本帖最後由 八王爺 於 2013-2-19 05:48 編輯

材料:
白蘿蔔2.5斤,粘米粉300克,粟粉35克,臘腸一條,臘肉1/3條,蝦米適量,江瑤柱一粒,蒜苗三棵。


IMG_3656.JPG
因為今日上午做蘿蔔糕,下午做馬蹄糕,所以材料齊備。

IMG_3657.JPG
蘿蔔糕料切好備用。

IMG_3658.JPG
最重要關頭才發現家中沒有刨蘿蔔的刨!
於是用刀切,時間比刨仲快,但要切的夠薄和平均。
IMG_3660.JPG

炒好臘味,放在一邊,爆香蒜苗,炒蘿蔔,出好多水,所以之後不用加水。
加糕粉,邊加邊搞拌平均。

高速煲內加水,水滾放入糕,閂蓋,等蓋 唧唧聲響,轉細火蒸25分鐘。
完成。
IMG_3662.JPG

IMG_3666.JPG
切開分食。剛蒸出來是軟的。放涼之後才企身,可以切件煎食。
IMG_3665.JPG
IMG_3663.JPG
2

查看全部評分

發表於 2010-2-12 13:50:03 | 顯示全部樓層
2#
整阹好靚呀 , 今年我都沒有整蘿蔔糕, 因為家人朋友送的蘿蔔糕劵都3底, 食唔哂呀 , 所以唔整啦....

反而整了好多底馬蹄糕, 一共整了18底 , 大部份是送比人呀 !
 樓主| 發表於 2010-2-12 14:23:30 | 顯示全部樓層
3#
出面鋪頭果啲點夠住家真材實料,又啱自己口味!
依家蒸緊馬蹄糕,15分鐘出煲!
發表於 2010-2-12 14:32:07 | 顯示全部樓層
4#
出面鋪頭果啲點夠住家真材實料,又啱自己口味!
依家蒸緊馬蹄糕,15分鐘出煲! ...
八王爺 發表於 2010-2-12 14:23



當然明白自己整的真材實料, 但諗諗下, 唔通掉咗佢咩 , 話哂人哋送比我哋都要錢買, 遲d啦, 遲d再整, 因我好鐘意食"蒸" 蘿蔔糕架...
今年整的馬蹄糕好暢銷, 真係好好味, 好有彈性呀 !
發表於 2010-2-12 14:36:46 | 顯示全部樓層
5#
整咁少? 一餐就食晒lu~~ add12icon
 樓主| 發表於 2010-2-12 15:29:11 | 顯示全部樓層
6#
本帖最後由 八王爺 於 2010-2-12 13:32 編輯

水母,我兩個女好細食,我自己唔係咪好哩味!

馬蹄糕啱我多啲。

去片:

馬蹄粉250克,水1升,糖350克 (片糖加冰糖)。
馬蹄5粒。

IMG_3667.JPG
糖加水750克煲滾,用咗兩種糖,唔會凈用冰糖咁白雪雪,又唔會淨用片糖咁黑。

IMG_3670.JPG
水滾加 馬蹄,粉用250ml水拌成粉漿。
落1/3粉漿入水中,煮五分鐘成熟漿,熄火,把餘下的粉漿加入,快速拌成生熟料。
糕盆抺油,倒入生熟料,高速煲蒸15分鐘,完成。
IMG_3671.JPG
IMG_3669.JPG
 樓主| 發表於 2010-2-12 20:35:32 | 顯示全部樓層
7#
完成圖:
IMG_3674_70.JPG

剛蒸好的馬蹄糕仍然軟身,不可立即翻扣出來。
放涼之後,扣出來,可切件食,半透明,十分煙靭。
或者 沾點玉米粉 煎軟,全透明,香口。
1

查看全部評分

發表於 2010-2-12 22:17:13 | 顯示全部樓層
8#
我鍾意食蘿蔔糕多d.
由選, 洗和切馬蹄, 都覺得難.
發表於 2010-2-13 00:08:45 | 顯示全部樓層
9#
我都鐘意食蘿蔔糕架, 但芋頭糕更愛吃, 可惜今年唔整啦, 都食唔哂 , 唔想浪費囉...
發表於 2010-2-13 09:33:43 | 顯示全部樓層
10#
本帖最後由 acmc 於 2010-2-13 09:35 編輯

