自己的生活？

今早被某親人激到彈起. 不說她是誰了, 就用代號 S .

S 以前讀書叻又靚女, 好多男仔追佢, 佢係女皇話晒事, 唔知係咪年青時太順心順意, 一次意外之後, 成個人變晒. 近十年掛住食同玩, 肥到成個波咁, 無人要 (即係無人養), 自己又懶, 唔番工, 番一日工就話辛苦, 呢樣唔想做個樣無興趣, 一日掛住找人吹水食野...


教會請 S 做義工, 佢承諾左要做的工作, 小學生都識做, 但佢拖了兩個月都唔做, 上星期我迫佢好好完成自己的工作, 有時下午會幫她煑午餐, 希望她可以專心完成工作.

到餘下一成工作時, 她說自己會攪得掂, 那我就沒有迫著她做, 希望她自動自覺完成工作. 可惜到了今日 (星期四), 我一早至電問她完成未, 她沒有即時回應, 話要趕著出門, 我著她覆我電話, 就掛了線, 無耐, 她只回了個sms, 說"未完成", 看了那個sms, 我也差點皮質醇過高暴斃.

唉~ 呢世界只有自己 (幸福的話會有個跟你過世的"伴") 係要交代的. 若你接受到終日無所事事, 唔介意人地話你無生產力, 你個"伴"又開心養起你的話, 咁你 go on 啦.

不過, 你同時要有心理準備, 萬一你的幸福突然沒有了... (e.g. touchwood 你個伴無法再照顧你), 你可否自己活下去呢?

諸位還記得廿年前有套無記劇集, 陳秀雯做女主角, 當一個肥 c9, 無工番唔打扮, 淨係掛住家務和仔女, 後來老公識左第二個唔要佢...


個故仔跟住點就唔講啦, 俾大家多點幻想空間. 提出來都係想大家也幻想一下自己的未來是如何.

你的生活是你創造出來的, 點樣叫作美好生活，是是但但有錢食鮑無錢食包, 用幾多努力換幾多物質享受，全都由你決定.   


最後一句:

幸福, 不是必然的.

s小姐是否受了感情傷害以致自暴自棄？
另一面....
有時生活太過順境都不是好事﹗

s小姐是否受了感情傷害以致自暴自棄？
另一面....
有時生活太過順境都不是好事﹗
claudiatang 發表於 2009-7-30 16:31

佢係一次意外之後，工作能力下降左．但手腳一切都正常．

有時, 人就是不肯走出死角位, 我想是一種逃避吧!!!
S小姐就是因為過往的經歷太完美了, 她可能在想 : 我又靚又叻, 點解會變成咁.....
KIM KIM 祈禱吧!! 深信神可以幫到她!!

意外創傷導致性格改變.
太太姐妹也有類似經歷.
恩愛兩口子有兒有女, 新界居民養魚養鴨, 生活不太辛苦, 但非常開心.
一次交通意外, 男的傷及頭部住院.
出院後性情大變, 由原來的日出而作, 深閏簡出, 變為呼朋引類, 花天酒地,
起始時女的考慮可能是意外住院太悶所致, 後來變本加勵, 更北上尋歡, 流連忘返.
最終離婚, 女的受此打擊, 悶悶不樂, 自閉不出來見朋友, 之後無人再找到她.
個人覺得是創傷而改變性格, 或是因傷而將潛意識釋放出來吧.
如果會因外力而改變, 即是有得改? 有得醫?

意外創傷導致性格改變.
太太姐妹也有類似經歷.
恩愛兩口子有兒有女, 新界居民養魚養鴨, 生活不太辛苦, 但非常開心.
一次交通意外, 男的傷及頭部住院.
出院後性情大變, 由原來的日出而作, 深閏簡出, 變為呼朋引類, 花 ...
ht333147 發表於 2009-8-1 13:34

"因傷而將潛意識悉放出來", 我都覺得有咁既可能. 每個人都有兩個面, 一個面係壞的真我, 另一個面則是好的真我.
小時候只有她搵人笨無人搵到佢笨 (壞的真我), 由細到大把口都好叻, 從來都係男孩子上門任她點 (有時我媽都好睇唔過眼話佢唔好咁過份), 仲好有個性, 唔會俾人搵到著數. 不過人就好勤力, 好有鬥心, 對理想都好有熱誠, 相信這是另一個好的真我了.
意外後, ... 可能自制力下降左, 所以她的壞真我走了出來, 變得好食懶做, 繼續搵人著數...

嗯 ... 我相信她那次創傷最主要是在於頭部吧!
有時腦袋的傷病確實會改變人思想的.

