紅蜘蛛+粉蚧

種左成年盆栽, 可能係之前冇留意, 而家先發現中招...
雖然名貴品種就冇喇, 但係都覺得好麻煩
首先係棵av好多白色毛毛, search下先知係粉蚧, 仲要之前一路都唔知, 搞到d貓同岩桐都好似有d好細既白色點, 極度懷疑都中埋招
再望下望下, 石竹度又有紅色紅色點點, 睇怕係紅蜘蛛啦
(唔怪得d葉尖無lala開始枯上去咁...)

有紅蜘蛛果d盆栽我諗住點蚊香焗下佢
想問粉蚧除左將有問題既部份掉左佢, 用葉再種, 係咪冇咩其他方法?

我屋企最近d蕃薯葉, 薄荷, 木瓜苗.....葉底都出現好多紅色點點. 識郁架. 我諗都係你地所講o既紅蜘蛛. 好麻煩呀. 佢地繁殖得好快. 最初見d葉出現好多白點, 仲以為唔夠肥.....

粉介我的桂花成日都有. 我會用白醋抹. 如果有枯葉就剪左去. 仲有好多其他辦法, 你可以去search一下.

紅蜘蛛最好o既方法就係噴奶. 不過會好多蟻.

我見過人將D盆栽放入個有蓋既大膠箱入面,
再點兩隻煙入去合埋個蓋焗佢5-10分鐘,
D蟲好快就因為缺氧同中一氧化碳毒死

呢招真係幾毒喎~

我今日試用毒氣大開殺界呀. 用膠袋love住盆茄子, 再係入面放蚊香, 睇o下o的紅蜘蛛死唔死得清.

回復 6# fishinglok


辦法駛唔駛得?D紅蜘蛛有冇死晒?

我用bio kill,連續用兩日, OK喎~

我見過人將D盆栽放入個有蓋既大膠箱入面,
再點兩隻煙入去合埋個蓋焗佢5-10分鐘,
D蟲好快就因為缺氧同中一氧 ...
winzy 發表於 2010-8-4 10:36

係咪真咖，人類中一氧化碳毒係因為血紅蛋白和一氧化碳結合，但係昆蟲冇血紅蛋白喎，係咪都會中一氧化碳毒咖？ add3icon

(不過尼古丁好毒就係真珠都冇咁真)

係咪真咖，人類中一氧化碳毒係因為血紅蛋白和一氧化碳結合，但係昆蟲冇血紅蛋白喎，係咪都會中一氧化碳 ...
marcuslee 發表於 2010-8-5 11:28

我都係睇番黎,佢試過話好有效,但係個理論岩唔岩就唔知

我都係睇番黎,佢試過話好有效,但係個理論岩唔岩就唔知
winzy 發表於 2010-8-5 12:07

我摷過，1985年有科學家做過實驗，曱甴在 80% 一氧化碳 環境下生活 18 天，依然一切正常。
所以如果昆蟲被煙燻死，應該不會因為一氧化碳中毒

我摷過，1985年有科學家做過實驗，曱甴在 80% 一氧化碳 環境下生活 18 天，依然一切正常。
所以如果昆蟲 ...
marcuslee 發表於 2010-8-5 12:19

又識多樣野~昆蟲因為冇血紅蛋明所以冇事,咁如果係D吸血既蟲例如蚊呢?

唉...紅蜘蛛呢家嘢, 真係好難攪....
後有高人教路, 去買"生切煙絲", 只用約五毫子大的份量, 用200cc水浸一晚, 第二日以一比十再開水來噴, 記得底面都噴濕, 隔兩至三天又噴, 噴兩三次後應可控制紅蜘蛛, 我試過啦, 九十五巴仙死晒.
切記小心用在幼苗上, 因藥力頗猛, 幼苗容易死掉

我見過人將D盆栽放入個有蓋既大膠箱入面,
再點兩隻煙入去合埋個蓋焗佢5-10分鐘,
D蟲好快就因為缺氧同中一氧 ...
winzy 發表於 2010-8-4 10:36

    我都試過咁樣剎蟻,但連盆植物都死埋

經我今日再睇盆茄子~.........~, 仲多O左O的紅蜘蛛係度, 真係難搞呀.

又識多樣野~昆蟲因為冇血紅蛋明所以冇事,咁如果係D吸血既蟲例如蚊呢?
winzy 發表於 2010-8-5 15:50

啲血係我地之嘛，對佢地來講只係食物，佢地唔會搵我地啲血响佢地自己身體循環，所以唔會令佢地自己缺氧

主要係因為缺氧而死~~~
(動物中一氧化碳毒都係因為無氧氣而死)

我上網睇到, 治粉蚧既....

用白酒兑水，比例为1∶2，治虫时浇透盆土的表层。介壳虫在春季室温7℃时，便起头勾当。可在4月中浇1次，此后每隔10-15天浇1次，持续4次生效。

有冇人試過有冇效呀?

我摷過，1985年有科學家做過實驗，曱甴在 80% 一氧化碳 環境下生活 18 天，依然一切正常。
所以如果昆蟲 ...
marcuslee 發表於 2010-8-5 12:19

曱甴無得好講
由恐龍或更早年代已經存在到依家....殺之不絕....人類絕種佢都未死...