回復 1# 八王爺
嘩....八王爺, 依你個網名睇, 你應該係男仕? 由細到大都覺得整蘿蔔糕係高難度動作, 細個時見d aunt整親都好大笨象, 而且仲唔係次次都滿意, 咁你都整到出來, 你d廚藝都唔小嘢! 我好希望食到d煎到金黃色蘿蔔糕, 咬開要好多一絲絲蘿蔔的, 都想咗好多年, 出面都食唔到, 試過好多間酒樓買的都係麻麻哋, 自己又無本事整, 所以都係等係邊度會食到咋!
 樓主| 發表於 2010-2-15 21:23:13 | 顯示全部樓層
11#
哈... 屋企做嘅 蘿蔔糕,一定食到一絲絲蘿蔔!
咁你咪學吓自己整咯。做細盤啲試下先,熟手咗再做大盤!
發表於 2010-2-15 21:53:54 | 顯示全部樓層
12#
八王爺,

我都整左
17162_1360739385445_1440362531_987005_8172272_n.jpg
17162_1360740065462_1440362531_987007_2534493_n.jpg
發表於 2010-2-16 00:31:07 | 顯示全部樓層
13#
哈... 屋企做嘅 蘿蔔糕,一定食到一絲絲蘿蔔!
咁你咪學吓自己整咯。做細盤啲試下先,熟手咗再做大盤! ...
八王爺 發表於 2010-2-15 21:23



王爺講得好正確 , 整細盆d咪得囉 , 整蘿蔔同整一個蛋糕都係要咁多嘢 , 但蘿蔔糕的材料最緊要是蘿蔔 + 沾米粉, 其他臘味冬菇真係好隨意囉 , 但蛋糕材料反而仲煩複呀 ....

我有時朋友gathering 我都會整蘿蔔糕 , 但唔會整好多囉, 都只是整3-4斤蘿蔔咋 , 如果自己好想食, 我會買2斤以下整囉, 沾米粉份量減少d囉 ....
發表於 2010-2-17 09:19:51 | 顯示全部樓層
14#
你哋有無聽過d老人家講, 整蘿蔔糕整得好嗰年就好, 整得唔好嗰年就唔好, 細個時聽到佢哋咁話, 所以佢哋整親都非常大陣仗, 個個都好緊張!
今年係酒樓買卷, 都買咗九底, 其實唔想買, 真係唔好食ga, 好粉, 不過好難拒絕,  我未買過白蘿蔔, 我估應該好貴, 所以間間酒樓都唔捨得落白蘿蔔.
自己整!.....隨咗臘腸知道去榮華買會靚, 其它材料都唔知去邊度買會好d靚d, 唔識睇點為之靚!
發表於 2010-2-17 13:44:10 | 顯示全部樓層
15#
你哋有無聽過d老人家講, 整蘿蔔糕整得好嗰年就好, 整得唔好嗰年就唔好, 細個時聽到佢哋咁話, 所以佢哋整親 ...
acmc 發表於 2010-2-17 09:19



我沒有聽過老人家咁講喎 , 仲有一整蘿蔔糕每人口感都不同, 我唔鐘意食咁實的, 如果只有我自己及屋企食, 我鐘意多蘿蔔少粉, 但出來會好 "爛" 架, 但我唔煎架, 多數蒸囉, 其實真係唔太難整, 只是用幾多斤蘿蔔去配幾多沾米粉, 有D人是5比1 , 有D人是7比1 ....

