miku學種菜~回歸種植行列~今季的成績!~28-3-12UPDATE!

因為月光光同我講話有一隻蕃茄都係出面會有葉包住果個ka,
所以未長大, 我都唔知佢係咩植物 ...
miku 發表於 2010-6-30 13:08

你比我棵疑似龍珠果開左花喇,同我之前種嘅墨西哥蕃茄d花一樣架,唔知龍珠果係咪即係墨西哥蕃茄

你比我棵疑似龍珠果開左花喇,同我之前種嘅墨西哥蕃茄d花一樣架,唔知龍珠果係咪即係墨西哥蕃茄 ...
月光光 發表於 2010-7-2 10:36

龍珠果同蕃茄d味我諗應該係唔同掛
龍珠果係食落去酸酸甜甜咁, 有d似係食梨仔咁
不過墨西哥蕃茄係咩味ka? 我未食過呀add3icon
我仲以為墨西哥蕃茄d葉係同蕃茄d葉一樣添

龍珠果同蕃茄d味我諗應該係唔同掛
龍珠果係食落去酸酸甜甜咁, 有d似係食梨仔咁
不過墨西哥蕃茄係咩味ka?  ...
miku 發表於 2010-7-2 12:00

墨西哥蕃茄我都未食過呀,之前中晒白粉病ko晒喇

月光光

我想問下你, 水瓜&節瓜呢兩樣係同勝瓜一樣一條向長生, 要摘頂先可以有子蔓定係好似青瓜苦瓜果d咁, 一生就同一時間生好多子蔓ka

我而家要安排比佢地用架定係用網呀?
最初果陣以為青瓜同勝瓜都會不停向上生, 所以青瓜比左個好高既網佢
勝瓜就比矮網佢, 而家青瓜只係用左半個網, 上面一半無用
要將d勝瓜蔓整佢爬過去青瓜上面....失晒預算, 好鬼煩

d苦瓜又痴左線咁好多子蔓, d子蔓仲高過主蔓, 爬緊去格離屋天台.....add9icon

如果你用北上買嗰個架就用架啦,我覺得穩陣d,因為水瓜同節瓜都重架,同埋要摘頂呀
青瓜都係越生越大"淋"架,遲d會用晒你成個網架

如果你用北上買嗰個架就用架啦,我覺得穩陣d,因為水瓜同節瓜都重架,同埋要摘頂呀
青瓜都係越生越大"淋"架,遲 ...
月光光 發表於 2010-7-2 12:48

青瓜我就唔怕
因為我覺得佢好快會死
佢中晒白粉病, 同埋d葉又一點點黃色
所以我而家落定d種做後備

早知買多幾個, 因為原來我都發左好多唔同既爪
應該今年會種得好勁....add7icon

不過節瓜真係唔係好得咁喎
已經一個月了, 仲係得一片真葉咋, 無長大過, 點解生得咁慢?

節瓜我無摘過頂,子蔓亦不算多, 計埋都係得幾條
如果苦瓜多子蔓可以剪走佢嘛~
勝瓜水瓜條滕都好長架, 水瓜不要連續吃幾天,因為係好寒架, 隔屋小姐連續食幾天晚上腳抽筋呀~

節瓜我無摘過頂,子蔓亦不算多, 計埋都係得幾條
如果苦瓜多子蔓可以剪走佢嘛~
勝瓜水瓜條滕都好長架, 水瓜不 ...
小寶 發表於 2010-7-2 13:03

原來水瓜係涼ka, 我未食過, 唔知味道係點, 你放心, 我唔會一連食幾日ka, 因為我好少煮飯
只係有收成先煮, 我d產量後好少ka咋, 無收成既日子係出街食ka

佢地話好多產ka, 不過我只係得一棵小苗, weekday先同佢搬屋
唔知係咪天氣問題, 定係前排d小苗比水浸過, 我兩棵節瓜苗, 唔長大, 但又無死喎, 唔知佢想點

回復 1128# miku


    會唔會唔識再生長呢, 不如再種過啦~

miku,要不要寄d節瓜種子比你?

miku


係咪亞!

我而家仲係隨時有<尖葉莧菜>及<白骨通菜>食架!
<尖葉莧菜> -- 掹極都有!
<白骨通菜> -- 摘完佢又標橫丫!
花園仔 發表於 2009-7-10 09:07

    花園仔老師
我想點解可以長摘長有的？

因為月光光同我講話有一隻蕃茄都係出面會有葉包住果個ka,
所以未長大, 我都唔知佢係咩植物 ...
miku 發表於 2010/6/30 13:08

    係丫，小寶好似種過，叫墨西哥蕃茄（好似）

我種左幾棵苦瓜(只有仔花), 一棵青瓜(只有女花)
我今日把心一橫, 用苦瓜的花去青瓜度授粉, HAHA

我就未試過用苦瓜去同青瓜授粉, 但係掉轉就試過,
最後OK左呀, 而家苦瓜長大中, 不過其實唔知係咪蜜蜂幫過手, 仲係一個迷

miku,要不要寄d節瓜種子比你?
chayote 發表於 2010-7-2 15:31

謝謝!
暫時唔洗住, 因為我仲有月光光牌節瓜種子一堆, 我已經再落種種過
睇下佢地發唔發芽

我就未試過用苦瓜去同青瓜授粉, 但係掉轉就試過,
最後OK左呀, 而家苦瓜長大中, 不過其實唔知係咪蜜蜂幫過 ...
miku 發表於 2010-7-4 00:57

肯定蜜蜂幫過!
苦瓜去同青瓜拍埋種授粉,較為難交叉受精,因為佢地只是同科不同屬,苦瓜是(Momordica苦瓜屬),青瓜是(Cucumis,甜瓜屬),血緣關係較遠,你想玩交叉受精?就用蜜瓜同青瓜la!佢地係(Cucumis,甜瓜屬),血緣關係好相近

肯定蜜蜂幫過!
苦瓜去同青瓜拍埋種授粉,較為難交叉受精,因為佢地只是同科不同屬,苦瓜是(Momordica苦瓜屬), ...
chayote 發表於 2010-7-4 12:42

今日發現西瓜有一隻b大緊啦, 等左咁耐, 終於得左,
不過絲瓜仲係無花, 好似比較難種咁
節瓜終於開始生葉了, 希望佢可以趕得上秋天時結果
但係青瓜就中左白粉病之餘
仲係葉度有黃色一點點咁
應該又中左青瓜最易中果隻病.....> <

今日發現西瓜有一隻b大緊啦, 等左咁耐, 終於得左,
不過絲瓜仲係無花, 好似比較難種咁
節瓜終於開始生葉 ...
miku 發表於 2010-7-6 01:00

我山上d田友的西瓜冇左la!因為比風雨KO左!
我d吹波腳瓜(節瓜)岩岩開男人俱樂部,未有大小姐!

miku,我e+有左批新的Butternut種子!(有2粒在瓜裹發左芽,證明好新鮮!)
想要PM我!

青瓜病了
所以要快D收左D瓜先

有4隻白青瓜BB
收得太遲, 其中三隻好似有D老


仲有秋葵同茄子


秋葵切左出來真係好靚