Sage + Oregano用種子開始種, 但死左, WHY??

買左一個長方形盤, 大約每款落左5粒種子, 初初大家都有出芽, Sage更發展到生長一塊葉, Oregano就有d葉仔, 冇機耐又死哂, 謝哂
請問點解呢?? 仲有, 佢地可以一齊同一個盤種嗎??

Sage : 淋幾多次水同可曬嗎?

Oregano : 淋幾多次水同可曬嗎?

請賜教

同一個盆種, 不應該
淋幾多次水同可曬, 這個問題嘛...

要睇下幾大果陣, 其實出真葉後已經可以5個鐘左右既日照
當然要睇你環境:

如果你住既地方無擋任晒, 盆又唔大(泥少), 兩個鐘夠你晒乾
又要睇溫度, 冬天晒6個鐘蒸發既水份一定唔夠夏天4個鐘誇張
亦要睇泥, 如果你既泥比較沙土, 水份流失當然會較多

所以好難籠統地答你淋幾次水, 可晒不可晒

基本上所有香草都非常可晒, 泥面乾先淋就ok

我自己:
Oregano 一被雨 pit 下好多葉就變黑..死
不過佢總有d剩. 剩下的好快又生好多分枝.
好似幾喜歡曬太陽架. 天氣好個排生得好靚. 一落雨就樣衰

sage. 開頭經過一段 "疑似就死期" 過左就強壯好多, 唔怕pit雨. 曬又得. dry又得

我全部都係唔dry唔淋 (我唔識咁多. 唯有做最簡單穩陣個方法)
係有蓋無窗(得欄柵)露台曬朝早太陽. 亦因為無窗. pit 雨收唔切就....

呢d都係我 4個月超新手自家經驗. 無科學驗正架 XD
希望幫到你啦

1# gloriahei
小苗唔噤曬架，尤其係暴曬，有啲幼苗曬得太勁會曉得合埋對葉扮「瞓覺」、有啲唔識咁做嘅咪乾死比你睇囉。
開頭都係放喺有光線嘅蔭涼處較安全，可等佢地生出幾對本葉後再逐步延長日照時間。