過年前整好多時都是蘿蔔當造及最平最靚, 而且好多人都整糕過年, 今年過年前一星期 , 四周圍都賣緊$1磅蘿蔔呀 !
發表於 2010-2-17 15:55:27 | 顯示全部樓層
16#
我沒有聽過老人家咁講喎 , 仲有一整蘿蔔糕每人口感都不同, 我唔鐘意食咁實的, 如果只有我自己及屋企食,  ...
fianfumy 發表於 2010-2-17 13:44

咁白蘿蔔即係唔貴啦, 咁可能刨蘿蔔功夫多, 所以d酒樓落咁少!
你同我一樣, 鐘意多蘿蔔, 早知你就整多底我嘆啦, 我諗都要等出年啦!
請教吓d料係唔係去街市d雜貨舖買就得? 我唔識睇點為之靚, 怕d雜貨舖買d唔靚嘢給我.
 樓主| 發表於 2010-2-17 16:42:39 | 顯示全部樓層
17#
蘿蔔糕唔係淨係過年先整。
自己想食,幾時整都得,acmc 去食粥,飲茶平日都有蘿蔔糕賣喇!

粘米粉無話靚唔靚,間間雜貨舖都一樣。
揀蘿蔔就睇自己喇!一般只係2-3元一斤,唔貴。
最貴反而係 臘味 或者 江瑤柱(如果要落嘅話)。
臘味多少隨人意,有人唔食臘味,用紅蘿蔔,冬菇絲一樣得!
試吓喇,依家過咗年,咪唔使擔心老人家講果啲迷信嘢!
有時間,真係日日整,邊日整都得!
發表於 2010-2-17 18:14:51 | 顯示全部樓層
18#
咁白蘿蔔即係唔貴啦, 咁可能刨蘿蔔功夫多, 所以d酒樓落咁少!
你同我一樣, 鐘意多蘿蔔, 早知你就整多底我嘆 ...
acmc 發表於 2010-2-17 15:55


我今年沒有整呀 , 我只整馬蹄糕咋....

反而好想整是芋頭糕囉....

王爺講得對呀 , 蘿蔔一D 都唔貴, 沾米粉長年都買到 , 幾蚊一斤/ 包 , 材料自己喜好的, 以我都是整冬菇 , 蠔士 , 瑤柱及金華火腿, 因我唔太愛吃臘味的....
發表於 2010-2-17 18:21:52 | 顯示全部樓層
19#
本帖最後由 acmc 於 2010-2-17 19:00 編輯
蘿蔔糕唔係淨係過年先整。
自己想食,幾時整都得,acmc 去食粥,飲茶平日都有蘿蔔糕賣喇!

粘米粉無話靚唔 ...
八王爺 發表於 2010-2-17 16:42

過年會多點動力整嗎 !  其實我好怕廚房油淋淋嗰種感覺, 會打冷震.
你幾時整都得, 咁我要搭單整多底呀!  
請教吓先. 我見到你將蝦米浸水, 要浸幾耐? 江瑤柱都應該要浸的? 蒜苗我未用過, 好似唔見蘿蔔糕有綠色物體, 食咗咁耐都唔知有tim.
發表於 2010-2-17 19:13:24 | 顯示全部樓層
20#
哈... 屋企做嘅 蘿蔔糕,一定食到一絲絲蘿蔔!
咁你咪學吓自己整咯。做細盤啲試下先,熟手咗再做大盤! ...
八王爺 發表於 2010-2-15 21:23

唔一定ga, 兩年前, 有個親戚個親戚, 過年時分咗四分一底蘿蔔糕比我, 話係個家婆整的, 我好開心, 諗住有正嘢食啦, 老人家一定整得靚, 未煎之前已經流口水, 點知係"一pat嘢", 仲粉過酒樓嗰d, 所以令我覺得整蘿蔔糕好唔容易!
    您需要登錄後才可以回帖 登錄 | 註冊

    本版積分規則

    12下一頁

    聯絡園藝館|手機版|HKplants

    香港園藝館   © 2017