轉載:
狠心狗主屈服 救金毛盲犬短片熱爆
狠心狗主屈服
救金毛盲犬短片熱爆
2009年11月21日 (08:58 am)
一段金毛尋回犬慘被虐待致盲、最終獲救的短片,近日熱爆互聯網,觸動萬人惻隱心。名叫妹妹的金毛犬, 4年來被主人困在「天台監牢」,頸上纏着電線,活動範圍限於狗籠方圓 3呎,八號風球、黑色暴雨也不准回主人單位內,受盡日曬雨淋及蚊蟲攻擊,導致雙目失明,患上嚴重皮膚病。本月初幸獲願意收養傷殘貓狗的動物組織拯救,終有個自由的家。
救出妹妹的「希望貓狗天地」主席羅太表示,本月 2日在屯門街頭籌募經費時,接獲疊茵庭居民張太投訴,指妹妹 05年起,被困在其屋苑其中一座天台的狗籠,籠頂放滿雜物, 3年前發現牠雙眼發炎,常被烏蠅糾纏,最終失明。
羅太即與義工趕赴現場,第一眼看見妹妹時,差點哭了出來,因她發現妹妹眼珠呈白色,雙手放在其眼前也全無反應,「佢個身好臭,但好乖,我哋一拍掌佢就不斷擺尾示好,向我哋叫,好似求救咁。」報料的張太指出,妹妹雖不缺食物及清水,並可走出籠外,但頸上連着狗籠的電線令牠猶如坐監。
羅太即向居於樓下、妹妹的狗主談判,「我勸佢畀我收養,幫佢搵合適主人,又話佢涉嫌虐畜。」軟硬兼施下,羅太終獲准無條件帶走妹妹。義工將拯救過程的短片上載分享網站 YouTube,兩星期以來有逾 3.5萬人瀏覽,有網民留言抱不平,「好彩有你哋去接狗狗,如果唔係死咗喺天台都冇人知,個狗主真係冇人性!」
妹妹現居於羅太家中,獸醫指牠失明可能與長期受強烈紫外光照射有關,身體因長期沾黏汗水致皮膚病纏身,肝臟也有問題,需時調理。牠間中會撞牆,不能跳上跳落及行樓梯。有好心人曾欲領養妹妹,惟遭羅太婉拒,「未養過傷殘貓狗嘅唔係咁適合養。」她已有心理準備,照顧妹妹終老。
有次妹妹的前狗主到羅太家中探望妹妹,解釋當初收養時准妹妹入單位內,但因牠「亂咬嘢、隨處屙」才將牠困於天台,「追究佢都冇用,告佢虐畜,妹妹送上漁護署,最後都係人道毀滅」。漁護署發言人稱,殘缺的動物被領養機會一般較細,無人領養將被人道毀滅。去年漁護署接收了 11,740隻狗,有 10,350隻被人道毀滅。
妹妹被救實錄
http://www.youtube.com/watch?v=evtgAkUs7-w&feature=aso
希望貓狗天地
http://www.catdoghope.org/
捐款戶口: 中國銀行012 610 101 54776
蘋果日報
http://hk.apple.nextmedia.com/te ... amp;art_id=13443786
早前, 有一晚在家上網見到一則新聞(蘋果日報)係講一隻金毛"妹妹"的可憐身世, 真係好可憐的一隻小狗
真係估唔到, 在我住的附近, 這麼近!! 竟然會發生一d咁令人髮指的事
過了2天, 我係屯門市中心百老匯對開小巴站(11月21日, 中午)見到有狗仔衫賣, 我當然走埋去睇, 因為我年年到一定會買衫俾我家小寶寶, 點知見到隻好可愛的金毛, 是忌廉色的金毛, 已隻大定了, 著了一件超人衫, 好可愛, 我走埋去睇, 一睇!? 原來係羅太!(收養了妹妹的主人), 帶了牠出來做義賣及酬款活動, 還有一些義工幫忙
妹妹很乖巧, 好可愛, 雖然雙目失明又被前主人虐待, 但都不怕陌生人, 一叫佢就係咁擺尾~~鬼死咁得意~~
羅太好有耐性, 用膠袋載住牛奶及水俾妹妹飲........人狗相處的一刻, 實在令人好感動 |