本帖最後由 imlook 於 2010-5-1 16:48 編輯
好多謝咁多位熱心解答,還要特別多謝marcuslee詳細講解
尋晚半夜睇到post之後,漏夜動左刀
上面係以#1狀態浸葉幾小時後既樣,好似越爛越犀利咁.本來葉片近葉莖部分有d透明,我經驗尚淺,仲以為塊葉本來係咁既花紋,後來留意到要切左透明變壞既,狠心切左好多
等風乾既時候,去左幫1oz杯開底窿,原來開太小會漏唔到水.一路開,直到裝水會漏出黎為止. 泥,因為屋企無金泥,用左珍珠岩:泥炭土=2:1
這是事隔約10小時的樣子. 好難做到唔埋入呢但又要接觸到泥面,我放塊葉上面之後,用牙簽撩左d泥貼住傷口,唔知咁得唔得呢? 1oz杯放進大一點的膠兜,蓋上保鮮紙,然後放在有冷氣室內既向南面窗台.
Fleur:
唔好掉啦,唔捨得. 分享得來既葉片,包含左花友既心意,比去花墟買既可貴. 況且塊葉千里條條黎到我屋企,比個機會佢,又比個機會我自己嘛~
HI-NAMASTE:
hi-fresh,早兩天去過旺角x寶問,店員說斷了貨.
再有新情況我又再update,再次謝謝大家收看及解答. |