原帖由 Monse 於 2008-5-26 13:00 發表
昨晚周圍逛逛睇到這個貼 發現左一些不可思議的( 那時8歲, 在冰室負責打雜 ),問呀比得係咪真有其事啫,同埋以前物無保護兒童法例既咩。
你真係講嘢, 幾十年前你同人講保護兒童法例, 冇人知你講乜嘢, 有嘢做才有飯食, 就係保護,
又唔怕講埋個故仔你聽吖
有次送一杯奶茶外賣去隔離街的三樓, 果時d舊樓條樓梯由地下到三樓一條打直上, 冇轉彎的, 當時係夏天, 街上好光, 但一入樓梯就真的完全看不見東西, 當時好驚, 但也没法, 只好一步一步按住樓梯行上去, 點知行到二樓, 突然有狗吠, (註1), 於是馬上狂奔落樓, 那杯奶茶當然連杯打爛了, 當時怕得要死, 又不敢回餐廳, 哭著的回家, 想找個杯沖番杯奶茶到頂數, (註2)屋企人問都唔敢講, 只懂大喊, 阿媽只好帶著我回餐廳, 我以為會俾個老闆打一餐, 點知個老闆原來係鬼咁好人, 重記得佢叫旺叔, 沖過一杯叫我再送去, 原來個客人已打電話到餐廳知道發生什麼事, 再去時, 條樓梯著晒灯, 隻衰狗已經可能俾人收埋咗, 入到屋, d人見我咁細個, 猛咁問我有冇嚇親, 果時一杯奶茶4毫子, 佢俾咗一話蚊唔洗找.
果時生活係好困苦, 但好有人情味.
(註1), 我係好怕好怕狗的, 一見到狗就成個人震晒, 人地話見到狗唔好理就得嫁嘞, 但有時d衰狗好似知我怕佢, 唔去第二個度, 就係鐘意走埋我度, 試過幾次俾狗追到發狂大叫
(註2), 依家想番轉頭好搞嘢, 當時個心以為用家中的普耳茶, 加細妹飲的奶粉同加d沙糖去頂當, 你話如果真係整咗杯咁嘅嘢去俾人, 唔知會點? |