好開心, 帝冠未死

去年唔記得你邊度買左舊帝冠, 返屋後先知係無根嘅, 一路留意, 都唔覺有根, 同期係山xx度買的魚鱗兜, 綴化的xx, 一個十菱兜, 一一都已死去, 死前都係殭屍, 由於所有野在年多都無動靚, 我有個好有經驗的朋友說都已變成殭屍, 我等多幾個月, 終於忍唔仕撕開個魚鱗兜睇下係點樣, 因為外看好像是個木頭, 但撕開後發覺一粒粒的有些肉質和底部有青綠色, 再種都種唔番, 睇住人佢死, 之後, 舊帝冠又係死實實一舊, 掉落水浸, 淋愛豐收等一一都無用, 都唔知人佢死左未, 日晒雨淋, 都無特別照顧

上星期要去旅行, 臨走前望一望, 竟見到幾棵仙人掌都出花, 再望, 竟然帝冠出花, 白色的花, 真係好開心, 但可惜趕飛機, 返來後, 花已不見了, 但知它未死, 已經很開了

與大家分享, 種這些生得慢的東西, 耐性是不可缺少的

師兄你就好, 我去完旅行死左四粒...佢地溶到面目模糊...其中一粒係心愛既四馬露, 種左兩年....唯有重九時拜拜佢, 等佢安息啦...

講開又講, 購自山啦啦的自生根都死得七七八八, 嫁娶再落地真係要好小心照顧...

一日未溶一日都仲有機會,
仙人掌就算冇根擺係到都可以頂好耐
生命力真係好强

我都有一盆從嫁接轉直接落盆的帝冠。
三年前購入的時候已遭砍了。陰乾了差不多兩個星期才落盆。先殺菌是少不了。
平時很少淋水。只靠淋其他植物時滋潤一下。到現在仍健在。還開了兩年花了！
只是有些鱗片變黑，要留意。

希望對你有幫助。

買野多口問下係學到唔少野, 山啦啦老闆有教我淋水, 佢話一日未出根, 淋水等如水浸, 故要乾透先種, 無根要3星期霧狀嘖一圈, 兩個月後才淋少少水, 要忍得同相信仙肉的生命力, 我近日少死了許多, 而且亦敢照頭淋, 慢慢感受人仙合一的感覺

yes!haha^^

都好難講, 近日先發覺有兩粒丸溶剩兩枝腊燭腳, 好在發覺得早, 未溶上本體