父母虐兒兵器譜

1.雞毛掃 此兵器柔中帶剛，狠勁異常，手握處又有天然雞毛製作的防滑系統，既能吸收打仔過於激烈而滲透出黎的手汗，又能起到保護手部的作用，且能夠消除擊中衰仔後嘅回震~防止手磨出泡或者過滑。不得不提嘅系佢價格便宜，便於收藏，實在系居家旅行，打仔出氣必備武器。 雞毛掃實可稱為打仔兵器之首！

2、拖鞋（或同門武器：鞋） 攻擊範圍窄，威力大，反應速度快，聲音效果震撼，系追唔上嘅情況下仲可以做暗器，而且可以二連發。 百年曆久不衰兵器

3、皮帶 隨身攜帶，一抽即有，而且鞭鞭有力，多年來叫眾多英雄豪傑聞聲喪膽。 簡直就係必備暗器

4、衫架 此武器重3兩、長40公分，雖然輕，但打得系最痛，而且速度快。非專業被虐待人士實在難以躲避，系師奶打仔必備架撐！各大超市均有發售。 記得留翻幾個黎晾衫

5、飛搖控器隨手羅到，而且飛個陣，電池會跟住飛出，命中率高，殺傷力高。由於成本過高不推薦使用，買定一打後備遙控做兵器比較好，原裝無保修

6、開片竹支（70－80公分長，開片長20公分） 攻擊範圍廣，威力大，靈活，而且一舉兩得，系打嘅同時仲有將肉夾起嘅作用，效果只會出現一遍紅腫，唔會有藤條印。 80後開始絕跡

7、柴 速度中等，威力大，表面唔光滑，可以當狼牙棒用，不過依家呢種武器已經絕跡。 70後專用

8、如果實屬情急之時，又無兵器在手，這時我建議各位家長修煉“ 兜巴星” 此招陰險，出招快且狠，通常會以配合口中七十二式鬧仔法增加氣勢和威力。個衰仔準備駁嘴嘅時候，以出奇不易的角度，氣運丹田，同衰仔塊面夾角成45度左右出招掌摑其面部（夾角為180度時，此招POWER MIX），同時使出左右互刮，增加HIT數，並且口中大叫：“駁嘴吖哪，駁吖哪。”增加此招的氣勢及華麗程度！

一度睇一度笑~~
最後建議家長們還是採用"音波功"好了~以保護雙手

咁你中過邊幾招呀？

咁你中過邊幾招呀？
marcuslee 發表於 2010-4-8 00:55

基本上我由細打到大既~
1,2,4,8都試過, 幾十條"於"哂返學都係咁~唔洗驚喎~宜家d 家長錫都黎唔切, 點會打

基本上我由細打到大既~
1,2,4,8都試過, 幾十條"於"哂返學都係咁~唔洗驚喎~宜家d 家長錫都黎唔切, 點會打 ...
irishuen 發表於 2010-4-8 01:20

    我仲中埋雨傘同摺櫈

差咗好多件喎！

8. 地拖
9. 掃把
10. 雨遮
11. 報紙/雜誌 (捲起黎用)
12. 摺櫈/任何櫈
13. 筷子
14. 電話
15. 書
16. 膠樽

差咗好多件喎！

8. 地拖
9. 掃把
10. 雨遮
11. 報紙/雜誌 (捲起黎用)
12. 摺櫈/任何櫈
13. 筷子
14. 電話
...
八王爺 發表於 2010-4-8 16:39

你都好熟行情下喎....

我仲中埋雨傘同摺櫈
doko 發表於 2010-4-8 16:35

摺櫈!?
恐怖左d 喎

還有我地鶴佬人的 雷漿木棍

掠3 乂叉o個支棍有冇試過???

掠3 乂叉o個支棍有冇試過???
cinzia 發表於 2010-4-8 16:58

用都係用個棍尾打啫, 唔會用叉頭插卦

哈哈~
當然係用棍尾打啦~隨
仲有用拖把拍呀~

當年我家打仔工具（籐條）乃係不二之選，回想當時實在是迫不得意，現在反過來卻被秋後算賬了。

我老爹最拿手是雙鬼拍門。一雙手向著兩邊太陽穴一拍.........滿天星斗.....

記憶中好似冇被打過, 我D仔女我都唔打, 係訓冇電視睇冇機打,慘過打巨地..add5iconadd5icon

打仔用 d 咁既兵器真係虐兒呀~

我仲中埋雨傘同摺櫈
doko 發表於 2010-4-8 16:35

係真唔係???????  你係女喎!!

我細個時,呀媽用"不求人"多