Iris @ Succulents Collection

我家的那幾只多肉

團購笹之雪, 我買了3棵, 2棵生生得麻麻, 得1棵可以見得下人, 有棵勁爛葉

多口問兩句. 生石花除珠石外有沒有其他植料?

等出根?

有無淋過水?

珠石濕水後透氣度唔知比赤玉土差多少.

2# 肥仔文

沒有了其他植料了, 因為第一次種, 唔係好識, 只淋過一次好小水
棵野都冇乜根, 等佢再生多d根出黎, 再換過d 植料俾佢

2# 肥仔文

沒有了其他植料了, 因為第一次種, 唔係好識, 只淋過一次好小水
棵野都冇乜根, 等佢再生多d根出黎, 再換過d 植料俾佢
irishuen 發表於 2009-10-19 15:33

其實我唔熟珠石屬性.

我唔知濕水後珠石會唔會積水.
一積水..就大劑了..

4# 肥仔文


應該唔會, 因為我淋左好少好少的水, 而且聽聞生石花要好小心控制水份
所以我都唔係好敢俾咁多水佢, 基本上佢宜家係輕"漂漂"的

珠石呢，我覺種ＡＶ就ＯＫ。但多肉唔多得。。
同理。。。。個盤最好疏水。。唔好密底。。。一棵一盤就最好啦！
（個人意見！！！）

我返而想問 iris 大大你o個棵爛葉的笹之雪有沒有發黑的情況...?
我一回來時因為都有很多爛葉 + 爆角, 而發黑o個幾塊葉又一路黑下去...
不知是不是正常的情況...(~_~)a  苦惱中....
iris 大大你有冇剪掉它 ? 還是由佢 ???

我那棵一回來亦有4、5塊爛葉，我全部剪掉它，至於3處爆角因在中心位置，故不敢剪掉，現在亦是不斷發黑。

7# Magic_Bill


我果3棵都有爛葉......
爆角的剪角, 但都係發黑+爛, 我直接將佢塊葉成塊剪左出黎(咁好似好少少), 而且仲有陣味, 咪就係圖2個棵, 今日我都仲剪左幾塊葉,
最差果棵, 宜家放左係度風乾,風乾,再風乾....都唔敢俾佢入泥, 等佢再乾d 先....

有冇高手可以教下我點樣救佢呀.....

入了盆的2棵我只淋了少許水(應該不到20cc水)

8# cindyyiu


我果棵中間都有葉發黑, 是中層葉(圖2), 我是由葉根開始剪
那棵是處理好的樣子

我都有一棵王妃雷神白中斑......生得好慢...

9# irishuen

我呢家都係由佢乾... 正因為發黑的葉子位置也是在內第一, 二環~
呢家睇定 D 先~

12# Magic_Bill


我覺得佢乾好耐都未夠乾身, 好想拎個風筒出黎吹.....

請各位留心，龙舌兰个盆要大！
如果唔係根部发展不良，棵嘢唔生長。

Iris 啲盆又細又淺，唔係咁啱龙舌兰。

我上次棵生石b壞根,都係拎hi fresh茶傷口,之後落泥..
都要等2個幾星期叫做好返呀.....

再講多啲。

沙漠植物唔係少水就得，要夠陽光，如果根系發展得好，由朝晒到晚都得。
而日落之後根部會大量吸水，所以它們是深根植物。
植料疏水係好嘅，但係唔係淋少水就得。

生石花唔係用珠石種架。珠石係保水疏水物料，個体內有空間吸水，对生石花根部唔係咁好。
植料多啲粗砂，夏天太熱休眠一滴水都唔使淋咁滯。但秋冬生長期間，每次澆水要澆透，等完全乾或9成乾，再澆透。
我以前種，十幾年，都係咁。

謝謝八王爺指點迷津~
小女子會盡快改善, 屋企冇盆了, 要去買大盆
我想問咁應該要點既植料? 1份沙:1份花泥可以嗎??

請各位留心，龙舌兰个盆要大！
如果唔係根部发展不良，棵嘢唔生長。

Iris 啲盆又細又淺，唔係咁啱龙舌兰。
八王爺 發表於 2009-10-19 21:48

大鑊…
睇黎要搵個再大d的高身盆了。
用返下面這種盆 or 闊大的盆較好？

還有我想問一下盆要很深的嗎? 似蘭花盆那種深嗎?
盆要多大? 比笹之雪大一, 二吋可以嗎?
我夏天個窗台仔會有陽光曬入黎(around 5 hrs)但冬天一到, 太陽伯伯移位了add8icon

唔好意思, 多肉我是超新手, 我咩都唔識

盆來計..以前d前輩係用. 盆口徑同盆身 1:1.5的.