倒塌的馬頭圍45J居民點解可以直接上樓?

我絕對同情佢地樓宇倒塌了,無處容身,但係一看見個男子開口就說什麼賠償都沒有,差人只會落口供,而女的只懂抱住小朋友埋怨沒有錢冇人幫!目的只有一個就是要原區安置立即上公屋,重要給她們賠償一絛人命的錢!大家要知道那棟樓宇只是租用的,如果唔係發生倒塌事件,業主趕你走,你都要搬遷,另覓居所,人人都是平等,點解佢地無須輪侯就可以直接上公屋,在深水埗都不知有多少人慘過她們,我發這篇文章只要抒發一下自己不滿的情緒!

其實我都好同情佢地, 知道他們的難受;
但係我一聽到佢地話石蘺D中轉屋好殘好舊, 又偏遠....
再加一句"我地係災民, 唔係難民".....

想問問他們不是暫時急切需要住所嗎?
需要支援嗎?
為何對別人作出的支援要有選擇呢? (海地果度D人連急需物資也不足...)
支援不是基本需要嗎? 難道要有delux support?

我都是有感而發, 不喜勿插

同感
依家d人最叻趁災打劫
臨時房屋又話遠, 又話要原地安置
最好免費升呢做業主

傾刻間失去家園對他們相信是個很大的打擊. 包容他們吧... 其實有聲音的只是少部份人而已. 而當中有些確是有他們的苦衷.
石蘺中轉屋應該曷政府給他們的唯一選擇. 不久他們便需自行另覓居所或上樓. 希望他們早些在原區找回一些合適的居所重新上路.

痛失家園當然是值得同情
不過佢地唔應該將哩個攪到好以社會責任咁

嗰日睇片,真係O晒咀,點解親人去世,一D都冇哀傷,只是關心賠償和政府點幫佢地,佢地令我想起:
1)之前有個BB同母親一齊瞓,俾個亞媽壓住攪到窒息,嗰對潮媽潮爸,提出要政府俾間公屋佢地.
2)新X基塌LIFT,有家屬要求新X基供書教學(呢點我同意),仲要保送美國(有D過份).考得上香港的大學,新X基絶對有責任供佢地完成學業,如果考不上香港的大學,講真,就算佢地的親人沒有遇難,也不一定有能力供佢地出國留學,佢地的出路只有出來做事或半工讀,有乜理由要人地供佢地去美國讀書?

佢地只是想利用一條死左的人命,儘量去獲得最多的好處.

宜家D人成日都話要人幫,我地個年代邊有呢D?凡事量力而為,要生存就要靠自己.我都曾經為錢奔波,同一時間跑五份補習,星期六日完全唔好諗誤樂,幫人補習係補到夜晚10點至返屋企食飯.

地方係佢地自己搵,唔好話俾人知佢地唔知層樓舊,既要交通方便,又要平,自己用腦諗下都知係有某些風險.佢地可以選擇一D樓齡新但徧遠的地方,佢地要為自己的選擇負責,唔係要人地老馮咁幫晒佢地. 電視都有得做,有D人係同地產經紀夾埋,住係D等人收購的舊樓,摶賠償.佢地願意搵命摶係佢地的事,賭輸左,點解仲要人貼錢俾佢地?

D人諗壞腦,有好嚴重的妄想証.

100%認同
政府比埋地方你住住先都仰要要原區
咁鬼麻煩

我都好記得個女人抱住小朋友大叫, 好似全世界欠左佢咁 ~ 算啦 ~ 開頭都同情佢家園盡毁 ...

但之後知道佢冇叫家翁一齊走 (講真得佢自己先知係有心定無意); 仲要落摟梯見「鳳姐」探頭追問發生咩事, 佢只匆匆拋下一句﹕「唔得閒講，冧樓喇！」, 叫都唔叫人一齊走, 乜同情都打哂折扣 ...

