生日小GE

Made in China 既GE仔無正確既生日日子,
係7 年前既9月中,
我就係某寵物店拎左佢返屋企
當時既小GE不足7星期大..

計計下..7月中應該就係小GE出世既日子..

咁重要既日子,點可以留係屋企架!
今早個天雖然陰,但無落雨
所以我地一家人就同佢近近地去PETMAX玩啦!








SWIMMING完之後就周圍玩下..GE仔始終最鐘意FREE RUN


因為今日生日.豬爸仲買左件蛋糕仔比佢,
平日一日只可以食半塊既餅餅.今日有2塊
開心死GE仔呀!


題外話~
可能自己老了...同d養狗人仕答唔到咀~

今日3條狗買蛋糕個陣,又有人問阿GE..係咩狗呀..幾大呀..幾錢呀..點解佢咁大隻既..
我多數會答,混種狗黎囉!(心唸.佢係咩狗,大唔大隻,關你差事即..)
我都唔彩佢架啦..點知今日有條友答我..
我隻貴婦狗呀..係tea cup黎架..好貴架..佢又衰..平時咩都唔食.係食貴野呀..

有時候..真係好唔想理佢地..
唔通養狗就係為左養令狗,養名種狗呀?
你隻狗好貴又tea cup又細隻.so what???可以代表d咩??出show呀? win左又點?留種呀?定配種呀?定係想同我講你好有錢?嘩~真係唔該曬喎..
我有朋友show dog breeder.隻隻狗都幾萬,拎曬cc..不過唔好意思..我覺得ge仔幸福同可愛過佢地好多喎..

返屋企個陣,豬爸問我..你係未真係好想養隻芝娃娃呀..
我答..係呀..我想養,不過我唔會買囉,想領養囉..我唔係無錢買,係買既話我一早買左啦..
even而家去寵物店買野同ge仔cut甲,我都會去d 無貓狗買既寵物店
上次同朋友去睇狗,真係睇到心都UP,又覺得恐怖..
一個f5既小朋友去賣狗..唉...金錢世界...

希望想養貓狗既朋友~唔好買,支持領養

GE仔真係好似我家姐隻狗,我家姐隻狗都好慘,喺人地移民唔要隻狗比咗我家姐,我家姐好錫佢,已經十多年了,但喺隻狗仍然怕人唔要佢,出街留底佢一個就喊到眼腫.
生命冇分種族,支持領養,做個有責任的主人.

生日快樂呀, 黑豬仔, 你好可 愛呀, 好似我以前返工, 鋪頭入面既狗狗(叫啊餅)

小GE開心, 笑到見晒牙仔=^^=