記得我爸爸未走前曾患上老人痴呆,他的性格跟以往平常簡直是兩個人,脾氣忽然會十分差,甚至會打人.我有陣子曾錯怪他為何會變成這樣.當我知道他原來是病了後很後悔,因我相信他是不想的... 偶爾他會變回從前那位仁慈的父親.

S可能也是因頭部創傷引致這樣.我們得明白,思想若因此改變了就是變了.有時很難以我們自己的思想去理解她. 唯有以包容、愛心去對待.妳這樣為她著急,相信妳做到了.但是要避免為此增加彼此之間的壓力 - 畢竟,妳們是親人嗎.

傷感呀﹗有錢沒錢是其次，平安和健康才真的是最重要﹗
久病床頭無孝子，很多時知易行難。

唉... 只有當佢係病人咁諗, 否則真係當無左呢個親人免激死 .
佢係跌親個頭, 但待人接物同普通人無分別, 問佢做乜唔搵工, 或者唔買菜煮, 佢就一大堆理由, 試過有一次, 我同哥哥好有耐性同佢傾搵工的事, 講講下, 佢話: "你地有工番真係好, 因為你地有星期六日放下假, 我就日日都要搵工, 好辛苦架." 我同我哥即時俾佢激到啤啤聲...
佢d應對叻過正常人呀.... 唉~

她的容貌有受損嗎？我指出事時。

她的容貌有受損嗎？我指出事時。
claudiatang 發表於 2009-8-1 22:05

唔~ 表面無傷痕, 不過因為動過腦蓋, 所以面型和頭型變左d. 但整體外貌正正常常, 佢減番肥的話, 其實可以做番靚女.

意外可能會影響受害者,我細佬一次嚴重交通意外後,手掌&腳掌都有事+個腦都要開刀.自意外後,佢冇乜記性.

可能損壞了某部份...........唉..

唔~ 表面無傷痕, 不過因為動過腦蓋, 所以面型和頭型變左d. 但整體外貌正正常常, 佢減番肥的話, 其實可以做番靚女.
jellyfishy 發表於 1/8/2009 22:31

佢有妳哩個朋友真係幾生修到啦!
個人習慣會因為生活環境因素而慢慢養成或者改變,例如一個人可以用某一種生活模式去生活,而並無遇過乜嘢問題嘅話,佢就會認為哩種生活模式適合佢,而且會成為佢嘅生存之道,長此下去會開始變成根深蒂固嘅習慣好難改變.
但係如果喺某一日,佢遇到好大問題同打擊,而開始意會到原用嘅生活模式已經唔啱用,更加覺得嚴重影響到佢喺社會上嘅生存能力,咁樣佢就會因為想確保自己嘅生存能力而開始對原用嘅生活模式作出改變,而令自己可以再次適應.
另外,若果佢覺得有啲嘢或人係可以依賴生存而唔會出問題嘅話,咁佢就會對嗰樣嘢或人更加依賴.
所以千祈唔好比支持變成一個可以依賴生存嘅因素,否則會更加難令佢有所改善.

佢有妳哩個朋友真係幾生修到啦!
個人習慣會因為生活環境因素而慢慢養成或者改變,例如一個人可以用某一種生活模式去生活,而並無遇過乜嘢問題嘅話,佢就會認為哩種生活模式適合佢,而且會成為佢嘅生存之道,長此下去會開 ...
另外,若果佢覺得有啲嘢或人係可以依賴生存而唔會出問題嘅話,咁佢就會對嗰樣嘢或人更加依賴.
所以千祈唔好比支持變成一個可以依賴生存嘅因素,否則會更加難令佢有所改善.
KUNO 發表於 2009-8-1 23:27

唉~ 呢個咪就係佢生存之道囉... 有得依賴就依賴, 有得懶就懶. ...
上兩個星期, 佢同我講, 話無朋友肯陪她打羽毛波, 想我教她, 我一口答應了, 但也要她承諾於開場前10min到球場, 她當時也答應了的.
上星期日7.50am我已經係正佢家樓下個場等佢, 可惜佢 8.15am先到, 當然未計佢熱身同埋一堆遲到理由啦.
明早8am我又要陪佢... 唉... 昨天已經sms左同佢講, 再遲到就唔再陪佢打波. 但到呢一刻佢都無回應... 唉... 都唔知會唔會來添呀.
但我也要守信, 最多到時一條友練下開波囉, 我唔會浪費個場同自己時間既.

唉~ 唉左好多聲喇. kuno版大, 呢輪係比賽季節, 我又係第一年出賽拿經驗, 恐怕呢兩個月都幾難找你地玩喇. ..

good nite lai.... 唉...