撫今追昔

每次去油麻地中華書局
也忍不住要去這間餐室吃些東西

不知香港其他地方還存下多少這些舊餐廳呢？

我細個o個時去親冰室, 都要食紅豆冰, 仲記得冰室嘅紅豆冰個杯好厚

原帖由 ハマナス 於 2008-3-2 00:38 發表
我細個o個時去親冰室, 都要食紅豆冰, 仲記得冰室嘅紅豆冰個杯好厚

以前大圍火車站外有位先生賣馬豆糕
o個d馬豆糕係我食過最好味既馬豆糕

果間嘢 咪係 廟街間 天后廟 旁边？

真係奇怪佢 一直都唔 执笠！

八王爺咪咁啦, 執埋就無得懷免架啦, 有時去d冰室坐下食下冰, 會諗番起細個d野, 都好開心架

細個去冰室的至愛: 什果冰+西多士
至憎: 好多人食煙...........好大煙味

原帖由 八王爺 於 2008-3-2 09:48 發表
果間嘢 咪係 廟街間 天后廟 旁边？

真係奇怪佢 一直都唔 执笠！

王爺，
呢間餐室的確o係廟街天后廟隔離

土瓜灣都有一間類似風味的白x冰室

G

你仲差一籠雀
咁就fit 晒個環境喇

哩間係茶餐廳唔係茶樓,加籠雀會唔啱feel喎!
我覺得佢外觀地下普通D,二樓特色D.

看到這茶餐廳，就令我想起雲來酒樓啦。

原帖由 alextang 於 2008-3-2 22:48 發表
看到這茶餐廳，就令我想起雲來酒樓啦。

雲來酒樓好像關門了................

我都成日帶外地的朋友來呢到感受下昔日香港情懷。

呢間冰室老闆同業主係好朋友，幾十年來都無立過租約，交租收租都係憑『信用』兩個字。

現代人都唔識呢兩個字，呢樣巳經最值得懷勉啦！

原帖由 candyafr 於 2008-3-2 23:16 發表


雲來酒樓好像關門了................

去得如囉......

好似冇乜人既...多唔多人去食呀

你知唔知點解以前嘅茶餐廳叫做冰室吖?  咪因為有冰凍飲品供應囉.

印象中冰室和茶餐廳是不同的, 以前的冰室只有飲品和面包多士, 後期的才見有通粉, 飯 等供應, 那時才開始有茶餐廳這個名.

點解我咁清楚?
1. 我年紀大   
2. 我細果時向冰室打工, 那時候被呼作 咖啡仔.

那時8歲, 在冰室負責打雜, 每天到 "冰工廠" 拿一塊約十斤重的冰回冰室, 没有工具, 手套, 又不可以在地上推, 就放在 shoulder 托回來, 左邊凍到頂唔順, 就換右邊, 手指冰到硬晒都要頂, 唔可以跌碎舊冰, 又唔可以去得太久, 唔係舊會溶細塊咗.  回來就要馬上"抱"碎佢, 唔係佢溶咗又會俾老闆鬧, 很多時"抱"到出晒血都唔知.

一杯紅豆冰真係有血有汗嫁.

Peter...你講緊 18歲 呀

應該係7歲半, 果時開工可以唔洗著褲都得, 因為件衫長到拖地(差d)

開呢個POST又令我學多左野

原帖由 lammadick 於 2008-3-3 15:33 發表
好似冇乜人既...多唔多人去食呀

多架