窗台白蘿蔔之虫禍

各位農友:

我的兩盆白蘿蔔本來很健康的, 但今天一看就大件事. 各位點睇? 有無計?

去買支苦煉油開水成盤野噴下佢。應該好快無事。不過噴完成日唔好淋水喎!
蟲多既一星期噴一次。不過通常有蟲先好噴。平時防蟲既話應該用魚藤水一至兩星期噴一次。

[ 本帖最後由 ALANMAN1007 於 2008-1-2 13:01 編輯 ]

同我家花花的情況好似
又係幾代同堂既蚜虫

亦可用稀釋左既肥皂水向蚜蟲射,待3-4分鐘後再用噴壼向它射出清水,如果蚜蟲死掉,牠就會脫落,如還有些漏網之漁,就再射肥皂水啦,但緊記不要讓肥皂水停留在葉面太耐.會傷害到葉子的。

睇見都毛管"棟"

Nuncle Alan 君:

多謝賜教, 請問苦煉油同魚藤水有無毒? 我D白蘿蔔打算自己食. 同埋苦煉油係邊度買到?

苦煉油係中藥提煉出黎既。對人有善無害，但可以殺菌殺蟲。
直接噴在害蟲或蟲蛋身上，24小時內就會急速死亡。但係無噴在蟲身上就會失效。

魚藤水係樹汁黎，汁液有一種毒素可以殺死大部份害蟲。毒汁可以噴在葉同泥面上，當蟲食左就會死。殘留葉面時間大約一至兩星期。
要注意唔好係猛陽光時噴魚藤水，最好在入夜時間噴，同埋淋花時小心沖走葉上面既毒汁，咁就會無效架喇。

兩樣野賣農業用店舖都有得賣。

當然食用前，最好將D植物浸水10分鐘先煮黎食啦。

[ 本帖最後由 ALANMAN1007 於 2008-1-3 16:53 編輯 ]

多謝閣下賜教, 小弟感激流涕!

睇個樣好核突><"
[我指d蟲]