培苗盤有蟲食D種子點算好?

家中的培苗盤放左十幾廿粒種子，等左2~3週都係只有兩三棵出來，好奇又下一望，發現有一粒種子申左一細條根就停左無生長，再細心望發現有一條好細的蟲蟲係入面，條蟲好似頭髮絲般的白蟲蟲，現在D泥都間中會見係入面，但佢地太幼太細好難捉...
請問如果有呢個情況，D泥係咪唔要得?
有咩辦法解決呢個問題?可否用微波爐叮下D泥殺蟲?

你用什麼泥呢？通常培苗都會用新泥，好少有事咖

又到左隨口up當祕笈既時間

未做之前先搞清楚重點先 的種子重唔重要 發左芽個的種子瓜左未 ?
如果重要既話 就執番起未發芽既種子 再開新泥再發過 發左芽既移得走就移啦

之後既問題 就係 育苗盤的泥多唔多
不過講得係 育苗盤 的泥加起上來應該唔係好多咋嘛 ?
所以我覺得掉左的泥 再開新泥發過就乾手淨腳 ( 用所謂消過毒既所謂科學泥 )
你信的科學泥唔過既 可以又叮一叮佢 或者先曬下的泥幾日

再之後 就到左如果想再用番的泥可以點搞 既時間
有人講過話可以將的泥放入微波爐叮 我覺得應該係work既
最好係整濕的泥先拎去叮 事關冇水的泥加熱得冇咁平均  ( 我未試過 純粹老點 )
不過講真 唔食得既野 我唔會拎入微波爐叮 ......

至於我自己呢 就試過的更加離譜既玩法
我之前有盆盆栽的泥生滋 有好多我唔鍾意既小蟲 (唔係蚯蚓 亦唔係pot worm)
我將的花移左去第2個盆之後 將個盆泥倒左落個密底既盆度
用滾水泡到過泥面 泡左成個鐘 放左水之後 盆泥我拎左去晒太陽+風乾 3個月冇理到佢
結果變左的質地 好似木槺既泥 的泥當然變得好乾淨啦
不過呢種事 我絕對唔會做第2次 XD ( 個盆黑色既 出緊煙既泥水 我唔係好想再見到佢 )

所以 怕麻煩既就掉左的舊泥佢啦

的確掉左D泥一了百了!!!我用靚土的~
我明白啦~多謝分享
只係我有另外一盤番茄幼苗，同其他苗用同一樣既泥但突然枯左，怕因為比D蟲蟲害，盤幼苗都換左泥，不過情況唔樂觀!