地鐵阿叔

平日搭地鐵，水母喜歡站著依在車門邊與座位之間的玻璃屏。昨晚也如常，搭著往九龍東的地鐵回家。

去到九龍塘站，有位四五十歲已發褔的阿叔箭步衝入車廂，本來水母也沒有理會他，當車門關上，他就用他已發褔的patpat壓著水母手：

水母: (不好氣的說)　唔該唔好迫啦．
阿叔：無迫你呀．
水母：你再壓住我，我叫非禮架！
阿叔：你行開咪得囉．

期間阿叔已經用手推開左水母，霸了那個門邊．
水母：乜你咁無品架，又無禮貌！
阿叔：咩呀咩呀．．．
水母：你試下再點我，我就叫非禮，按求救鐘叫停車，大家都唔洗搭．
阿叔：你玩野呀，我邊有點你．．．（口震震）
水母：你想舒服ｄ，可以用番你個patpat迫下坐响度的乘客，佢地實讓位俾你坐～
阿叔：你係咪玩野．．．　（繼續口震震，仲眼啤啤水母）
水母：（靜止幾秒）你做乜係咁望住我？你咁望法，我會叫非禮．
阿叔：你係咪要玩野，我陪你玩～
水母：我得鬼閒陪你玩，你咪咁無聊無品又無禮貌啦！
阿叔：（手震震拿起手提，望望手提，然後作聽手提電話的模樣）有人玩野，過來幫手．
水母：（又靜止幾秒）哈哈哈～～～～　好無聊，你咁無聊無品又無禮貌，真係得鬼閒睬你～你自己玩飽佢啦～　哈哈哈～～～　（跟住到站，下車）

唉～　可憐阿叔無膽迫個位子坐，要迫水母呢ｄ外表純良的’靚妹’靠邊站～
唉～　可憐阿叔無聊到唔按號碼用手提，講假電話嚇人～
唉～　可憐見到阿叔無自信手震震扮惡．

唉～　水母心想，佢可能在生活上遇上太多失敗，老婆唔要佢，仔女睇唔起佢，工又無得開，所以太大壓力想找人蝦下掛． 算啦，放過佢啦．

這樣想完，心情也好了．

係佢唔好彩就真,遇倒隻指天椒;如果遇倒個呀婆,叫非禮都冇人信啦

哈哈哈, 香港地實在太多人了, 行路都迫, 搭車又迫, 在香港心情都特別不愉快的.
我都試過在深水步賣水晶珠的店內跟個麻x佬吵架, 佢最後都氣憤的走了, 佢先敬我一句粗口引起的, 我當然照樣回敬佢啦.

我坐火車都有見到個男人鬧兩個女仔, 原因好似是話個男人掂到女仔的胸, 個男人侮辱兩個女仔是什麼貨色, 不會吼佢地, 兩個女仔之後無出聲就比個男人一輪咀鬧, 如果我不是跟朋友一起, 我估我會幫兩個女仔鬧返個男人狗血淋頭.

好多人都係咁架 !   水母妳好勇敢呀 !

不平則鳴。不可以讓那些臭阿叔得寸進尺。水母做得好﹗

睇到各位女士都有相似經歷，大家真係要小心保護自己，ｄ衰人同埋咸豬手見女士怕事，佢地就越happy,　我地唔可以俾機會佢地蝦～～

好像妳咁靚女就話 JE !   一陣比人話返轉頭就唔知點好啦 !

做女人真幸福, 我地男人响地鐵被女人迫埋嚟, 只好啞忍, 如果有位置重要馬上自動彈開, 冇得叫非禮, 還隨時被人叫非禮 add8icon, 佢係靚女重話抵啫, 不過喺地電迫人嘅多數係肥豬扒

做女人真幸福, 我地男人响地鐵被女人迫埋嚟, 只好啞忍, 如果有位置重要馬上自動彈開, 冇得叫非禮, 還隨時被人叫非禮 add8icon, 佢係靚女重話抵啫, 不過喺地電迫人嘅多數係肥豬扒 ...
Peter 發表於 2009-7-4 23:43

若你真的給件豬扒迫到埋身，都可以叫非禮ga.

不是只有女人會比人非禮, 男人都同樣會比人非禮.
以前公司同一部門有個男同事, 二十幾歲年青人, 會害羞的類型.
聽說他曾在地鐵手握扶手時, 比個大隻男用身體某處壓住佢隻手久久,
別人一看便知道佢會不知如何是好啦, 那個男同事回到公司好不開心呢!

都唔知點解香港特別多怪人

天下烏鴉一般黑。外個怪人不比香港少。香港起碼少見酒鬼通街逛。

天下烏鴉一般黑。外個怪人不比香港少。香港起碼少見酒鬼通街逛。
claudiatang 發表於 2009-7-7 14:26

都多架 !

天下烏鴉一般黑。外個怪人不比香港少。香港起碼少見酒鬼通街逛。
claudiatang 發表於 2009-7-7 14:26

以我響香港見過嘅外籍酒鬼鐘意周街瞓而本地人貓後一般都係響街頭大吵大鬧~甚至爆樽開拖(響便利店返通宵更果陣見唔少)

不是只有女人會比人非禮, 男人都同樣會比人非禮.
以前公司同一部門有個男同事, 二十幾歲年青人, 會害羞的類型.
聽說他曾在地鐵手握扶手時, 比個大隻男用身體某處壓住佢隻手久久,
別人一看便知道佢會不知如何是好啦,  ...
Ulrica 發表於 2009-7-5 22:41

所以話做女人幸福過做男人啦
女人可以用叫非禮嚟威脅男人
男人遇到非禮事件, 一般都只有啞忍

所以話做女人幸福過做男人啦
女人可以用叫非禮嚟威脅男人
男人遇到非禮事件, 一般都只有啞忍 ...
比得大帝 發表於 2009-7-9 15:52

    我都比個大約2x歲~~~~女....模patpat.......
真係冇出聲~~~我仲走左去~

我都比個大約2x歲~~~~女....模patpat.......
真係冇出聲~~~我仲走左去~
☆桃仔☆ 發表於 2010-4-15 05:06

    咁你當時啞忍??

俾佢个 pat pat 摸到 水母手，實電死佢！
如果係勁watt的水母，電到佢即時痳痺！

俾佢个 pat pat 摸到 水母手，實電死佢！
如果係勁watt的水母，電到佢即時痳痺！ ...
八王爺 發表於 2010-4-15 14:15

    花點水母～～ add12icon