種左八個星期的韓國士多啤梨

由種子開始……

八個星期後﹐才出了一片真葉﹐很漫長的等待呀！

終於見到你棵苗仔啦

加油呀

冇油喇……真係好令人心灰意冷既水果……

我相信個滿足感非筆墨可以形容

回復 mirry 的帖子

我怕下一片真葉要等多一個月先出到。
不過﹐我會好努力咁等佢出第二片！

小弟也種左2個星期的韓國士多啤梨. 現在剛剛出芽仔, 真的非常漫長.

師兄可否分享一些八個星期的韓國士多啤梨苗給小弟呢?

請問士多啤梨是怎樣種的? 我兩星期前從一個士多啤梨上挑出幾粒核放在棉花上及窗台陽光下等發芽, 但到現在仍未有任何變化, 請各位指教一下, 謝謝~~~

rayanvis 發表於 2011-3-1 09:49
小弟也種左2個星期的韓國士多啤梨. 現在剛剛出芽仔, 真的非常漫長.

師兄可否分享一些八個星期的韓國士多啤 ...

其實佢地得1.5cm咁上下高﹐要大到可以分享都要d時間……咁細苗拎出黎會死。

嘩, 咁真係要好有耐性先得啦, 其實如果將種子直接落泥咁咩要淋好多水keep住先得囉, 我之前種的蕃茄仔, 辣椒仔都係放在棉花約10日就發到芽, 咁其實這是否正確的發芽方法呢?

加油呀!!!!
不過8個星期真係慢左d.....
我種果個新西蘭士多啤梨，都係係果實到拿種子,,,
發芽差不多有100%,,,種左3個月,, 2 , 3 個星期就發 la,,
我地一齊努力 ^_^

ponpon80 發表於 2011-3-1 11:28
嘩, 咁真係要好有耐性先得啦, 其實如果將種子直接落泥咁咩要淋好多水keep住先得囉, 我之前種的蕃茄仔, 辣椒 ...

但係我覺得放泥可能好一d。種子太細﹐好難睇到佢發左芽未﹐一陣出左根又拉住d棉花﹐想搬落盆就一下錯手……會好傷心。
戒急用忍。

回復 crow 的帖子

因為夏天太熱佢地會死一次……我都擔心佢地捱唔捱到去夏天。

回復 精靈星 的帖子

出左真葉未？

其實我都想種的
但問過人~佢叫我9月先合時下種子

ponpon80 發表於 2011-3-1 10:31
請問士多啤梨是怎樣種的? 我兩星期前從一個士多啤梨上挑出幾粒核放在棉花上及窗台陽光下等發芽, 但到現在仍 ...

我覺得種士多啤梨最需要係……耐性同堅持。
我d種子都係係士多啤梨到挑出黎﹐不過發芽率唔算高﹐我諗落左total六十幾粒﹐到今日為止﹐得16粒發左芽﹐但間唔中都仲有一粒半粒會發芽。由第一粒出芽﹐到最近一粒出芽﹐相距一個月。我有時諗﹐唔知係唔係d士多啤梨雪過﹐所以影響個發芽率。而晒唔晒太陽我諗唔算太重要﹐早排日日冇太陽﹐佢地都會發芽。而我睇其他人寫﹐種到第三四塊葉個時就好易死……
我最初係種子直接落泥﹐日日keep住淋水﹐一個星期都唔見發芽。落左三十粒種子﹐一粒都唔發。我睇人地講﹐要等兩星期後就會發﹐但都係怕因為落泥唔夠濕﹐所以搵第二d種子改浸水﹐又浸左成個兩個星期﹐都係一粒都唔發。嬲嬲地﹐拎返出黎放埋入泥﹐繼續日日keep住d泥要濕濕地﹐隔多一個星期然後有驚喜。我post個張相﹐正正係第一粒發芽的種子。由落種到出第一塊真葉﹐等左八個星期。
加油吧！

回復 rayanvis 的帖子

我張相最右手邊個塊﹐個樣同其他三片唔同的。其實個一片先係士多啤梨葉﹐個三片唔係。

什麼是真葉呢?

不過我連埋舊棉花一齊落盆, 所以就唔使驚會整親d根, 但係我下次都會試下直接落泥發芽, 睇下個效果會唔會好d先, thanks!!

精靈星 發表於 2011-3-2 09:41
乜唔係有曬3 片小葉係同一片葉先叫真葉咩？
如果唔使3片小葉，
我的全都出真葉了 ^_^ ...

個三小葉唔係真葉。我睇你個d想﹐全部都出左真葉啦！恭喜恭喜。
我個d都要加下油！！no……小心加水先真。