D香草響台灣已經成功馴化
本來不習慣高溫多濕的香草, 經多好多代的繁殖, 漸漸會變得能夠適應高溫多濕
我又記起我上年種lavender, 夏天全數陣亡, 都係皇冠牌

但依家我買的種子都係皇冠牌的多, 係法國出產
相對起台灣出產的種子, 會不會比較不耐熱同濕?

唔知大家買種子的時候有冇留意種子的生產地?

皇冠牌 (royalfleur) 係法國
官方網站:http://www.royalfleur.com/
法國氣候:http://www.epochtimes.com/b5/8/6/24/n2166055.htm
好似法國比較涼爽, 同香港的氣候完全相反

YATES牌係澳洲出
官方網站:http://www.yates.com.au/
澳洲氣候:http://www.tlsh.tp.edu.tw/~t127/aus/aus01.htm
澳洲氣候比較複雜

所以yates牌的種子包裝上面都會有寫相對地方的種植時機
例如thyme:


台灣(熱+濕)出的種子好似少見D
我見有高雄出產的

然後比較多係北京(寒+乾)






我冇咩結論, 真係咩都唔識
大家有冇一d想法?

回復 gunbuster363 的帖子

YEAH, YOU GOT THE POINT~
所以不嬲都話本土"留種"係好重要的~~~
可惜本地無人做呢方面o既工作,令到一o的良種消失,,,,,,,

唔可以咁講ge
香港地少

留種係幾麻煩架
因為怕打亂種, 一定要純種 (除非溝出來的新種有更好的優點)
我諗係花農先叻呢d野, 又花功夫, 最好仲要有系統同keep住做

要做得有系統, 一定要地方大啦
但普通人都冇咁大個地方

地方細都做到嘅, 慢啲law. 如果每年都留起最健康, 最忍受得熱/潮濕嗰幾棵植物嘅種子, 下年種番再留起新嘅種子, 重複多幾年D植物會開始漸漸適應香港氣候...一年比一年更好, 慢慢進化變成自己嘅香港品種啦! 之後同其他農友分享種子, 大家一齊種, 唔好俾佢消失...what a dream!

如果我今年D番茄挨到全個夏天, 我一定會試下留起D種子下年再種! 可惜我只係得兩棵唔係用左雜交F1番茄種子種, 留起D F1種出嚟嘅種子又冇意思, 又得個露臺仔, 可能下年先可以認真D試下...本來諗著唔想浪費心機所以寧願種F1耐熱番茄, 不過你地D posts令到我而家開始有另一種想法...

我尋晚睇過所謂的高雄出的種子
睇清楚d, 原來係間公司響高雄
下面有行細字話產地係美國.......撞鬼

回復 gunbuster363 的帖子

當然我唔係指一般人自留果o的啦,因為好似你咁講,要留得純同埋點去留係一門學問,我係指真正o係香港種田維生果一班.
再加上而家好多雜交種係無得留的,就算留o左都會無o左某方面的特性,例如話自留超甜粟果o的人就真係..........
我見過/食過有好多唔錯的本地品種,不過可能隨著老農的消失,無人再繼續落去,良種就此消失.
(其實香港本地都有靚種菜心,不過好似已經話搵唔到種了,仲有o既就係較為出名o既鶴藪白,其實據聞原種已消失,而家個一般買到果o的係廣州的.)
其實我覺得相關部門可以攪o的project好似外國咁去留種lor.

法國牌子唔一定係法國產o既，幾個牌子我都買過，但我發現，r牌有d花種包裝張相，同y牌係一樣o既，f牌同一品種又係一樣，跟住又發現佢地同美國某苗種公司張相，又係一樣bor，咁即係佢地都係攞返黎賣，唔係自己生產架啦。

我見d花友都好喜歡買日本種子，我去日本都會買d返黎，但係睇返佢包裝o既原產地，十居其九都唔係日本，有中國大陸、印度、意大利、美國，連智利都有。我買過一包takii o既桃太郎蕃茄，品種係佢地公司開發，但種子係泰國生產，正真係日本o既，買過廿幾款只見過兩隻：長野縣o既松葉牡丹同北海道o既毛豆，所以d普通品種我都唔係日本買lu，貴到死。

種子發芽發得唔好，其實係咪溫度唔啱呢？ 每種種子有唔同發芽適溫，例如而家廿幾度，隻種子發芽適溫係15-20度，咁你叫佢點發芽呢？ 呢個溫度唔係參考數值，係事實黎，唔啱就唔發，我試唔少wo，落左種子成個月都冇反應，點知氣溫一暖/跌佢地就齊齊發，都係揀返啱o既時候播種啦。

算啦, 我地都係種番D 喜熱的香草算了

gunbuster363 發表於 2011-4-14 09:05
我尋晚睇過所謂的高雄出的種子
睇清楚d, 原來係間公司響高雄
下面有行細字話產地係美國.......撞鬼 ...

sorry, 笑左

我都俾d香草攪到頭暈暈, 大部份都種都唔好, 我主要買mr. fothergill's呢個英國牌子, 睇黎係香港種又係水土不服