地方係佢地自己搵,唔好話俾人知佢地唔知層樓舊,既要交通方便,又要平,自己用腦諗下都知係有某些風險.佢地可以選擇一D樓齡新但徧遠的地方,佢地要為自己的選擇負責,唔係要人地老馮咁幫晒佢地. 電視都有得做,有D人係同地產經紀夾埋,住係D等人收購的舊樓,摶賠償.佢地願意搵命摶係佢地的事,賭輸左,點解仲要人貼錢俾佢地?

D人諗壞腦,有好嚴重的妄想証.
Kiann 發表於 2010-2-1 14:34

係有人專登搵危樓住, 駁派公屋的
我唔敢講哩單嘢有冇哩個情況

其實塌樓，算唔算佢地投資失誤呢 ？
因為住邊度，係佢地自己揀，自己俾租，無人逼佢。
業住或者其它人的錯誤，導至塌樓，應該向果啲人追討，而唔係政府。
好似果啲投資迷債失誤的人，又係要政府負責，因為鑑管唔夠.... 同驗樓唔夠係咪一樣？
真係咩世界？

好同意你們講法...

接受訪問話特首做場戲, 佢兩夫婦也咪一樣做戲, 仲要大龍鳳, 我只是聽到冇錢賠, 冇錢去親友家, 抱住個BB , 不是擔心BB 生活上問題先嗎?

今次的事係好傷痛, 但政府已安排中轉屋, 已經比一個住所佢哋 , 解決最迫切問題, 但嫌殘嫌遠真係沒有辦法囉, 說真佢哋講到層唐樓咁差, 咁又唔見得層唐樓好好囉, 但中轉屋點差都一定好過層唐樓囉,  政府已經好好咁說明合資格的人可安排上樓, 說真已是求之不得, 做人係要知足囉...

其實塌樓，算唔算佢地投資失誤呢 ？
因為住邊度，係佢地自己揀，自己俾租，無人逼佢。
業住或者其它人的錯 ...
八王爺 發表於 2010-2-1 17:43

好同意你們講法...

接受訪問話特首做場戲, 佢兩夫婦也咪一樣做戲, 仲要大龍鳳, 我只是聽到冇錢賠, 冇錢去 ...
fianfumy 發表於 2010-2-2 02:42

Exactly ~

昨天無線訪問那個年青人也十分可惡,話日日開工要做十幾個鍾,如果要搬去葵涌中轉屋係磨滅佢青春,真可笑!

今日電台訪問馮檢基, 佢話災民冇要求特別處理, 只係希望按程序處理
重鬧節目主持人

亞馮生 好得街坊人心，佢奸架！

哈，議員唔爭選票點做議員喎。有邊個議員唔奸。

有人响附近買咗舊樓等重建，話……點解唔係冧佢果幢。不過冧呢度都好，可以加快成區收回重建。<-- 最重要梗係賠償。 咁呢隻叫奸定冇人性呢？不過佢補返句，想冧樓o者，唔係想人死。

葵涌? 中轉屋? 滅青春? 唔係掛, 葵涌我一出世就住嫁喎, 冇乜問題啦, 石蘺中轉屋係就係舊D, 佢地寧願住50幾年樓, 都唔住30幾年樓, 最初祇係唔習慣個地區暏, 住吓住吓, 分分鐘唔舍得走添....

葵涌? 中轉屋? 滅青春? 唔係掛, 葵涌我一出世就住嫁喎, 冇乜問題啦, 石蘺中轉屋係就係舊D, 佢地寧願住50幾 ...
惡姨 發表於 2010-2-2 03:38

    係呀 惡姨，我最初出黎打工，由牛頭角去到西環上班，咁夠浪費青春咯！ 車錢同時間都嘥咗唔少。邊個賠俾我。哈哈哈 ....

講果句嘢果個都唔知係乜東西。

引述報導(民協馮檢基引述官員稱，社會福利署已啟動恩恤安置的機制，前日及昨日與30戶災民會面，當中20多戶初步符合資格，會再推薦給房屋署    審批，估計合資格災民起碼要兩至三個月才能遷入公屋。)點解佢地唔需要公平的輪侯,就可以立即上公屋,這個就令我氣憤的原因!