我睇中左間新村屋既3樓, 在五和路附近. 業主住地下, 唔肯租埋天台. 我同佢講我想係天台種野, 佢都唔放心, 話我可以用天台種, 不過唔可以租埋比我...其實我心郁郁喇, 不過又有d朋友話唔好. 所以想請教下大家再決定.
1.五和路d村在低窪, 打風落雨嚴重水浸?
2.五和路入夜好黑, 唔夠街燈 (朋友的感覺, 如果租我會搵晚再去睇)
3.密集式+冇物業管理+舊村, 好多賊? (業主都住地下, 我估唔會咁狼啩?)
4.唔肯租天台, 怕唔怕第日反口逼遷我d果果菜菜架?
5.天台自由出入, 寶貝會比人/狗/貓搞? 我種左會食架嘛...
6.試過去錦田紅磚屋附近逛, d村民眼神好惡架, 唔歡迎外姓人. 五和路d村會唔會都好'仇'外架?
另外係租約問題:
7.業主冇提打釐印正式租約, 收兩個月按金+上期. 我會唔會好冇保障架? 要唔要堅持打釐印?
8.我其實7月尾先搬, 但係業主想我7月1日起租, 有冇計唔駛納1個月空租呀?
9.一年死約 + 一年生約 = 第2年再議租金?
第一次租屋兼要租村屋, 乜都唔知. 請大家多多指點, thanks! |